போராட்டம் ... இழப்பு .... மன்னிப்பு

போராட்டம்

அன்புக்காக போராடலாம்
அன்பே போராட்டம்
ஆகாத வரை

மற்றவர் மீது செல்லுத்தியது
அதீத அன்பாயினும்
மரியாதையுடன் விலகிவிடுவது சிறந்தது
அவர் தேவை தெரியும்பொழுது .....

உலக தேவைகளை என்றோ
கடந்து விட்டிருந்தாலும்
உணர்வுகளை கடப்பது மட்டும்
ஏனோ இன்னும் புதிராய்
உன் பிரிவும் கற்றுதந்திடுமோ ?

புரிந்தும் பிரிந்தேன்
உன் வெறுப்பு அறிந்து - நீயோ
பிரிந்தும் புரிந்துக் கொள்ளவில்லை

கனலென வீசிய வார்த்தைகளில்
இதயம் வெந்து விடாமல் இருப்பது
அதிசயம் தான்
அன்பான இதயத்தை அப்பளமாய்
நொறுக்கி விட்டதாலோ ?
-------------------------------------------------------------
இழப்பு

வாழ்வில் இழப்பு
சிலருக்கு மனதால்  
சிலருக்கு காதலால்
சிலருக்கு பணத்தால்
சிலருக்கு வாழ்க்கையால்
சிலருக்கு உறவினர்களால்
சிலருக்கு அதீத அன்பால்
சிலருக்கு பேரார்வத்தால்
சிலருக்கு சந்தேகத்தால்
சிலருக்கு அவநம்பிக்கையால்
சிலருக்கோ காரணமே அறியாது
இழப்பின் வலி மட்டும்
மிஞ்சுவது ஏன் ?

-----------------------------------------

மன்னிப்பு

என்றேனும் மனம் இரங்கினால் மன்னித்து விடு
அளவு கடந்த அன்பு செலுத்தியதற்கு
உயிரினும் மேலாய் உன்னை மதித்ததற்கு
உன் துயருக்கு தோள் கொடுக்க நினைத்ததற்கு
தூய நட்பை தொடர எண்ணியதற்கு
உள் காயங்களை ஆற்ற விழைந்ததற்கு  
தேவை தெரியாமல் பழகியதற்கு
என்றேனும் மனம் இரங்கினால்
சிறிதளவேனும் நம்பிக்கை வைத்து
பேதையை மன்னித்து விடு ......

நிலவாய்
சிறிதே தூரம் உடன்வந்தாய்
சிறிதளவேனும் மனதை குளிர்வித்தாய்
நீர் அடித்து நீர் விலகாவிட்டாலும்
அன்பின் வெள்ளத்தில்
அடிபட்டு சிதறியதே உள்ளம்
வெற்றிடமாய் இருக்கும் மனதில்
இழப்பின் வெப்பம் நீங்காதிருக்க
மௌனமாய் தனிமையில்
எண்ணங்களை கடக்க முயல
கனவிலும் எண்ணவில்லை
வேண்டாத பாதணியாய்
கழற்றி எறிவாய் என்று ....
இருந்தும் மன்னித்து விடுகிறேன்
உயிருள்ளவரை மறக்க
முடியாது போனாலும் ......
-------------------------------------------------------------

நல்ல கவிதை தான். அன்பரே.......

யாவும் நன்றாக இருக்கிறது ,

ரமணியன்

நன்று...

P.S.T.Rajan wrote:நல்ல கவிதை தான்.  அன்பரே.......

மேற்கோள் செய்த பதிவு: 1157367 நன்றி

T.N.Balasubramanian wrote:யாவும் நன்றாக இருக்கிறது ,

ரமணியன்

மேற்கோள் செய்த பதிவு: 1157419
நன்றி

மிகவும் அருமை லக்ஷ்மி ......................

krishnaamma wrote:மிகவும் அருமை லக்ஷ்மி ......................

மேற்கோள் செய்த பதிவு: 1157467 மிக்க நன்றி ... சுதந்திர தின வாழ்த்துக்கள்

lotus73 wrote:

krishnaamma wrote:மிகவும் அருமை லக்ஷ்மி ......................

மேற்கோள் செய்த பதிவு: 1157467 மிக்க நன்றி ... சுதந்திர தின வாழ்த்துக்கள்

மேற்கோள் செய்த பதிவு: 1157546

நன்றி .................உங்களுக்கும் அன்பான, சுதந்திர தின வாழ்த்துக்கள் !..............

அனைத்தும் அருமை லக்ஷ்மி .