கரன்சியில் தவறு: ரூ.37 கோடி இழப்பு

**ayyasamy ram** · **ayyasamy ram** Sun Aug 02, 2015 3:57 am

புதுடில்லி:
ரூபாய் நோட்டில், முன்னாள் ரிசர்வ் வங்கி கவர்னரின்
பெயர் தவறாக அச்சடித்ததால், மத்திய அரசுக்கு,
36.69 கோடி ரூபாய் இழப்பு ஏற்பட்டுள்ளதாக, தலைமை
கணக்கு அலுவலகமான சி.ஏ.ஜி., தெரிவித்துள்ளது.
–
இது குறித்து லோக்சபாவில் தாக்கல் செய்யப்பட்ட
அறிக்கை விவரம்:
–
ரிசர்வ் வங்கி கவர்னராக 2008, செப்., 5 முதல், 2013,
செப்., 4 வரை, டி.சுப்பாராவ் இருந்தார். அவரைத்
தொடர்ந்து, ரகுராம் ராஜன் ரிசர்வ் வங்கி கவர்னர் ஆனார்.
இந்நிலையில், மத்திய பிரதேசம், தேவாசில் உள்ள பேங்க்
நோட் பிரஸ் – பி.என்.பி., 2014, ஜனவரி முதல் பிப்ரவரி வரை,
சுப்பாராவ் கையெழுத்துடன், 37.20 கோடி ரூபாய்
நோட்டுகளை அச்சடித்துள்ளது.
–
அவற்றில், 14.60 கோடி ரூபாய் நோட்டுகள், ரிசர்வ் வங்கியின்
பிராந்திய அலுவலகங்களுக்கு அனுப்பி வைக்கப்பட்டு
உள்ளன. அவற்றில், ரிசர்வ் வங்கி கவர்னர் ரகுராம் ராஜன்
பெயர் இல்லாமல், வரிசை எண்களும், சீரற்று இருந்ததை
கண்ட, பிராந்திய அலுவலகங்கள், அதுபோன்ற கரன்சிகளை
அனுப்ப வேண்டாம் என்று, பி.என்.பி.,ஐ கேட்டுக் கொண்டன.
–
இந்த தவறு காரணமாக, பொதுத் துறை நிறுவனமான
பி.என்.பி.,க்கு, 36.69 கோடி ரூபாய் இழப்பு ஏற்பட்டுள்ளது.
இவ்வாறு அந்த அறிக்கையில் கூறப்பட்டு உள்ளது.
–
—————————————-

தினமலர்