'இன்று உலக ஆமைகள் தினம் ! - 23.05.2016

கடல் நீரை சுத்திகரிக்கும் ஆமைகள் !



ராமேஸ்வரம்: 'இன்று உலக ஆமைகள் தினத்தையொட்டி, கடல் சுற்றுச்சூழலை பாதுகாத்து, கடலை சுத்தமாக்கும் ஆமைகளை பேணிக் காப்போம்' என, அனைவரும் உறுதிமொழி எடுக்க வேண்டும். மன்னார் வளைகுடா, வங்கக் கடலில் வாழும் அரிய உயிரினம் ஆமைகள். இதில் சித்தாமை, அலுங்காமை, பச்சை ஆமை, பெருந்தலை ஆமை, தோணி ஆமை என, பல வகைகள் உள்ளன. சாதுவான குணம் கொண்ட ஆமைகள், 300 ஆண்டுகள் வாழக்கூடியவை.

கடல் மைல்:கடல் பாசிகள், மீன் குஞ்சுகளை உணவாக உட்கொண்டு, சுவாசிக்கும் போது கடல் நீரை மாசுபடுத்தாமல், சுத்திகரித்து வெளியேற்றும் தன்மை கொண்டதால் ஆமையை, 'கடல் சுத்தி கரிப்பான்' என, மீனவர்கள் அழைக்கின்றனர்.

ஆமைகள் மணிக்கு, 3 கடல் மைல் வேகத்தில் செல்லக்கூடியது என்பதால் எளிதில் சுறா, திமிங்கலத்திற்கு இரையாகின்றன; மீனவர்கள் வலையிலும் சிக்கு கின்றன. இவற்றின் இனப்பெருக்க காலம் மார்ச், ஏப்., மே மாதங்கள்.

முகத்துவாரம்:ஒடிசா காஹிர்மாதா கடற்கரையில், 'ருஷிகுல்யா' எனும் ஆறு முகத்துவாரம், தமிழக மன்னார் வளைகுடாவில் தனுஷ்கோடி, 21ம் தீவில் ஏராளமான ஆமைகள், குழி தோண்டி ஒரு லட்சம் முட்டைகள் இடுகின்றன. 55 நாட்களுக்கு பின் பொரிக்கும் ஆமை குஞ்சுகள், கடலில் பிரதிபலிக்கும் நிலா, நட்சத்திர வெளிச்சத்தை கணக்கிட்டு, கடலுக்குள் செல்லும் தன்மை கொண்டவை.

கச்சத்தீவு புகலிடம்:'கச்சபம்' என்றால், ஆமைகள் என பொருள். சில நுாறு ஆண்டுகளுக்கு முன், ஆமைகளின் புகலிடமாக கச்சதீவு இருந்ததால், அது, 'கச்சத்தீவு' என்றழைக்கப்படுகிறது.

இது குறித்து, பாம்பன் மீனவர் சங்க தலைவர் அருளானந்தம் கூறியதாவது:கடந்த, 2000வது ஆண்டு மே, 23ல் அமெரிக்கா, கலிபோர்னியாவில் ஆமைகள் மீட்பு குழுவினர், ஆமைகள் இனம் பாதுகாக்கவும், இனப்பெருக்க காலத்தில் தொந்தரவு ஏற்படுத்தாத வகையில் பொதுமக்களிடம் விழிப்புணர்வு ஏற்படுத்தியதால், மே, 23ஐ உலக ஆமைகள் தினமாகக் கொண்டாடுகிறோம்.

வரம்பு மீறிய மீன்பிடி முறையால், அழிவின் விளிம்பில் உள்ள ஆமைகளை பாதுகாக்க, மீனவர்களிடம் விழிப்புணர்வு ஏற்படுத்த வேண்டும்.இவ்வாறு அவர் கூறினார்.

தினமலர்

அலக ஆமைகள் தினத்தில் கண்காட்சி சாலை`இல்
உருந்த ஆமையை கடலில் விடும் காடசி

நன்றி அண்ணா

ஒன்றுக்கும் உதவாத ஆமை 300 ஆண்டுகள் வாழ்கிறது; ஆனால் ஆறறிவு படைத்த மனிதனோ 100 ஆண்டுகள் கூட வாழமுடிவதில்லை . மனிதன் 300 ஆண்டுகள் வாழ்ந்தால் எவ்வளவு சாதிப்பான் ! கடவுள் ஏன் இதை யோசிக்கவில்லை ?