எதிர்காலம் எங்கே?

**M.M.SENTHIL** · **M.M.SENTHIL** Mon Sep 23, 2013 9:50 pm

First topic message reminder :

எதிர்காலம் எங்கே?

பல்லாங்குழி ஆடும் வயதில்
பட்டாசை சுற்றுகிறோம்,
ஆலமர நிழலில்
ஐந்தாறு பேர் சேர்ந்து
விளையாடும்போது
ஆக்கிய கூட்டாஞ்சோறு
ருசி பார்க்கும் முன்னே
வந்தோமே சிவகாசிக்கு !

என்ன செய்வோம்
குடிசை வீட்டில் பிறந்த
எங்களுக்கு பள்ளியெல்லாம்
எட்டாக் கனிதான்,
பாடப் புத்தகம் இருக்க வேண்டிய கைகளில்
கந்தகத்தை தூக்கி நிற்கிறோம்!!

பிறந்தது செம்மண் பூமியானாலும்
பெற்றது கஞ்சிக்கு வழியில்லாத
கருப்பனும், கந்தாயியும்தான்!
பெற்ற பிள்ளையை காப்பாற்ற
வக்கில்லாமல் போனாலும்
கூடியிருந்த கோயிலை காப்பாற்ற
நாங்கள் வந்தோம்
சிறு மொட்டுக்களாய்
இருக்கும் போதே
வெடி மருந்தை
கைகளில் எடுக்க !!

தீபாவளி என்றால்
உங்களுக்கு கொண்டாட்டம்
ஓவர் டைம் பார்க்கவில்லை என்றால்
எங்கள் வீட்டில் சோத்துக்கு திண்டாட்டம் !!

கை ரேகை பார்க்கக் கூட
ரேகை இல்லை எங்கள் கைகளில்,
கந்தகத்தின் வாசந்தான்
சோறு உண்ணுகையில்!!

மிருகத்தை வதைத்தாலும்
தட்டிக் கேட்க ஆளுண்டு,
பிஞ்சுகளின் கரங்களில் விஷத்தை
திணிக்கும் ஆளுகளை
எதிர்த்துக் கேட்க யாருண்டு? !!

நாங்கள் உருவாக்கும் பட்டாசுகள்
வண்ண மயமாய் நெருப்பை உமில,
எங்கள் வாழ்க்கை என்னவோ இருட்டாய்!

எங்கே இருக்கிறது
எங்களுக்கான எதிர்காலம்?

யினியவன் · யினியவன் Wed Sep 25, 2013 9:19 pm

அருமை செந்தில்.

தன் படிப்பை கொளுத்தி
நமக்கு வண்ணம் தரும்
வெற்று புஸ்வானங்களே
இவர்கள் வாழ்க்கை

எதிர்காலம் எங்கே?

எதிர்காலம் எங்கே?

Re: எதிர்காலம் எங்கே?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக