திருந்தாத ஜென்மங்கள்

myimamdeen · myimamdeen Fri Jan 24, 2014 6:32 pm

மனிதனை
விலங்குகள்
விளங்கிக் கொள்ளும் .

விலங்குகளை
மனிதன்
விளங்க மறுக்கிறான்

விலங்குகளில்
விலங்காய் மனிதனும் ஒருவன்

இப்போது
மனிதனுக்கு கொம்புகளும்
விலங்குகளுக்கு மூளையும்
முளைத்து விட்டது .

எல்லாம்
புரிந்து கொண்ட விலங்குகள்
ஒன்றும் புரியாத மனிதர்களிடம்
விலங்கு போடப் பட்ட கைதிகளாய் !
பூட்டிடப்பட்ட ஊமைகளாய் !

நீதி
மன்றங்கள் இனி
தேவையில்லை
மனிதனாய் மாறிக் கொண்ட
விலங்குகளுக்கு எதற்கு ?

இனி
பள்ளிக் கூடங்கள்
தேவையில்லை
விலங்குகள் பள்ளியில் படிப்பதாய்
நாம் கண்டதேயில்லை .

-அன்புடன் இமாம் -

**M.M.SENTHIL** · **M.M.SENTHIL** Fri Jan 24, 2014 9:39 pm

விலங்குகளுக்கு மூளை உள்ளதாய் வைத்துக் கொண்டாலும், சமீபத்தில் மூன்று பேரை கடித்துக் கொன்ற புலிக்கு ஒரு வேளை மூளையில்லையோ?.
அல்லது,
காட்டை அழித்து தன் வீட்டை மனிதன் கட்டியதால், வேட்டையாட புறப்பட்டதோ ஊருக்குள்.

இந்த பதிவைத் துவங்கியவர் நன்றி கூறியுள்ளார் M.M.SENTHIL

**விஸ்வாஜீ** · **விஸ்வாஜீ** Sat Jan 25, 2014 9:33 am

கவிதை அருமை ஐயா

**Dr.S.Soundarapandian** · **Dr.S.Soundarapandian** Sat Jan 25, 2014 11:19 am

myimamdeen கவிதை நன்று ! மனிதனுக்குக் கொம்புகள் முளைத்துள்ளன! நூற்றில் ஒரு வார்த்தை ! பணக் கொம்பு ! சாதிக் கொம்பு ! பதவிக் கொம்பு ! - இப்படிப் பல கொம்புகள் !