கால்பந்து தரவரிசையில் இந்தியா 147வது இடத்துக்கு முன்னேறியது.

புதுடில்லி: ‘பிபா’ கால்பந்து ரேங்கிங்கில் (தரவரிசை) இந்திய அணி 147வது இடத்துக்கு முன்னேறியது.

கால்பந்து அரங்கில் சிறந்து விளங்கும் அணிகளுக்கான ரேங்கிங் (தரவரிசை) பட்டியலை, சர்வதேச கால்பந்து கூட்டமைப்பு (பிபா) நேற்று வெளியிட்டது. இதில் இந்திய அணி, 173வது இடத்தில் இருந்து 147வது இடத்துக்கு முன்னேறியது. சமீபத்தில் நடந்த, 2018 உலக கோப்பை தொடரின் தகுதிச் சுற்றுக்கான ‘ரவுண்டு–1’ போட்டியில் இந்தியா, நேபாளம் அணிகள் மோதின. இதன் முதல் போட்டியில் (2–0) வெற்றி பெற்ற இந்திய அணி, இரண்டாவது போட்டியை (0–0) ‘டிரா’ செய்தது. இதன்மூலம் ரேங்கிங்கில் முன்னேற்றம் கண்டது. ஆசிய அணிகளுக்கான தரவரிசையில் இந்திய அணி 26வது இடத்தில் இருந்து 24வது இடத்துக்கு முன்னேறியது. தவிர, தெற்காசிய அணிகளுக்கான பட்டியலில் இந்திய அணி 3வது இடம் பிடித்தது. முதலிரண்டு இடங்களில் ஆப்கானிஸ்தான், மாலத்தீவு அணிகள் உள்ளன.

சர்வதேச அணிகளுக்கான பட்டியலில் 26 இடங்கள் முன்னேறிய இந்தியா, கடந்த 1993ல் (அக்டோபர்) 29, 1996ல் (பிப்ரவரி) 30 இடங்கள் முன்னேறியது.

ஜெர்மனி முன்னிலை: முதலிரண்டு இடங்களை ஜெர்மனி (1687 புள்ளி), அர்ஜென்டினா (1490) அணிகள் தக்கவைத்துக் கொண்டன. பெல்ஜியம் அணி 3வது இடத்துக்கு முன்னேறியது. கொலம்பியா 4வது இடத்துக்கு தள்ளப்பட்டது. பிரேசில் அணி 5வது இடத்துக்கு முன்னேறியதால், நெதர்லாந்து 6வது இடத்துக்கு தள்ளப்பட்டது. போர்ச்சுகல் அணி 7வது இடத்தில் நீடிக்கிறது. உருகுவே (8வது இடம்), சுவி்ட்சர்லாந்து (9வது), ஸ்பெயின் (10வது) அணிகள் முன்னேற்றம் கண்டன.

கால்பந்து தரவரிசை: 155-வது இடத்தில் இந்தியா

சர்வதேச கால்பந்து சம்மேளனம் (பிஃபா) வெளியிட்டுள்ள புதிய தரவரிசையில் இந்திய கால்பந்து அணி ஓர் இடம் முன்னேற்றம் கண்டு 155-வது இடத்தைப் பிடித்துள்ளது.

கடந்த மாதம் நடைபெற்ற 2018 உலகக் கோப்பை போட்டிக்கான தகுதிச்சுற்றில் அடுத்தடுத்து தோல்வி கண்ட இந்திய அணி 15 இடங்களை இழந்து 156-வது இடத்துக்கு தள்ளப்பட்டது.

இந்த நிலையில் சமீபத்தில் புனேவில் நடந்த சர்வதேச நட்பு ரீதியிலான கால்பந்து போட்டியில் நேபாளத்துக்கு எதிராக கோலின்றி டிரா செய்த இந்திய அணி, இப்போது ஓர் இடம் முன்னேறியுள்ளது. வரும் 8-ம் தேதி நடைபெறவுள்ள உலகக் கோப்பை தகுதிச்சுற்றில் இந்திய அணி, ஈரானை சந்திக்கவுள்ளது.

கோபா அமெரிக்கா போட்டியில் இறுதிச்சுற்று வரை முன்னேறிய அர்ஜெண்டினா தரவரிசையில் தொடர்ந்து முதலிடத்தில் உள்ளது. பெல்ஜியம் 2-வது இடத்திலும், நடப்பு உலக சாம்பியனான ஜெர்மனி 3-வது இடத்திலும் உள்ளன.