மது கடைகள் மூடலால் ரூ.2,100 கோடி இழப்பு

ayyasamy ram wrote:''தமிழகத்தில், 'டாஸ்மாக்' கடைகள் மூடப்பட்டதால்,
2,100 கோடி ரூபாய் அளவிற்கு வருவாய் குறைந்துள்ளது,''
என, நிதித்துறை செயலர் சண்முகம் தெரிவித்தார்.

இதுகுறித்து பட்ஜெட் தாக்கலின் போது சட்டசபையில்
அவர் கூறியதாவது:

தமிழகத்தில் படிப்படியாக, 1,000 டாஸ்மாக் கடைகள்
மூடப்பட்டுள்ளன. இதனால், கலால் வரி, 500 கோடி ரூபாய்
உட்பட, 2,100 கோடி ரூபாய், வரி வருவாய் இழப்பு
ஏற்பட்டுள்ளது.

பெட்ரோலிய பொருட்களுக்கு, மூன்று ஆண்டுகளாக
வரி விதிக்காததால், 3,000 கோடி ரூபாய் அளவிற்கு
இழப்பு ஏற்பட்டது.

அதை ஈடுகட்டுவதற்காக, பெட்ரோலிய பொருட்களுக்கு
வரி கூட்டப்பட்டது. அதனால், ஆண்டுக்கு, 2,000 கோடி
ரூபாய் கூடுதல் வருவாய் கிடைக்கும். அரசின் மொத்த
வருவாய் செலவினங்களில், அரசு ஊழியர் சம்பளம்,
26 சதவீதம்; ஓய்வூதியம், 12 சதவீதம் என, 38 சதவீதம்
ஒதுக்க வேண்டியுள்ளது. இவ்வாறு அவர் தெரிவித்தார்.

---------------------
தினமலர்
-

இந்த பதிவைத் துவங்கியவர் நன்றி கூறியுள்ளார் krishnaamma

rajirani wrote:ஐயா

''தமிழகத்தில், 'டாஸ்மாக்' கடைகள் மூடப்பட்டதால்,
2,100 கோடி ரூபாய் அளவிற்கு வருவாய் குறைந்துள்ளது,''  என்பது உண்மைதான்

அதனால் மது அருந்துபவர்களின் எண்ணிக்கை குறைந்தால் நாட்டுக்கும், அவர்களின் குடும்பத்தாருக்கும், அவர்களுக்கும் நன்மைதானே.

ராஜி

இந்த பதிவைத் துவங்கியவர் நன்றி கூறியுள்ளார் krishnaamma

ராஜா wrote:அடடா தமிழகத்திற்கு இவ்வளவு கோடி வருவாய் இழப்பு ஏற்பட்டுவிட்டதே. இனி அனைத்து குடிகாரர்களுக்கு தினமும் மூன்று வேலையும் உணவுடன் சேர்த்து ஒரு குவாட்டர் அடித்து தமிழக அரசை லாபத்தில் இயங்க வைக்க வேண்டும்.  

அரசாங்க ஊழியர்கள் அனைவரும் பணி நேரத்தில் மது அருந்தி அதன் மூலம் தமிழக அரசின் வருவாய் உயர பாடுபட வேண்டும்.

- விவசாயிகள் , நெல் உற்பத்தியை நிறுத்தி விட்டு கஞ்சா செடி பயிரிட வேண்டும்.
- மீனவர்கள் , இனி கடலில் மீன் பிடிப்பதை விட்டுவிட்டு கஞ்சா , பிரவுன்சுகர் உள்ளிட்ட போதை மருந்துகளை வெளில்நாடுகளுக்கு கடத்தி அதன் மூலம் அரசுக்கு வருவாயை பெருக்க வேண்டும்.

இந்த பதிவைத் துவங்கியவர் நன்றி கூறியுள்ளார் krishnaamma