தாத்தா பாட்டி சொன்ன கதை....அம்மா அப்பா கேட்ட கதை .........தையல்காரனும் யானையும் !

**krishnaamma** · **krishnaamma** Wed Jul 22, 2015 6:02 pm

First topic message reminder :

தாத்தா பாட்டி சொன்ன கதை....அம்மா அப்பா கேட்ட கதை ........என்கிற இந்த பாடலை கேட்கும்போது, நம் பாட்டி தாத்தா சொன்ன கதைகள் நமக்கு நினைவுக்கு வரும்..அவற்றை இந்த காலத்து குழந்தைகள் வரை கொண்டு சேர்க்கவே இந்த திரி............

இதில் எனக்கு தெரிந்த கதைகளை பதிகிறேன், நீங்களும் சிரமம் பார்க்காமல் பதிவு போடுங்கள். ஏன் என்றால், நாம் வாயில் சொல்ல எளிதாக இருக்கும் இவை type அடிக்க நேரம் எடுக்கும்.ஆனால் நாம் ரசித்த கதைகளை நம் அடுத்த சந்ததிக்கு கொண்டு சேர்க்க அந்த கஷ்டம் படலாம் என்றே எண்ணுகிறேன் புன்னகை

இந்த திரி ஷோபனாவின் குட்டிப் பையனுக்காக ஆரம்பித்திருக்கேன் ............. உங்கள் வீட்டில் இருக்கும் குட்டி பசங்களுக்காகவும் தான்.....எனவே, நீங்களும் பதிவு போடுங்கள்................ புன்னகை

முதல் கதை .......வாலு போச்சு கத்தி வந்தது.............

**krishnaamma** · **krishnaamma** Mon Jan 04, 2016 3:16 pm

ராம் அண்ணா கதையை தொடருங்கள்............ஆவலுடன் காத்திருக்கேன் புன்னகை

**krishnaamma** · **krishnaamma** Mon Jan 04, 2016 3:51 pm

கதை கதையாம் காரணமாம்!

கதை கதையாம் காரணமாம்
காரணத்தில் தோரணமாம்

தோரணத்தில் புல்லு முளைச்சுதாம்
புல்லை கொண்டுபோய்

மாட்டுக்கு போட்டானாம்
மாடு கொஞ்சம் பால் கொடுத்துதாம்

பால கொண்டுபோய் பாட்டியமாகிட்ட
கொடுத்தானாம்

பாட்டியமா பட்சணம் கொடுத்தாளாம்
பட்சணத்தை கொண்டு 'கண்ணான்' கிட்ட கொடுத்தானாம்,

'கண்ணான்' வந்து சொம்பு கொடுத்தானாம்,
சொம்பைக்கொண்டு கிணத்தில் போட்டனாம்,

கிணறு வந்து தண்ணி கொடுத்ததாம்
தண்ணிய கொண்டுபோய் பூச்செடிக்கு ஊற்றினானாம்

பூச்செடி வந்து பூ கொடுத்ததாம்
பூவை கொண்டு போய் பிள்ளையாருக்கு போட்டனாம்................ அன்பு மலர்

'கண்ணான்' - கருமான்- இரும்பு வேலை செய்பவர் புன்னகை

K.Senthil kumar · K.Senthil kumar Mon Jan 04, 2016 3:58 pm

அருமை அம்மா ...
ஊருக்கு ஊர் கதையை மாற்றி விடுவார்கள் போலிருக்கு .....
மகிழ்ச்சி

**krishnaamma** · **krishnaamma** Mon Jan 04, 2016 4:01 pm

K.Senthil kumar wrote:அருமை அம்மா ...
ஊருக்கு ஊர் கதையை மாற்றி விடுவார்கள் போலிருக்கு .....

மேற்கோள் செய்த பதிவு: 1185143

ஆமாம் செந்தில் குமார் புன்னகை

சசி · சசி Mon Jan 04, 2016 6:04 pm

அருமை அம்மா, கதை கதையாம் காரணமாம்,
கண் சிவந்தது சரியாகி விட்டதா??
சிறிது ஓய்வு எடுத்துக் கொள்ளப்படாதா?? அம்மா

**krishnaamma** · **krishnaamma** Mon Jan 04, 2016 6:11 pm

சசி wrote:அருமை அம்மா, கதை கதையாம் காரணமாம்,
கண் சிவந்தது சரியாகி விட்டதா??
சிறிது ஓய்வு எடுத்துக் கொள்ளப்படாதா?? அம்மா

மேற்கோள் செய்த பதிவு: 1185176

பாதி தேவலாம் சசி...........மருந்து போட்டுக்கொள்கிறேன்...என்றாலும் இங்கு வராமல் இருக்க முடியலை ஜாலி

..............நேத்து வேறு என்னால் உள்ளே வர முடியலை.............ஏனோ தெரியலை.இன்று ஓகே புன்னகை

.
.
.
நீங்கள் நலமா?..அம்மா எப்படி இருக்காங்க ? புன்னகை

**ayyasamy ram** · **ayyasamy ram** Mon Jan 04, 2016 8:59 pm

அன்புள்ள தங்கைக்கு
-
'கதையும் முடிந்தது, கத்திரிக்காயும் காய்த்தது' கதையின்
தொடர்ச்சி இதோ:
-
பாட்டியும் தான் சொல்லிய கதையை தினசரி ஒரு சஸ்பென்ஸ்
வைத்து, மீதியை நாளைக்கு சொல்றேன்னு சொல்லிடுவா...
-
யமனும் தினசரி வந்து கதையை கேட்டு விட்டு சென்றான்
-
எவ்வளவு பெரிய கதையாக இருந்தாலும் ஒரு கட்டத்தில்
முடிக்கத்தானே வேண்டும்....
-
அந்த நாளும் வந்தது...கதையை மங்களகரமாக முடித்து
வைத்தாள் பாட்டி....
'கதையும் முடிந்தது, கத்திரிக்காயும் காய்த்தது' என்று
கடைசியாக ஒரு வசனம் வேறு சொன்னாள்....
-
குழந்தைகள் தூக்க கலக்கத்தில் கலைந்து சென்றனர்.
குழந்தைகள் சென்றதும் யமன் பாட்டியிடம்
சந்தேகம் கேட்டான்...
-
நான் கவனமாக கதை கேட்டு வந்தேன், கதையில் எந்த
இடத்திலும் கத்தரிக்காய் பற்றி வரவேயில்லையே என்று
ஆர்வமாக விளக்கம் கேட்டான்..
-
பாட்டியும் அதற்கான பதிலை சொன்னாள்:
-
யமதர்ம ராஜரே,,,, நீங்கள் முதல் நாள் வந்த அன்றே எனக்கு
உள்ளுணர்வால் என் விதி முடிந்து விட்டது என்பதை
அறிந்து கொண்டேன்...
-
இருந்தாலும் தோட்டத்தில் கத்திரிக்காய் செடிகள் வளர்த்து
வந்தேன்...அதில் காய்க்கும் கத்திரிக்காயை உணவாக உண்டு
விட்டு, பின்னர் உன்னுடன் வர விருப்பம் கொண்டேன்...
அதனால்தான் கதையை எவ்வளவு நாளைக்கு விரிவாக
சொல்ல முடியுமோ அப்படி காலத்தை கடத்தினேன்...
இப்போது தோட்டத்தில் கத்திரிக்காய் காய்த்து விட்டது
ஒரு நாள் அவகாசம் கொடுத்தால் கத்திரிக்காய் சமைத்து
உண்டு விட்டு, உன்னுடன் விருப்பத்துடன் வருவேன்
அருள் புரிய வேண்டும்' என்றாள்.
-
யமதர்மராஜன் உவகையுடன் சொன்னான்:
'பாட்டி உன் ஆயுளுக்குள் எவ்வளவோ பேருக்கு கதை சொல்லி
மகிழ்வித்து இருக்கிறாய்...நானும் கதை கேட்டு மகிழ்ந்தேன்.
அதனால் உனக்கு அருள் பாலிக்க வேண்டும் என எண்ணம்
கொண்டேன்...
-
உன்னை அந்த நிலாவில் அமர வைக்கிறேன்...குழந்தைகளுக்கு
அம்மாக்கள் உணவூட்டும்போது, நிலவில் அமர்ந்திருக்கும்
உன்னைக் குழந்தைகளுக்கு , காட்டுவார்கள்...'
-
சொன்னபடியே எமதர்மராசன் செய்தார்....இன்றும்
பாட்டி நிலாவில் தோசை சுட்டுக் கொண்டிருக்கிறாள்...!
-
--------------------------------------------

**krishnaamma** · **krishnaamma** Mon Jan 04, 2016 9:03 pm

வாவ் !.......அருமையான கதை ராம் அண்ணா ................ நடனம்

.
.
.
மிக்க நன்றி !....................நான் இந்த கதை கேட்டது இல்லை !...................

.
.
.
வி.பொ.பா ராம் அண்ணா புன்னகை

**krishnaamma** · **krishnaamma** Tue Jan 05, 2016 10:52 pm

இப்போ நான் போடப்போகும் பாட்டு, நாங்கள் சின்ன வயதில் ஞாபக சக்தியை பெருக்கிக்கொள்ள சொன்னது..............இங்கு கொஞ்ச நாள் முன்பு சாமி போட்டிருந்தார்............அதில் கொஞ்சம் நாங்க மாற்றிப்பாடுவோம் என்று சொல்லி இருந்தேன், அதை இப்போ இங்கு போடுகிறேன் புன்னகை

தாத்தா பாட்டி சொன்ன கதை....அம்மா அப்பா கேட்ட கதை .........தையல்காரனும் யானையும் ! - Page 30 1r6CNhdQS2uWO7pvKmaM+horse_with_fly-resized-600

'ஈ....ஈ...'.என்று ரீங்காரம் இட்டுக்கொண்டே, சந்தோஷமா சிரிச்சுப் பறந்துகிட்டிருந்த 'ஈ' சட்டுன்னு எதிலோ இடித்துக்கொண்டதாம் ..........இப்போ என்ன சொல்லிக்கொண்டிருந்தோம் என்று அதுக்கு மறந்து போச்சாம்.........தன பேரை மறக்காமல் இருக்கத்தான் அது இப்படி 'ஈ....ஈ...'.என்று ரீங்காரம் இட்டுக்கொண்டே, பறந்து திரியுமாம்........... திடீர்ன்னு இடிச்சுக்கவே, அதுக்கு தான் சொல்லிக்கொண்டிருந்த தம் பேரு மறந்து போச்சாம் சோகம்

.
.
இப்போ யாரைப்போய் கேட்கிறது என்று, சுத்துமுத்தும் பார்த்ததாம்....பார்த்தால், அங்கே ஒரு குட்டி கன்னுக்குட்டி புல்லை மேய்ந்து கொண்டு  இருந்ததாம்..........இந்த ஈ அதைப் பாத்து கேட்டதாம்:

ஈ: கொழு கொழு கன்றே! என் பெயர் என்ன?

கன்னுக்குட்டி : எனக்குத் தெரியாது! எனக்குத் தெரியாது!
எங்க அம்மாகிட்டப் போய் கேளுன்னு சொல்லித்தாம்....

உடனே அந்த ஈ அந்த குட்டியோட அம்மாகிட்டப் போய் கேட்டுதாம்.

ஈ: கொழு கொழு கன்றே! கன்றின் தாயே!
என் பெயர் என்ன?

அந்த பசு சொன்னதாம், எனக்குத் தெரியாது! எனக்குத் தெரியாது!
என்னை மேய்க்கும் இடையன்கிட்ட போய் கேளுன்னு.....

சரின்னு... அங்க பக்கத்திலேயே இருந்த மாடு மேய்க்கிற இடையன்கிட்டப் போய்,

ஈ: கொழு கொழு கன்றே! கன்றின் தாயே!
தாயை மேய்க்கும் இடையா! என் பெயர் என்ன?

அதுக்கு அந்த இடையன், எனக்குத் தெரியாதே ,
என் கையிலிருக்கும் கோல்கிட்டக் கேளுன்னு சொன்னானாம்..............

ஈ: கொழு கொழு கன்றே! கன்றின் தாயே!
தாயை மேய்க்கும் இடையா! இடையன் கைக் கோலே!
என் பெயர் என்ன?

கோல்: எனக்குத் தெரியாது! எனக்குத் தெரியாது!
நான் வளர்ந்த கொடிமரத்துகிட்டப் போய்க் கேளுன்னு  சொல்லித்தாம்.....

ஈ உடனே, அந்த கொடிமரத்தை தேடிப் போய்க் கேட்டுதாம்....

ஈ: கொழு கொழு கன்றே! கன்றின் தாயே!
தாயை மேய்க்கும் இடையா! இடையன் கைக் கோலே!
கோல் வளர்ந்த கொடிமரமே!
என் பெயர் என்ன?

கொடி: எனக்குத் தெரியாது! எனக்குத் தெரியாது!
என் மேல உட்கார்ந்து இருக்கிற கொக்குகிட்டப் போய்க் கேளுன்னு  சொல்லித்தாம்.....

ஈ: கொழு கொழு கன்றே! கன்றின் தாயே!
தாயை மேய்க்கும் இடையா! இடையன் கைக் கோலே!
கோல் வளர்ந்த கொடிமரமே! கொடிமரத்தின் மேலிருக்கும் கொக்கே!
என் பெயர் என்ன?

கொக்கு சொல்லித்தாம்............. எனக்குத் தெரியாதே ..........
நான் தண்ணி குடிக்கிற குளத்துகிட்டேப் போய்க் கேளுன்னு  சொல்லித்தாம்.....

அந்த ஈயும், கொக்கு தண்ணி குடிக்கும் குளத்துக்குப் போய்,

ஈ: கொழு கொழு கன்றே! கன்றின் தாயே!
தாயை மேய்க்கும் இடையா! இடையன் கைக் கோலே!
கோல் வளர்ந்த கொடிமரமே! கொடிமரத்தின் மேலிருக்கும் கொக்கே!
கொக்கும் குடிக்கும் குளமே!
என் பெயர் என்ன?

அதுக்கு அந்த குளம் சொல்லித்தாம், எனக்குத் தெரியாது! எனக்குத் தெரியாது!
என்கிட்டே இருக்கற மீன்கிட்டப் போய்க் கேளுன்னு .....

உடனே அந்த ஈ மீன்களைத் தேடிப் பிடிச்சுக் கேட்டுத்தாம்...........

ஈ: கொழு கொழு கன்றே! கன்றின் தாயே!
தாயை மேய்க்கும் இடையா! இடையன் கைக் கோலே!
கோல் வளர்ந்த கொடிமரமே! கொடிமரத்தின் மேலிருக்கும் கொக்கே!
கொக்கும் குடிக்கும் குளமே! குளத்தில் இருக்கும் மீனே!
என் பெயர் என்ன?

மீன்: எனக்குத் தெரியாது! எனக்குத் தெரியாது!
என்னைப் பிடிக்கும் வலைஞன்கிட்டப் போய்க் கேளு!

உடனே அந்த ஈ வலைஞனை தேடிப் போய் கேட்டுத்தாம்...........

ஈ: கொழு கொழு கன்றே! கன்றின் தாயே!
தாயை மேய்க்கும் இடையா! இடையன் கைக் கோலே!
கோல் வளர்ந்த கொடிமரமே! கொடிமரத்தின் மேலிருக்கும் கொக்கே!
கொக்கும் குடிக்கும் குளமே! குளத்தில் இருக்கும் மீனே!
மீன் பிடிக்கும் வலைஞா!
என் பெயர் என்ன?

வலைஞன்: அடாடா........... எனக்குத் தெரியாது! எனக்குத் தெரியாது!
என் கையிலிருக்கிற சட்டிகிட்டப் போய்க் கேட்டுக்கோ என்றானாம்..........

ஈ: கொழு கொழு கன்றே! கன்றின் தாயே!
தாயை மேய்க்கும் இடையா! இடையன் கைக் கோலே!
கோல் வளர்ந்த கொடிமரமே! கொடிமரத்தின் மேலிருக்கும் கொக்கே!
கொக்கும் குடிக்கும் குளமே! குளத்தில் இருக்கும் மீனே!
மீன் பிடிக்கும் வலைஞா! வலைஞன் கைச் சட்டி!
என் பெயர் என்ன?

சட்டி: எனக்குத் தெரியாது! எனக்குத் தெரியாது!
என்னை செய்யும் குயவன்கிட்டப் போய்க் கேளுனுத்தாம்.............

சரிதான்........... இன்னைக்கு எப்படியும் என் பேரைக் கண்டுபிடிக்காம விட்டுர்றதில்லைன்னுட்டு அந்த குயவனைத் தேடிப் போச்சாம்.

ஈ: கொழு கொழு கன்றே! கன்றின் தாயே!
தாயை மேய்க்கும் இடையா! இடையன் கைக் கோலே!
கோல் வளர்ந்த கொடிமரமே! கொடிமரத்தின் மேலிருக்கும் கொக்கே!
கொக்கும் குடிக்கும் குளமே! குளத்தில் இருக்கும் மீனே!
மீன் பிடிக்கும் வலைஞா! வலைஞன் கைச் சட்டி!
சட்டி பண்ணும் குயவா!
என் பெயர் என்ன?

குயவா: எனக்குத் தெரியாது! எனக்குத் தெரியாது!
என் கையிலிருக்கிற மண்ணுகிட்டப் போய்க் கேளு!

ஈ: கொழு கொழு கன்றே! கன்றின் தாயே!
தாயை மேய்க்கும் இடையா! இடையன் கைக் கோலே!
கோல் வளர்ந்த கொடிமரமே! கொடிமரத்தின் மேலிருக்கும் கொக்கே!
கொக்கும் குடிக்கும் குளமே! குளத்தில் இருக்கும் மீனே!
மீன் பிடிக்கும் வலைஞா! வலைஞன் கைச் சட்டி!
சட்டி பண்ணும் குயவா! குயவன் கை மண்ணே!
என் பெயர் என்ன?

மண்: எனக்குத் தெரியாது! எனக்குத் தெரியாது!
என் மேல் வளந்திருக்கிற புல்கிட்டேப் போய்க் கேளு!

ஈ: கொழு கொழு கன்றே! கன்றின் தாயே!
தாயை மேய்க்கும் இடையா! இடையன் கைக் கோலே!
கோல் வளர்ந்த கொடிமரமே! கொடிமரத்தின் மேலிருக்கும் கொக்கே!
கொக்கும் குடிக்கும் குளமே! குளத்தில் இருக்கும் மீனே!
மீன் பிடிக்கும் வலைஞா! வலைஞன் கைச் சட்டி!
சட்டி பண்ணும் குயவா! குயவன் கை மண்ணே!
மண் மேலிருக்கும் புல்லே!
என் பெயர் என்ன?

புல்: எனக்குத் தெரியாது! எனக்குத் தெரியாது!
என்னைத் திங்குற குதிரைகிட்டப் போய்க் கேளுனுத்தாம்............

ஈ: கொழு கொழு கன்றே! கன்றின் தாயே!
தாயை மேய்க்கும் இடையா! இடையன் கைக் கோலே!
கோல் வளர்ந்த கொடிமரமே! கொடிமரத்தின் மேலிருக்கும் கொக்கே!
கொக்கும் குடிக்கும் குளமே! குளத்தில் இருக்கும் மீனே!
மீன் பிடிக்கும் வலைஞா! வலைஞன் கைச் சட்டி!
சட்டி பண்ணும் குயவா! குயவன் கை மண்ணே!
மண் மேலிருக்கும் புல்லே! புல் தின்னும் குதிரை!
என் பெயர் என்ன?

குதிரை : ஹீஈஈஈஈஈ! ஹீஈஈஈஈ என்று கனைத்தாம்...........அப்போதான் அந்த 'ஈ'க்கு தன் பேர் சட்டுன்னு நினைவுக்கு வந்ததாம்.............

உடனே, அந்த குதிரைக்கு ஒரு நன்றி சொல்லிட்டு சந்தோஷமாய், 'ஈ....ஈ...'.என்று ரீங்காரம் இட்டுக்கொண்டே, பறந்து போச்சாம்.............

இந்த நேரத்தில் நாம் பிற விலங்குகளின்   சத்தங்களை எப்படி சொல்வோம் என்று குழந்தைகளுக்கு சொல்லலாம் புன்னகை

K.Senthil kumar · K.Senthil kumar Tue Jan 05, 2016 11:14 pm

கதை பாடலை படித்துவிட்டேன் அருமை அம்மா

இதை பாடித்தான் சொல்லவேண்டும் முயற்சிசெய்து பார்க்கிறேன் ..

Sponsored content · Sponsored content

தாத்தா பாட்டி சொன்ன கதை....அம்மா அப்பா கேட்ட கதை .........தையல்காரனும் யானையும் !

தாத்தா பாட்டி சொன்ன கதை....அம்மா அப்பா கேட்ட கதை .........தையல்காரனும் யானையும் !

Re: தாத்தா பாட்டி சொன்ன கதை....அம்மா அப்பா கேட்ட கதை .........தையல்காரனும் யானையும் !

Re: தாத்தா பாட்டி சொன்ன கதை....அம்மா அப்பா கேட்ட கதை .........தையல்காரனும் யானையும் !

Re: தாத்தா பாட்டி சொன்ன கதை....அம்மா அப்பா கேட்ட கதை .........தையல்காரனும் யானையும் !

Re: தாத்தா பாட்டி சொன்ன கதை....அம்மா அப்பா கேட்ட கதை .........தையல்காரனும் யானையும் !

Re: தாத்தா பாட்டி சொன்ன கதை....அம்மா அப்பா கேட்ட கதை .........தையல்காரனும் யானையும் !

Re: தாத்தா பாட்டி சொன்ன கதை....அம்மா அப்பா கேட்ட கதை .........தையல்காரனும் யானையும் !

Re: தாத்தா பாட்டி சொன்ன கதை....அம்மா அப்பா கேட்ட கதை .........தையல்காரனும் யானையும் !

Re: தாத்தா பாட்டி சொன்ன கதை....அம்மா அப்பா கேட்ட கதை .........தையல்காரனும் யானையும் !

Re: தாத்தா பாட்டி சொன்ன கதை....அம்மா அப்பா கேட்ட கதை .........தையல்காரனும் யானையும் !

Re: தாத்தா பாட்டி சொன்ன கதை....அம்மா அப்பா கேட்ட கதை .........தையல்காரனும் யானையும் !

Re: தாத்தா பாட்டி சொன்ன கதை....அம்மா அப்பா கேட்ட கதை .........தையல்காரனும் யானையும் !

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக