கண்ணாடி…!

**ayyasamy ram** · **ayyasamy ram** Wed Jul 02, 2014 9:13 pm

-
கண்ணாடியில் தெரியும்
என் பிம்பம்
அது நானல்ல..
ஏமாற்றுகிறது கண்ணாடி
என்னை எங்கோ ஒளித்து
எதையோ காட்டுகிறது
என் வீட்டுக் கண்ணாடி
-
சின்னச் சின்ன சிறகுகள் எனக்குண்டு..
அதைக் கொண்டு
வானம் தொட்டு வரும்
வழக்கம் எனக்குண்டு
இறக்கை கொண்டு இமயம் மீதும்
சிறிது
இளைப்பாறி வருவதுண்டு
சிக்கவில்லை அது என் சின்ன
கண்ணாடிக்குள்..
-
வண்ணம் எனக்குண்டு
இன்பம் இழைத்து ஆசையில் ஊறி
அன்பில் தோய்ந்து அழுகையில் நனைந்து
துன்பம் துடைத்த
வானவில் வண்ணம் எனக்குண்டு..
கறுப்பு வெள்ளையாய் காட்டுகிறது
கண்ணாடி…
-
காதல் எனக்குண்டு
கன்னம் குழிந்து கண்ணில் வழியும்
காட்டவில்லை அதை
என் வீட்டு கண்ணாடி…
-
வடுக்களும் எனக்குண்டு
தீச்சொல் பட்டு வஞ்சம் எரிந்து
நெஞ்சம் துளைத்த
வடுக்களும் எனக்குண்டு
நல்ல வேளை
அதையும் காட்டாது
எதையோ காட்டி
நிற்கின்றன..
-
எல்லார் வீட்டுக் கண்ணாடிகளும்.
-
———————————–
>சிவ சுகுமாறன்

மகேந்திரன் · மகேந்திரன் Wed Jul 02, 2014 9:49 pm

அருமை
சிவ சுகுமாறன் & ayyasamy ram sir

**விமந்தனி** · **விமந்தனி** Wed Jul 02, 2014 10:18 pm

வடுக்களும் எனக்குண்டு
தீச்சொல் பட்டு வஞ்சம் எரிந்து
நெஞ்சம் துளைத்த
வடுக்களும் எனக்குண்டு
நல்ல வேளை
அதையும் காட்டாது
எதையோ காட்டி
நிற்கின்றன..
-
எல்லார் வீட்டுக் கண்ணாடிகளும்.