மழைதரும் மண் சார்ந்த மரங்களும் - மழையை குறைக்கும் மண் சாரா மரங்களும்

First topic message reminder :




வேம்பு, ஆலமரம், அரசமரம், புங்கை, அத்தி ஆகிய மரங்கள் நம் மண் சார்ந்த மரங்கள். இவை மழையை வரவழைப்பதில் முக்கிய பங்காற்றுகிறது. குளிர்ச்சியை உண்டுபண்ணுவதில் இந்த மரங்கள் முதன்மையானவை. ஆகவே இந்த மரங்க நட்டு மழை அளவை அதிகரிக்கசெய்யலாம். இந்த மரங்களை பற்றி மேலதிக தகவல்களை படிக்கும் முன்னர் சற்றே மண் சாரா மரங்களை பற்றி பார்த்துவிடுவோம்.

மழையை குறைக்கும், நிலத்தடி நீர் மற்றும் வளிமண்டல நீரை அதிக அளவு உருஞ்சும் மண் சாரா மரங்கள் இந்த சீமக
கருவேலம் மற்றும் யூகலிப்டஸ் என்று சொல்லப்படும் தைல மரம். இந்த தைல மரத்தை பற்றி தெரிந்தும் அரசே இதை வளர்ப்பதும், இதை வளர்ப்பதற்கு மானியம் தந்து ஊக்குவிப்பதும் வேதனையிலும் வேதனை.

இந்த மரங்கள் பூமியின் என்பது அடி ஆழத்திற்கும் மேல் சென்று நீரை உருஞ்சிவிடும். பொதுவாக இந்த மரங்கள் ஆங்கிலேயர்கள் நம் நாட்டை விட்டு செல்லும் போது இந்த விதைகளை தூவி சென்று விட்டதாக சொல்லப்படுகிறது. அதாவது நமது விவசாயத்தையும், இயற்கை வளங்களையும் சீரிழிக்க அவர்கள் செய்த சதி என்று சொல்லப்படுகிறது.
சீம கருவேலம் அதிக அளவு வளிமண்டல பிராண வாயுவை உறிஞ்சும் தன்மை கொண்டது, மேலும் அதிக அளவு கார்பன்டை ஆஹ்சைடுவையும் வெளியிடுகிறது. இது விறகுக்காக பயன்படுவதை தவிர வேறொரு பயனும் இல்லை.

நிலவுக்கும், செவ்வாய்க்கும் ஆள் அனுப்ப முடியும் என்று சொல்லும் நம் விஞ்ஞானிகளால் இதை அழிக்க களைகொல்லிகள் ஏதும் கண்டுபிடிக்க முடியவில்லையா? அல்லது அதற்கு மனமில்லையா என்று தெரியவில்லை..

மழை தரும் மண் சார்ந்த மரங்கள்:

ஆலமரம்:- மிகச்சிறிய விதை ஆனால் மிகப்பெரிய மரம். நல்ல உடல் பலத்தையும் ஆண்மையையும் கொடுக்கும் பழம் ஆலம் பழம். தந்தை மகன் உறவு பற்றி சொல்லும் போது இந்த ஆல மரத்தை ஒப்பிடுவார்கள். விழுது மரத்திற்கு துணையாவது போல தந்தையை மகன் காக்க வேண்டும் என்று சொல் வழக்கமும் உண்டு நம் நாட்டில்.

அரசமரம்:- தேவ விருட்சம் என்று சொல்லப்படும் இந்த மரமும் மனிதனுக்கு பல வகைகளில் பயனுள்ள மரம். பெண்களில் கர்ப்பப்பை சம்பந்தப்பட்ட பிரச்சனைகளுக்கு இந்த மரம் நல்ல தீர்வு. குழந்தை இல்லாத பெண்கள் அரச மரத்தை சுற்றுவது வழக்கம் அரச மரத்தின் காற்று கர்ப்பப்பையை பலப்படுத்துகிறது. மேலும் அரசம் பழம், அரச மர பட்டை இவை அனைத்தும் மருந்தாக பயன்படுகிறது. அரசனை நம்பி புருஷனை கைவிட்ட கதையாகிவிட்டது என்று வேடிக்கையாக சொல்வதுண்டு. இது குழைத்தை பெற பெண்கள் அரச மரத்தை சுற்றி வருவதை பற்றி சொல்லும் வழக்கம்.  

வேம்பு: இதை பற்றி சொல்வதற்கு வார்த்தைகளே இல்லை. மிகவும் முக்கிய மருந்து பொருளாகவே இந்த மரம் விளங்குகிறது.  விவசாயத்திற்கும், கால்நடைகளும், மனிதனுக்கும் மிகவும் பயனுள்ள மரங்களில் முதன்மையானது வேம்பு தான். அம்மை நோய் என்று சொன்னவுடன் சட்டெண்ட நினைவிற்கு வருவது இந்த வேம்பு தான். மேலதிக தகவல்களை தனிப் பதிவில் பாப்போம்.

அத்தி மரம்: சிம்லா அத்தி, பேயத்தி என்று அத்தி மரத்தில் சில வகைகள் உள்ளன. நம் ஊர்களில் வயல் வெளிகளில் அதிகம் காணப்படும் பேயத்தி தோல் நோய்களை குணப்படுத்த, தேக ரணங்களை குணப்படுத்த மருந்தாக பயன்படுகிறது. அத்தி பழம் ஆண்மை பலத்தை அதிகரிக்க நல்ல மருந்து.



புங்கை மரம்: வீட்டு வாசலில் இந்த மரத்தை வைத்திருப்பார்கள். வேர் அதிக பலம் இல்லாததால் வீட்டின் அருகில் இதை வளர்க்கலாம். கோடை காலங்களில் இந்த மரத்தின் கீழ் அமர்ந்தால் குளிர்ச்சியாக இருக்கும்.

இந்த மரங்கள் அனைத்தும் மழைதருவதிலும், வெயிலின் தாக்கத்தை குறைப்பதிலும் முக்க  பங்காற்றுகிறது.


நான் நிறைய புங்கை, வேம்பு, பனை மரங்களை எங்கள் ஊரில் நட்டு வைத்திருக்கிறேன்.

மிகவும் பயனுள்ள பதிவு சரவணன்

Aathira wrote:மிகவும் பயனுள்ள பதிவு சரவணன்

மேற்கோள் செய்த பதிவு: 1139927

நன்றிகள்:  

மேலும் அசோகா மரமும் இந்த லிஸ்டில் இருப்பதாக சொல்லப்படுகிறது.
அசோகா மரம் என்றால் நெட்லிங்கம் என்று தவறான கருத்து நிலவுகிறது அது உன்மைஅல்ல.

மேலும் ஒரு தகவல்: - மரங்களின் தூருக்கடியில் கற்றாழை உள்ளிட்ட குத்துச்செடிகளை அதிகமாக நட்டு வைக்கலாம். இவை தண்ணீரைச் சேகரித்து வைத்துக் கொண்டு, டிரிப்ஸ் போல பெரிய மரங்களுக்குத் தண்ணீர் அளித்துக்கொண்டே இருக்கும் என்பதால், கடும் வறட்சியிலும் கூட மரங்கள் பட்டுப்போகாமல் தப்பித்துக் கொள்ளும்.

அருமையான திரி, அருமையான தவகல்கள் சரவணன் .......தொடருங்கள் !
.
.
.
நானும் சில மரங்கள் பற்றி போடவா? இங்கு?

கண்டிப்பாக அம்மா. இது நாட்டுக்கு மிகவும் தேவையான தகவல்...
எனக்கு தெரிந்தது அவ்வளவுதான். இன்னும் தகவல் கிடைக்குமா என காத்திருக்கிறேன்..........

சரவணன் wrote:கண்டிப்பாக அம்மா. இது நாட்டுக்கு மிகவும் தேவையான தகவல்...
எனக்கு தெரிந்தது அவ்வளவுதான். இன்னும் தகவல் கிடைக்குமா என காத்திருக்கிறேன்..........

மேற்கோள் செய்த பதிவு: 1141926

எனக்கு பிடித்த, என்றாவது ஒருநாள் நான் வளர்க்கணும் என்று ஆசைப்படும் மரங்களை போடுகிறேன் இங்கு

முதலில் பன்னீர் மரம்........ஆஹா!. என்ன வாசனையாய் இருக்கும் தெரியுமா இந்த பூக்கள், பறிக்கும் முன் வாடிவிடும்.............எனக்காக எங்கள் மன்னி இன் அம்மா பறித்து கொட்டங்குச்சியில் வைத்திருப்பார்.............கிண்ணி இல் வைத்தால் கூட துவண்டுவிடும் என்று....அவ்வளவு மென்மையான மலர்......

"மோப்க்குழையும் அனிச்சம்" என்று இதத்தான் சொன்னார்களோ என்று கூட எனக்குத்தோன்றும்.........நாங்கள் செங்கல்பட்டில் இருந்தபோது, பக்கத்து வீட்டில் இருந்தது ஆனால் பூ மொத்தமும் எங்கள் மொட்டை மாடிக்குத்தன் .....வாசனையும் தான்

ரொம்ப பெரிசாய் இருக்கும், நிறைய நிழல் தரும்.

இந்த விவரம் விக்கி லிருந்து : பன்னீர் மரம் (Guettarda speciosa) என்பது ஒருவகை மரம். இம்மரம் அகன்ற கொத்தான இலைகளையும், வெண்ணிற நீண்ட மணமுள்ள பூக்களையும் உடைய படர்ந்து வளரும் மரம். பூக்களுக்காகத் தோட்டங்களில் வளர்க்கப்படுகிறது.

அடுத்தது சண்பக மரம் :.....இப்போ பெங்களூரில் நிறைய இருக்கு ரோடு ஓரங்களில், வாசனைக்கு பாம்பு வந்து விடும் என்று எங்கள் காம்பௌண்டுக்குள் வைக்க கூடாது என்று சொல்லி விட்டார்கள்.



இந்த விவரம் விக்கி லிருந்து :சண்பகம் என்பது மிகுந்த நறுமணத்தைக் கொண்ட ஓர் அரிய தாவரம். அதனாலேயே இது பெருமளவிற் பயன்படுத்தப்படுவதில்லை. தலையிற் சூடப்படும் போது இதன் தனியொரு பூவே சூடப்படுகிறது. சில வேளைகளிலேயே இது சிறிய கொத்தாகச் சூடப்படும். மிக அரிதாகவே இதனாற் செய்யப்பட்ட மாலைகள் அணியப்படுகின்றன.

மணவறைக் கட்டில்களை அலங்கரிப்பதில் மல்லிகையும் உரோசாவும் போன்றே இதுவும் பயன்படுத்தப்படுகிறது. இதன் பூக்கள் கொண்ட நீர்ப் பாத்திரங்கள் அறைகளில் வைக்கப்படுகின்றன. அழகு மிகுந்த இதனால், நறுமணத் தன்மை குறைந்த ஏனைய பூக்களுடன் சேர்த்து அலங்கரிக்கப்படுகிறது."



சண்பகப் பூவின் நறுமணத்தின் காரணமாக இது 'களிப்புறு நறுமண மரம்' என்றும் அழைக்கப்படுகிறது. தற்காலத்தில் பல இல்ல நறுமணத் தயாரிப்பாளர்கள் சண்பகப் பூவைக் கொண்டு நறுமணப் பொருட்களைத் தயாரிக்கின்றனர்.

மகிழ மரம்..............இந்த பூக்களும் மணம் மிக்கவை...பூ வாட வாட மணம் அதிகரிக்கும்............மிகபெரிய மரங்களாக வளரும்................கோடை இல் தான் பூக்கும், நாங்கள் சின்ன வயதில் கோடை விடுமுறை இன் போது, எங்கள் வீட்டருகே இருந்த போஸ்ட் ஆபீஸ் இல் இந்த மாரம் இருக்கும், அங்கு போய் கிழே உதிர்ந்த புக்களை போருக்கு மாலை கோர்ப்போம்.....இன்றும் நீங்கள் திருப்பதி உத்சவருக்கு பல சரங்களாய் கோர்த்து நல்ல தடிமனாய் 'தாம்பு கயறு' போல போட்டிருப்பதை காணலாம்

எங்கள் வீட்டு வாசலில் வைத்திருக்கோம் இந்த மரத்தை .......இப்போ கொஞ்ச மாதங்கள் முன்பு நாமக்கல் நரசிம்ஹர் கோவிலில் மிகப்பெரிய மகிழ மரம் பார்த்தோம்.



இந்த விவரங்கள் முலிகை ப்ளாக் லிருந்து எடுத்தேன் : பண்டைய தமிழ் மக்கள் பாரிய கட்டுமானப் பணிகளை ஆரம்பிக்கும்போது மகிழமரக் கன்று ஒன்றை நட்டு மகிழ்ந்தார்கள். மகிழ மரமும் அதன் மலரின் மணமும் வித்தும் பலத்த விருத்தழயையும் பல ரோகங்களை நீக்கும் சக்தியையும் கொண்டவை.



மகிழமரம் தமிழ் நாட்டில் எல்லா இடங்களிலும் வளரக்கூடியது. மேற்குத் தோடர்ச்சி மலைகளில் தானே வளர்கிறது. இதற்கு அதிக ஈரப்பதம் தேவையில்லை ஆனால் தண்ணீர் தேங்கக் கூடாது. இதன் பூர்வீகம் வட ஆசியா, தென்கிழக்கு ஆசியா, மற்றும் வட ஆஸ்திரேலியா. இதன் உயரம் 20 முதல் 50 அடி உயரம் வளரக்கூடியது. அடர்த்தியான இலைகளையுடைய பசுமை மரம். நல்ல நிழல் தரும் மரம். மனதைக் கவரும் இனிய மணமுடைய கொத்தான வெள்ளைப் பூக்களையும் மஞ்சள் நிற சாப்பிடக் கூடிய பழங்களையும் உடைய மரம்.



பூவின் மணத்திற்காக நகரங்களில் பூங்காவிலும் கோயில் களிலும், வீடுகளிலும் வளர்க்கப்படுகின்றன. இதன் மணம் மனதை மகிழவைக்கும். மகிழமரம் விதை நாற்றுக்கள் மூலம் இனப் பெருக்கம் செய்யப்படுகிறது.



மகிழ மரத்தின் மலர்கள் சக்கர வடிவத்தில் கொத்துக்கொத்தாக மலர்ந்திருக்கும். பழந்தமிழ் இலக்கியமான சீவகசிந்தாமணியில் “ஓடுதேர்க்கான் வகுளம்” என்று குறிப்பிடப்பட்டுள்ளது. கனிகள் முட்டை வடிவில் மஞ்சள் நிறத்தில் காணப்படும்.

ஆவாரம் பூ மரம் எப்படி இருக்கும் என்றும் அதன் பயன்களையும் சொல்லுங்கள் அம்மா.
இணையத்தில் ஒரே மாதிரி இரண்டு மூன்று மரங்களின் படத்தை கொடுத்துள்ளனர்.. குழம்பி போயிருக்கிறேன்...

விக்கி இலிருந்து : மௌவல் எனச் சங்ககாலத்தில் வழங்கப்பட்ட மலரை இக்காலத்தில் மரமல்லி (மரமல்லிகை) இது வீட்டில் வளர்க்கப்படும் மரம். இந்த மலரின் அரும்புகள் மகளிரின் பல் வரிசைக்கு உவமையாகக் காட்டப்பட்டுள்ளன. இப்பூ வருடத்திற்கு இரு முறை பூக்கும். மலர்கள் மிகுந்த வாசனையை கொண்டது. இப்பூவைக் கொண்டு மாலைகளும், மலர் அலங்காரங்களும் செய்யப்படுகின்றன.



மரமல்லி சங்கநூல் குறிப்புகள்:

குறிஞ்சி நில மகளிர் குவித்து விளையாடிய மலர்களில் ஒன்று மௌவல்.
குடியிருப்பு மனைகளில் இதனை நட்டு வளர்ப்பர்.
இரவில் பூக்கும் இந்த மலர் சுற்றிலும் மணக்கும்.
ஊர் ஓரப் பள்ளங்களில் இது வளர்க்கப்படும்.
மல்லிகை, மௌவல், சண்பகம் ஆகியவை வெவ்வேறு மலர்கள்.
மகளிர் சிரிப்பது போலப் பூக்கும்.
சில பெண்களின் பற்களை இக்காலத்தில் ‘அரிசிப்பல்’ எனப் பாராட்டுவர். இதனைச் சங்கப்பாடல்கள் மௌவலோடு ஒப்பிட்டுப் பாராட்டுகின்றன.
நொச்சிச் செடி ஆற்றங்கரைகளில் வளரும். இது ஆற்று நொச்சி. வீட்டில் நட்டு வளர்க்கும் மௌவலை ‘மனைநொச்சி’ எனவும் வழங்கினர்.

எங்கள் வீட்டில் இது நிறைய இருக்கு. Exit டிரைவ் ரோடு பூரவும் இவைதான்........மாடி லிருந்து பார்க்க ரொம்ப அழகாய் இருக்கும் . அதே போல பெங்களூர் ஏர்போர்ட் வரும் வழி இல் ஒரு 200 - 300 மீட்டருக்கு இரண்டு புறமும் இதேமரங்கள் பூத்து குலுங்கும் அழகே அழகு