பல்லைக் கடித்தால்

என்ன இது? காலங்காத்தாலே இப்படி அவசரமா ஓடி வர்றீங்க?
உங்களைத்தான் டாக்டர் பார்க்க வந்தேன்.

இப்படி உட்காருங்க.. என்ன விஷயம்... சொல்லுங்க...

என் சம்சாரம் பல்லைக்கடிக்கிறா டாக்டர்.

அவங்க கோபப்படற அளவுக்கு நீங்க என்ன சொன்னீங்க.

டாக்டர். அவ பல்லைக்கடிக்கறது பகல்லே இல்லே. இருட்டுலே.

அப்படியா?

ஆமாம். தூக்கத்துலே பல்லை நற நறன்னு கடிக்கிறா?

ஓ.. அதுவா...? நைட் புரூக்சிசம்.

அப்படின்னா..?

அதுதான் நீங்க சொன்னீங்களே.. ராத்திரியில் பல்லைக் கடிக்கறாங்கன்னு அதுதான்.

இது எதனால வருது டாக்டர்?

வயத்தை அமுக்கற மாதிரி குப்புற அல்லது ஒருபக்கமாக படுக்கறப்போ, முகத்துக்கு இயற்கைக்கு மாறான ஓர் அழுத்தம் ஏற்படுது. அதை சரி செய்யறதுக்காகப் பல்லைக் கடிக்க வேண்டி வந்ததுங்கறாங்க.. ஆராய்ச்சியாளர்கள்.

சரி, அப்படின்னா எப்படி படுக்கறது நல்லதுங்கறீங்க?

முதுகு கீழே இருக்கிற மாதிரிப்படுக்கறது நல்லது. இதனால வாய்லே அழுத்தம் ஏற்படறதுக்கு வாய்ப்பு இல்லே. ஒருக்களிச்சுத்தான் படுக்கணும்னு ஆசைப்பட்டா ஒரு மென்மையான தலையணையை வச்சிக்கலாம். ரெண்டு மூணு நாள்ல சரியாயிடும். அப்படியும் சரியாகலேன்னா டாக்டர் கிட்டே வந்துட வேண்டியதுதான்.

அதுதான் டாக்டர் நான் ஆரம்பத்துலே உங்ககிட்டே வந்துட்டேன்.

அது சரி. உங்க சம்சாரம் படுக்கையிலே இப்படி பல்லை நறநறன்னு கடிக்கறது எவ்வளவு நாளா இருக்கு?

ஆறு மாசமா இப்படி நடக்குது.

இவ்வளவு நாளா இதைப்பத்தி சொல்லாம ஏன் சும்மா இருந்தீங்க?

இன்னைக்குத்தானே அது மோசமான பழக்கம்னு புரிஞ்சது.

எப்படி புரிஞ்சது?

நேத்து ராத்திரி அவ பல்லை கடிக்கிறப்ப பக்கத்துல படுத்திருந்த என்னோட காதையும் சேர்த்து கடிச்சிட்டா. என்னமா துடிச்சிப் போயிட்டேன் தெரியுமா? இப்ப நான் உங்ககிட்டே வந்ததுகூட என்னோட காதுக்கு வைத்தியம் பண்ணிக்கிறதுக்காகத்தான்.

thank god...kaathu kadi ooda avange wife vitthuthange..husband pilacharu..hahaha...

நல்ல வேளை காதோட போச்சு,

காதோட போச்சு நல்ல வேளை.