சிங்கப்பூரில் பிரதமர் மோடி

**ayyasamy ram** · **ayyasamy ram** Fri Jun 01, 2018 9:40 am

சிங்கப்பூர்:
சிங்கப்பூர் சென்றுள்ள பிரதமர் மோடி, இன்று 'ஷாங்கரி லா'
உரையாடலில் பங்கேற்று பேசுகிறார். இதில் பேசும் முதல்
இந்திய பிரதமர் மோடி என்பது குறிப்பிடத்தக்கது.

5 நாள் அரசுமுறை பயணமாக இந்தோனேசியா, மலேசியா,
சிங்கப்பூர் ஆகிய நாடுகளுக்கு பிரதமர் மோடி சென்றுள்ளார்.
முதலில் இந்தோனேஷிய பயணத்தை முடித்த மோடி,
தற்போது சிங்கப்பூர் சென்றுள்ளார். நேற்று சிங்கப்பூர் சென்ற
மோடிக்கு, இன்று அதிகாரப்பூர்வ வரவேற்பு அளிக்கப்பட
உள்ளது.

அந்நாட்டு பிரதமர் லீ சியன் லூங் உடன் வர்த்தக கருத்தரங்கில்
கலந்துகொண்ட பிரதமர் மோடி, மொபைல் பணப்பரிமாற்ற '
ஆப்'களை அறிமுகப்படுத்தினார். தொடர்ந்து தொழில்
முனைவோருடன் கலந்துரையாடல் நடத்தினார்.

முதல் பிரதமர்:

இன்று அந்நாட்டு அதிபர் ஹலிமா யாகூப் மற்றும் பிரதமர்
லீ சியன் லூங்கை சந்தித்து மோடி பேச்சுவார்த்தை நடத்த
உள்ளார். தொடர்ந்து 'ஷாங்கரி லா' உரையாடலில் பங்கேற்று
பேசுகிறார். அவரது பேச்சில் 'சாகர்மாலா' திட்டம் முதன்மையாக
இருக்கும் என எதிர்பார்க்கப்படுகிறது.

'ஷாங்கரி லா' உரையாடலில் பேசும் முதல் இந்திய பிரதமர்
மோடி என்பது குறிப்பிடத்தக்கது.
-
--------------------------------
தினமலர்

SK · SK Sat Jun 02, 2018 5:52 pm

மலேசியாவில் சிவா அவர்கள் மோடியை சந்திக்க மறுத்துவிட்டதாக கேள்விப்பட்டேன்

சிங்கப்பூரில் பிரதமர் மோடி

சிங்கப்பூரில் பிரதமர் மோடி

Re: சிங்கப்பூரில் பிரதமர் மோடி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக