'சமூக வலைதளங்களில் பிச்சை எடுக்கிறோம்!'- குமுறும் இந்திய ஐஸ் ஹாக்கி அணி

**சிவா** · **சிவா** Mon 13 Apr 2015 - 1:11

குவைத்தில் நடைபெறவுள்ள சர்வதேச அளவிலான ஐஸ்ஹாக்கிப் போட்டியில் கலந்து கொள்ள நிதி இல்லாமல் தவிக்கும் இந்திய ஐஸ்ஹாக்கி அணிக்கு நிதியுதவி செய்யும்படி, ஐஸ்ஹாக்கி சங்க அமைப்பே ஃபேஸ்புக், ட்விட்டர் போன்ற சமூக வலைதளங்களில் தெரிவித்துள்ளது.

வரும் 18ஆம் தேதி முதல் 24ஆம் தேதி வரை குவைத்தில் ஆசிய அளவிலான ஹாக்கி ஃபெடரேஷன் சேலஞ்ச் கோப்பைக்கான ஐஸ் ஹாக்கிப் போட்டி நடைபெறவுள்ளது. இந்த போட்டியில் பங்கேற்கவுள்ள இந்திய ஐஸ் ஹாக்கி அணிக்கு சுமார் 12 லட்ச ரூபாய் பணம் தேவைப்படுகிறது. ஆனால் இந்த நிதியை திரட்ட ஐஸ் ஹாக்கி இந்திய அமைப்புக்கு எந்த ஸ்பான்சரும் உதவவில்லை. பணத்தை திரட்டவும் அந்த அமைப்புக்கு வழியும் இல்லை.

இதையடுத்து ஐஸ்ஹாக்கி அணி வீரர்களை, குவைத்துக்கு அனுப்ப நிதி தருமாறு ஐஸ்ஹாக்கி சங்க அமைப்பு ட்விட்டர் உள்ளிட்ட சமூக வலைதளங்களில் வேண்டுகோள் விடுத்துள்ளது. ட்விட்டரில் ஐஸ்ஹாக்கி சங்கம் நிதியுதவி கோரிய விவகாரம் இப்போதுதான் வெளியே வந்திருக்கிறது. இந்தியாவின் அனைத்து ஸ்பான்சர்களின் பணமும் கிரிக்கெட்டுக்கு போய் விடுகிறது. நாங்களும் இந்த நாட்டின் தேசிய அணிதான் உங்களிடம் நாங்கள் பிச்சை கேட்கிறோம் என்று வெளிப்படையாகவே அந்த அமைப்பு ட்விட்டரில் நிதியுதவி கோரியதும் தெரிய வந்துள்ளது.

இது குறித்து ஐஸ்ஹாக்கி சங்க செயலாளர் ஹர்ஜிந்தர் சிங் கூறுகையில், ''ஐஸ் ஹாக்கிப் போட்டிக்கு இந்தியாவில் உள்ள நிலை இதுதான். எங்களுக்கு இதை விட்டால் வேறு வழி தெரியவில்லை '' என்றார்.

**ராஜா** · **ராஜா** Mon 13 Apr 2015 - 13:25

பேசாம நீங்கல்லாம் ஐஸ் ஹாக்கி விளையாடுவதை விட்டுட்டு பிச்சை எடுங்க , இது தான் நம்ம அரசாங்கம்.

கிரிக்கெட் மட்டும் தான் இந்தியாவில் பணம் கொட்டும் ஒரே விளையாட்டு / தொழில் மற்றவர்களெல்லாம் நம்ம அரசாங்கத்துக்கும் சரி மக்களுக்கு சரி வேண்டாத பிள்ளைகள் தான் சோகம்

**M.Saranya** · **M.Saranya** Mon 13 Apr 2015 - 14:24

ராஜா wrote:
கிரிக்கெட் மட்டும் தான் இந்தியாவில் பணம் கொட்டும் ஒரே விளையாட்டு / தொழில் மற்றவர்களெல்லாம் நம்ம அரசாங்கத்துக்கும் சரி மக்களுக்கு சரி வேண்டாத பிள்ளைகள் தான்

மேற்கோள் செய்த பதிவு: 1130207

அதென்னமோ சரிதான் நண்பரே ...............