கோழியும் மனிதனும்

**M.M.SENTHIL** · **M.M.SENTHIL** Sat Jun 16, 2018 1:44 pm

ஆறுமுட்டைகள் அடைவைத்தேன்,
ஒன்றை மட்டும் பொறித்தது
தாய்க்கோழி!!

ஒன்றே பெற்று நன்றே வாழ்
மனிதனுக்கானது மட்டுமல்ல,
பறவையினத்துக்கும்
அதுவே பொருந்தும் என
இப்போது அறிந்தேன்!!

ஆனாலும் ஏனோ
மனதில் ஒரு நெருடல்,
பறவைகளுக்குண்டான அறிவு
பகுத்தறியும் நமக்கில்லையோ என??

ஆம்,
ஒற்றுமைக்கு காகம் என்போம்
நாம்
அடித்துக் கொண்டு சாவோம்!!

அப்பனும், ஆத்தாளும்
பாட்டனும், பாட்டியும்
காகமாய் வருவார்களென
சனிக்கிழமை தோறும்
தவறாது சோறு வைப்போம்,
உயிரோடு இருந்தபோது
ஓரிரு வார்த்தைகள்
ஆசையாய் கூட
பேசியிருக்க மாட்டோம்!!

நான் பட்ட கஷ்டம்
என் பிள்ளை பெற வேண்டாம்,
அனைத்து அப்பனும்
சொல்லும் வார்த்தை!

விதி வலியது,
இதையும் மறக்காது
நினைவில் வையுங்கள்,
சேர்த்து வைப்பதெல்லாம்
சேராத இடம் சேர்ந்து
விட்டுப்போனவன் பலபேர்!!

இந்த மனிதனைப்
பார்த்துத்தான்
கோழியும் மாறியதோ,
ஒன்றை மட்டும் பெற்று
நன் முறையில் வளர்ப்போமென??

எது எப்படியோ கோழியே
நீயும் நினைவில் கொள்
உன் உடல் வலு
குன்றி விட்டாள்
உடனே உந்தன்
உயிரை மாய்த்துக்கொள்!

இங்கே,
விழுந்து விட்டால்
பாரமாகிப் போவோம்
பிறருக்கு!!!

M.m. Senthil Kumar

**T.N.Balasubramanian** · **T.N.Balasubramanian** Sat Jun 16, 2018 6:18 pm

நீண்ட நாட்களுக்கு பிறகு
மீண்டுமொரு முறை
ஈகரையை பக்கம் வர
கோழி ஒன்று வந்து குறி சொல்லியதோ?

கோழி மட்டுமல்ல, தற்கால தோழிகளும்
ஒன்றுக்கு மேல் பெற்றுக்கொள்வதில்லை.

சகோதரி யார்
சகோதர பாசம் என்ன
மாமன் யாரடா
அத்தை என்றால் எப்பிடி உறவு
கேட்கும் நாள் ,நல்லவேளை
நாம் இரோம் .

நாட்கள் பல கழித்து வந்தாலும்
நல்லதொரு கவிதை தந்தமைக்கு
நன்றியுடன் ஒரு விசாரிப்பு
நலம்தானே.?

ரமணியன்

**M.M.SENTHIL** · **M.M.SENTHIL** Sat Jun 16, 2018 6:39 pm

ஐயாவிற்கு எந்தன் முதல் வணக்கம்.
யாவரும் நலம் ஐயா.

பணிச்சுமை ஒரு காரணம்
கணிணியில் அமராதது மறு காரணம்.

ஈகரை நண்பர்கள் வாட்ஸ் அப் க்ரூப்பில் இருப்பதால், நான் ஈகரையுடந்தான் இணைந்து இருக்கிறேன் என்றுமே.

மேலும் அலைபேசியில் சற்று கடினமாகவும் இருக்கிறது டைப் செய்ய.

**M.M.SENTHIL** · **M.M.SENTHIL** Sat Jun 16, 2018 6:39 pm

இனி தினமும் ஒரு பதிவேனும் இடுவேன் ஐயா

**T.N.Balasubramanian** · **T.N.Balasubramanian** Sat Jun 16, 2018 7:14 pm

ரமணியன்

**ayyasamy ram** · **ayyasamy ram** Sat Jun 16, 2018 8:41 pm

இங்கே,
விழுந்து விட்டால்
பாரமாகிப் போவோம்
பிறருக்கு!!!
-
சூப்பருங்க

**பழ.முத்துராமலிங்கம்** · 27/09/2015

கருத்துள்ள கோழிக் கதை. அற்புத கவிதை வடிவில் அருமை
மிக்க ரசித்தேன்.
அருமையிருக்கு

**M.M.SENTHIL** · **M.M.SENTHIL** Mon Jun 18, 2018 2:02 pm

நன்றிகள் பல அனைவருக்கும்

**Dr.S.Soundarapandian** · **Dr.S.Soundarapandian** Sat Jul 14, 2018 5:53 pm

SK · SK Sat Jul 14, 2018 6:16 pm

Sponsored content · Sponsored content

கோழியும் மனிதனும்

கோழியும் மனிதனும்

Re: கோழியும் மனிதனும்

Re: கோழியும் மனிதனும்

Re: கோழியும் மனிதனும்

Re: கோழியும் மனிதனும்

Re: கோழியும் மனிதனும்

Re: கோழியும் மனிதனும்

Re: கோழியும் மனிதனும்

Re: கோழியும் மனிதனும்

Re: கோழியும் மனிதனும்

Re: கோழியும் மனிதனும்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக