காவிரி மேலாண்மை வாரியம் அமைக்க வாய்ப்பில்லை- கைவிரித்தது மத்திய அரசு Punnagai 2018-03-22 11:58:31

வருகிற 30 ஆம் தேதிக்குள் காவிரி மேலாண்மை வாரியம் அமைக்கப்பட வாய்ப்பு இல்லை என்று மத்திய நீர்வளத்துறை செயலாளர் யு.பி.சிங் தெரிவித்தார்.

காவிரி நடுவர் மன்ற தீர்ப்பை எதிர்த்து தொடரப்பட்ட மேல்முறையீட்டு வழக்கை விசாரித்த உச்சநீதிமன்றம், காவிரி மேலாண்மை வாரியத்தை அமைக்க மத்திய அரசுக்கு 6 வார காலம் அவகாசம் அளித்து கடந்த மாதம் 16-ந் தேதி தீர்ப்பு கூறியது. இதைத்தொடர்ந்து, தமிழக அரசும், அரசியல் கட்சிகளும் காவிரி மேலாண்மை வாரியத்தை அமைக்கவேண்டும் என்று மத்திய அரசை வற்புறுத்தி வருகின்றன.

உச்சநீதிமன்றம் விதித்த காலக்கெடுவில் 5 வாரங்கள் முடிந்துவிட்டன. ஆனால், மத்திய அரசு இன்னும் காவிரி மேலாண்மை வாரியத்தை அமைக்காமல் காலம்தாழ்த்தி வருகிறது.

இந்த நிலையில் மத்திய நீர்வளத்துறை செயலாளர் யு.பி.சிங் நேற்று டெல்லியில் செய்தியாளர்களிடம் கூறியதாவது:-

காவிரி மேலாண்மை வாரியம் வருகிற 30-ந் தேதிக்குள் அமைக்கப்பட வாய்ப்பு இல்லை. இது தொடர்பாக ஏற்கனவே நடைபெற்ற ஆலோசனை கூட்டத்தில் எழுத்துபூர்வமான கருத்துகனை தெரிவிக்குமாறு சம்பந்தப்பட்ட மாநில அரசுகளை கேட்டுக் கொண்டு இருக்கிறோம்.

உச்சநீதிமன்றம், தனது தீர்ப்பில் காவிரி மேலாண்மை வாரியத்தை அமைக்க வேண்டும் என்று எந்த இடத்திலும் கூறவில்லை. ஒரு திட்டத்தை உருவாக்கவேண்டும் என்று தான் தீர்ப்பில் கூறப்பட்டு உள்ளது. அதை எப்படி செயல்படுத்துவது என்பது பற்றி மத்திய அரசு ஆலோசித்து வருகிறது.

இந்த விஷயத்தில் அவசரப்பட்டு எந்த முடிவும் எடுக்க முடியாது. சம்பந்தப்பட்ட அனைத்து மாநிலங்களுக்கும் ஒரு சரியான தீர்வாக அமையும் திட்டத்தை உருவாக்க முடியும் என்ற நம்பிக்கை இருக்கிறது .

இவ்வாறு அவர் கூறினார்.

நன்றி
புன்னகை

CMB நிச்சயம் அமைக்கமாட்டார்கள் ! ஜல்லிக்கட்டுபோல பெரிய போராட்டம் , தமிழ்நாடு முழுவதும் நடக்கவேண்டும் ; தமிழக அரசை நம்பிப் பயனில்லை . CMB அமைவது மக்கள் கைகளில்தான் உள்ளது .

தொண்டைக்குழிக்கு தண்ணிக்கிட்டோம் தப்பிருக்க
கண்டவன்கிட்ட அடிவாங்குறமே தமிழா துப்பிருக்கா

சமீபத்தில் நண்பர் அனுப்பிய பாடல் வரிகள்

M.Jagadeesan wrote:CMB நிச்சயம் அமைக்கமாட்டார்கள் ! ஜல்லிக்கட்டுபோல பெரிய போராட்டம் , தமிழ்நாடு முழுவதும் நடக்கவேண்டும் ; தமிழக அரசை நம்பிப் பயனில்லை . CMB அமைவது மக்கள் கைகளில்தான் உள்ளது .

மேற்கோள் செய்த பதிவு: 1263395
இளைஞர் கூட்டம் நினைத்தால்
ஜல்லிக்கட்டு மாதிரி இதில்
வெற்றி பெற முடியும்.