படித்ததில் பிடித்தது - தொடர்பதிவு - தமிழ் பிரியன் !

First topic message reminder :

உதவி !

உலகில் மிகவும் எளிமையானது
பிறரிடம் குறை காண்பது ...

உலகிலேயே மிகக்  கடினமானது
தான் குறையை தானே அறிவது ...

கான்டாக்ட் லென்ஸ்

கி.பி 11ம் நூற்றாண்டில் ‘Reading stone’ என்ற பெயரில் ஒற்றை லென்ஸாக மூக்குக் கண்ணாடி அறிமுகமாயிருந்தது. பல்வேறு மாற்றங்களை மூக்குக்கண்ணாடி அடைந்துகொண்டிருந்த 15ம் நூற்றாண்டில்தான் கான்டாக்ட் லென்ஸ் பற்றி டாவின்சி சொல்லியிருந்தார்.

பார்வைக் குறைபாடு கொண்ட நண்பரிடம், ‘தண்ணீர் நிரப்பப்பட்ட கண்ணாடிக் குடுவையின் வழியே பார்த்தால் பார்வை தெளிவாகத் தெரியும்’ என்றார். நண்பர் பார்த்துவிட்டு ஆச்சரியமானார். அதை விளையாட்டாக விட்டுவிடாமல், ஒரு கண்ணாடியை இதுபோல வடிவமைக்க முடியுமா என முயற்சித்தார் டாவின்சி.

அறிவியல் உலகத்தைச் சேர்ந்த யாரும் இதை பெரிதாக எடுத்துக் கொள்ளவில்லை. ஆனால், டாவின்சி யின் காலம் முடிந்து, கி.பி. 1636ம் ஆண்டில், ரெனி டெஸ்கார்டிஸ் என்ற பிரெஞ்சு அறிவியலாளர், டாவின்சியின் முயற்சியில் சாத்தியங்கள் இருப்பதாக நம்பினார். ஒரு சிறிய கண்ணாடி குடுவையில் தண்ணீரை நிரப்பி கருவிழியின் அருகில் வைத்துப் பார்த்தார். கருவிழியோடு தொட்டுக் கொண்டிருக்குமாறு இருந்ததால், இதற்கு கான்டாக்ட் லென்ஸ் (Contact lens) என்று பெயர் வைத்தார்.

டெனி டெஸ்கார்டிஸ் உருவாக்கிய கண்ணாடியின் அளவை இன்னும் மெலிதாக்கி, மெழுகின் மூலம் கருவிழியில் ஒட்டவைக்க முயற்சி செய்தார் தாமஸ் யங் என்ற இங்கிலாந்து விஞ்ஞானி. கி.பி.1845ம் ஆண்டு, இங்கிலாந்து விஞ்ஞானி சர் ஜான் ஹெர்செல் என்பவரும் கான்டாக்ட் லென்ஸ் தொடர்பாக பல முயற்சிகள் செய்திருந்தார். 18ம் நூற்றாண்டில் கான்டாக்ட் லென்ஸ் இறுதி வடிவம் பெற்றது. டாக்டர் அடோல்ஃப் ஃபிக், யூகன் கல்ட், லூயிஸ் ஜெரார்ட் மூவரும் கான்டாக்ட் லென்ஸை வெற்றிகரமாக வடிவமைத்தனர். பார்வைக் கோளாறுக்காகப் பயன்படுத்தத் தொடங்கிய கான்டாக்ட் லென்ஸ், இன்று நவநாக ரிக அடையாளங்களில் ஒன்றாகவும் மாறியிருக்கிறது!

நன்றி - ஜி.ஸ்ரீவித்யா மற்றும் தினகரன்

pravin1996@gmail.com wrote:கான்டாக்ட் லென்ஸ்

அரிய தகவல் , பகிர்வுக்கு மிக்க நன்றி ,

ஏற்கனவே இங்கு ஒரு அருண் இருப்பதால் உங்கள் பெயரை நீங்கள் கேட்டுகொண்டதற்கிணங்க "தமிழ் பிரியன்" என்று மாற்றிவிட்டேன். இனி நீங்கள் login பண்ணும்போது புதிய பெயரையே பயன்படுத்தவும்.

ராஜா wrote:

pravin1996@gmail.com wrote:கான்டாக்ட் லென்ஸ்

அரிய தகவல் , பகிர்வுக்கு மிக்க நன்றி ,

ஏற்கனவே இங்கு ஒரு அருண் இருப்பதால் உங்கள் பெயரை நீங்கள் கேட்டுகொண்டதற்கிணங்க "தமிழ் பிரியன்" என்று மாற்றிவிட்டேன். இனி நீங்கள் login பண்ணும்போது புதிய பெயரையே பயன்படுத்தவும்.

மேற்கோள் செய்த பதிவு: 1164724

ராஜா அய்யா அவர்களுக்கு நன்றி

சிங்கம் , நரி ,எலி பதிவு அருமை .

ஒரு கிராமத்தில் நாகபாம்பு ஒன்று இருந்தது. அந்த கிராமத்தில் உள்ள அனைவரையும் அந்த பாம்பு கொன்றும் ,கடித்தும் வந்தது, கிராமமே பயத்தில் இருந்தது.
அப்பொழுது அந்த கிராமத்திற்கு ஒரு சாமியார் வந்தார் அவரிடம் கிராம மக்கள் முறையிட்டனர். அந்த சாமியார் மற்றம் கிராம மக்கள் பாம்பு இருக்கும் இடத்திற்கு சென்றனர் அவர்களை பார்த்ததும் பாம்பு சீனம் கொன்டு சீறியது. மக்கள் அனைவரும் ஓட்டம் எடுத்தனர்.சாமியார் மட்டும் நின்று கொண்டு இருந்தார் .அந்த சாமியாரின் சாந்த முகம் மற்றும் அமைதியை பார்த்த பாம்பு அவரிடம் மன்னிப்பு கோரியது. அந்த பாம்புவிடம் சாமியார் நீ இனி மேல் யாரையும் கொள்ளுவதும்,கடிப்பதும் கூடாது என்று கூறி சென்று விட்டார்.
அதிலிருந்து அந்த பாம்பும் யாருக்கும் தீங்கு செய்யாமல் ஒரு மர பொந்தில் வசித்தது வந்தது. அந்த பாம்பை கிராம மக்கள் அடித்தும், துன்புறுத்தியும் வந்தனர்.
சிறிது காலம் கழித்து அந்த சாமியார் பாம்பு இருக்கும் இடத்தின் வழியே சென்று கொண்டு இருந்த போது அவரை பார்த்த பாம்பு அவருக்கு வணக்கம் தெரிவித்தது. பாம்பின் நிலைமையை புரிந்து கொண்டு அந்ந பாம்பு வை பார்த்து ஏன் உன் உடம்பும் இளைத்து விட்டது. உடம்பில் காயங்களும் உள்ளன என்று கேட்டார். அந்த பாம்பு நீங்கள் தானே கூறீனீர்கள் .நான் யாரையும் தீண்ட கூடாது என்று அதனால் நான் யாரையும் கடிப்பதில்லை .மக்களுக்கும் என் மீது உள்ள பயம் போய் என்னை அடிக்கின்றார்கள் என்று கூறியது. அதற்கு சாமியார் அந்த பாம்புவிடம் நான் உன்னிடம் கூறியது நீ யாரையும் கொல்ல கூடாது, கடிக்க கூடாது அப்போழுது தான் அந்த பாம்பு க்கு புரிந்தது. அமைதியாக வாழ்ந்தாலும் ஆபத்து என்று. அதிலிருந்து மக்களை பார்த்து சீறியது மக்களும் பாம்பு இருக்கும் இடத்திற்கு போவதில்லை.
மனித வாழ்க்கையும். பயந்து வாழ்ந்தால் நம் வாழ்க்கையும் பயன் அற்று போகும்.

ஒரு காட்டில் ஒரு இளைஞன் நடந்து போய்க் கொண்டிருந்தான். அவனுக்குப் பசியெடுத்தது. ஒரு மரத்தில் உயரத்தில் கனிந்த பழங்கள் இருப்பதைக் கண்டான். மரத்தின் மேல் சரசரவென்று ஏறி அவற்றில் சில பழங்களைப் பறித்துத் தின்றான்.
மிகக் கனிந்த வாசனையுள்ள பழங்கள் கிளைகளின் நுனியில் இருந்தன. அவற்றை எட்டிப் பறிக்கக் கிளையின் மேல் நகர்ந்து சென்ற போது அவனது பாரம் தாங்காமல் ஒரு கிளை முறிந்து விட்டது.
சட்டென்று சுதாரித்த அவன் கீழே இருந்த ஒரு கிளையைப் பிடித்துக் கொண்டு தொங்க ஆரம்பித்தான். குனிந்து பார்த்தால் தரை வெகு கீழே இருந்தது. ஏற்கெனவே பயந்து போயிருந்த அவன் மேலும் பயந்து கண்ணை மூடிக் கொண்டு "யாராவது காப்பாற்றுங்கள்' என்று திரும்பத் திரும்ப அலற ஆரம்பித்தான். உள்ளங்கை வியர்த்து வழுக்க ஆரம்பிக்கும் நிலை வந்து விட்டது.
தற்செயலாக அப்போது அந்தப் பக்கம் ஒரு முதியவர் வந்தார். மரத்தில் தொங்கிக் கொண்டிருந்தவனைப் பார்த்தார். அவன் மேல் ஒரு சிறிய கல்லை விட்டு எறிந்தார். கல் பட்டவுடன் வலியில் கீழே பார்த்தவனுக்கு ஆத்திரம் வந்தது. "பெரியவரே, உதவச் சொன்னால் கல்லால் அடிக்கிறீரே. அறிவில்லையா உமக்கு" என்று கோபத்துடன் கேட்டான்.
பெரியவர் பதில் பேசாமல் மற்றொரு சிறிய கல்லை எடுத்து அவன் மேல் எறிந்தார். மேலும் கோபமுற்ற இளைஞன் பெருமுயற்சி எடுத்து கையை வீசி மேலிருந்த கிளை ஒன்றை பலமாக பற்றிக் கொண்டு "நான் கீழே வந்தால் உம்மைச் சும்மா விட மாட்டேன்" என்று எச்சரித்தான்.
பெரியவர் மேலும் ஒரு கல்லை அவன் மேல் வீசினார். இளைஞன் இப்போது இன்னொரு பெருமுயற்சி எடுத்து கிளைமேல் ஏறி விட்டான். விடுவிடுவென இறங்கி வந்த அவன் நேராகப் பெரியவரிடம் வந்தான். அவரை சரமாரியாகத் திட்டினான். "ஏன் அப்படிச் செய்தீர்? உம்மை நான் உதவிதானே கேட்டேன்?" என்றான்.
பெரியவர் அமைதியாக சிரித்துக் கொண்டே "தம்பி.. நான் உனக்கு உதவிதான் செய்தேன்" என்றார். இளைஞன் திருதிருவென முழித்தான்.
பெரியவர் விளக்கினார். "நான் உன்னை முதலில் பார்த்த போது நீ பயத்தால் உறைந்து போயிருந்தாய். உன் மூளை வேலை செய்யவில்லை. நான் கல்லை விட்டு எறிந்ததும் பயம் மறைய ஆரம்பித்து நீ என்னை எப்படிப் பிடிப்பது என்று யோசிக்க ஆரம்பித்தாய். யோசிக்க ஆரம்பித்தவுடன் நீயாகவே உன்னைக் காப்பாற்றிக் கொண்டு கீழே இறங்கி விட்டாய். உன்னை உன்னாலேயே காப்பாற்றிக் கொள்ள முடியும் என்று உன் அறிவுக்கு முதலில் புலப்படவில்லை. உன் பயம் உன் கண்ணை மறைத்துக் கொண்டிருந்தது. அதிலிருந்து உன்னை நான் திசை திருப்பினேன்" என்று சொல்லி விட்டுத் தன் வழியே அவர் போய் விட்டார்
நீதி : பயம் ஒருவனை முட்டாளாக்கி விடும்.

மெடிக்கல் மிராகிள்! - மருத்துவ உலகையே வியப்பில் ஆழ்த்திய மண்டையோடு இல்லாத குழந்தை!
அமெரிக்காவில் வசிக்கிறார்கள் பிரான்டன் புல், பிரிட்டானி தம்பதியர். ஜாக்சன் ஸ்ட்ராங் என்ற தங்களது மகனின் முதல் பிறந்தநாளை மகிழ்ச்சியோடு கொண்டாடியிருக்கிறார்கள். ஜாக்சனைப் பார்த்து மருத்துவ உலகமே வியப்பில் ஆழ்ந்திருக்கிறது. பிரிட்டானி கருவுற்றிருந்தபோது, பரிசோதனையில் ஆன்என்செபலி (Anen cephaly) என்ற மண்டை யோடு குறைபாட்டுடன் குழந்தை இருந்தது கண்டு பிடிக்கப்பட்டது. மண்டை யோடும் பெருமூளை வளர்ச்சியும் இல்லாத குழந்தை என்பதால் 23 வாரங்களில் கருக்கலைப்பு செய்யச் சொன்னார்கள் மருத்துவர்கள்.இறுதியில் குழந்தையைப் பெற்றுவிடத் தீர்மானித்தார்கள். ‘‘குழந்தை எவ்வளவு குறைபாட்டுடன் இருந்தாலும் அது எங்கள் குழந்தைதான். அதனால் குழந்தையைப் பெற்றுக்கொள்வதில் உறுதியுடன் இருந்தோம். குழந்தை நலமாகப் பிறந்தான். பாதி மண்டை மட்டும்தான் இல்லை.

நிறைய போட்டிருக்கீங்க , நிதானமாய் படித்து பிறகு பின்னுட்டம் போடுகிறேன்