தபூஷங்கர் காதல் வரிகள்

**மதுமிதா** · **மதுமிதா** Thu 29 Aug 2013 - 16:32

நன்றி தபூஷங்கர்

17/02/2013

தொடருங்கள் அருமை

**மதுமிதா** · **மதுமிதா** Thu 29 Aug 2013 - 16:54

பொம்மையை நீ கொஞ்சாதே
அதற்கு உயிர் வந்துவிட்டால்
யார் வளர்ப்பது
----------------------------------------------------

உப்பைக் கொட்டியவர்கள்கூட
அள்ளிக்கொண்டு போகிறார்கள்
ஆனால் நீயோ உன்
உயர்தரப் புன்னகையைக் கொட்டிவிட்டு
அலட்சியமாய்ப் போகிறாயே
----------------------------------------------------

எத்தனைக் குதிரைசக்தி கொண்டதோ
என்னைச் சுற்றிச் சுழலடிக்கும்
உன் குதிரைவால் கூந்தல்
----------------------------------------------------

நீ சுவெட்டர் போட்டிருப்பது
உனக்குக் குளிராமல் இருக்கவா
இல்லை
ஊருக்குக் குளிராமல் இருக்கவா
----------------------------------------------------

தினந்தோறும்
குழந்தைக்கு ஆடை அணிவித்து
பள்ளிக்கு அனுப்பும் தாயைப்போல
ஒரு நாளாவது
உனக்கு ஆடை அணிவித்து
கல்லூரிக்கு அனுப்பவேண்டும்
----------------------------------------------------

நீயும் நீயும்
அடிக்கடி சந்தித்து
அப்படி என்னதான் பேசிக்கொள்வீர்கள்
கண்ணாடி முன்

அடுத்த தொகுப்பிலிருந்து
நன்றி தபூஷங்கர்

17/02/2013

சங்கரின் காதலி பாக்கியசாலி இல்லையா நண்பர்களே ?

**மதுமிதா** · **மதுமிதா** Thu 29 Aug 2013 - 17:13

அவளிடம் மயங்கு
..............................................
உனக்கென்று பிறந்தவள் இந்த உலகத்தில்தான் இருப்பாள்.
அவளை நீ தேடாதே.

தேடிக் கண்டுபிடித்து விடக்கூடியவள் இல்லை அவள்.

உனக்கென்று ஒதுக்கப்பட்ட ஒரு காதல் கணத்தில், சட்டென்று அவளே உன் கண் முன்னே தோன்றுவாள்.

அவ்வளவுதான்... உன் மதி மயங்கிப் போய்விடும். முதல்முறையாக உன் உடல்வேறு; மனம் வேறு என நீ இரண்டாகிப் போவாய்.

அதன்பிறகு... வானத்தைப் பார்த்தபடியே எங்கெங்கோ திரியும் உன் உடல்.
வாசலைப் பார்த்தபடியே, அவள் வீடிருக்கும் வீதியில் ஓர் ஆனந்த மயக்கத்தில் அசையாது கிடக்கும் உன் மனம்.

யாரிடமும் பேசாமல், யார் குரலும் கேட்காமல் திரியும் உன் உடலைக் கண்ட உன் நண்பர்கள் உனக்கு என்ன ஆயிற்று என்று அலசி ஆராய்ந்து, அவள் வீதியில் கிடக்கும் உன் மனத்தைக் கண்டெடுத்து வந்து உன் உடலிடம் கொடுப்பார்கள்.

அது அவர்கள் நட்பின் கடமை. உன் கடமை என்ன தெரியுமா?

உன் நண்பர்கள் கொண்டு வந்து கொடுத்த உன் மனதை எடுத்துக்கொண்டு ஓடிப்போய் அவள் வீடிருக்கும் வீதியில் விட்டுவிட்டு திரும்பிப் பார்க்காமல் வருவதுதான்.

நண்பர்கள் திட்டுவார்கள். திட்டிவிட்டுப் போகட்டும். அவர்களுக்கும் காதல் வரும்.

காதல் ஆத்திசூடி
தபூஷங்கர்

**மதுமிதா** · **மதுமிதா** Thu 29 Aug 2013 - 17:16

ஆனால் அவர் காதலிக்கவில்லை என்று நினைக்கிறேன்....

அப்புறம் அவரிடம் எத்தனையோ பேர் காதல் கவிதை ஆரம்பித்து விட்டு பின்பு அரசியல் சமூகம் என்று எத்தனையோ கவிதை எலுதுகிறார்கள் ஆனால் நீங்கள் காதல் கவிதை மட்டும் எழுத காரணம் கேட்டதற்கு

என்னை முதன் முதலில் கவிஞன் ஆக்கியது காதல் தான் அதனால் நான் காதல் கவிதை மட்டுமே எழுதுவேன் என்று கூறினாராம்.