கோடிகளை கொட்டி கொடுத்தால்தான் கோயம்பேட்டில் இடம் கிடைக்கும்- பாரிமுனை பூ வியாபாரிகள் பகீர் தகவல்

**பழ.முத்துராமலிங்கம்** · 27/09/2015

சென்னை:

வாடிப்போகும் பூக்களில் கோடிகள் புரளும் அதிசயம்!

ஒரு முழம் மல்லிகைப் பூ... சாமிக்கு 10 ரூபாய்கு சாமந்தி பூ... என்றுதான் வாங்கி செல்வோம். ஆனால் இந்த பூ வியாபாரத்தில் கோடிகள் புரளுவது ஆச்சரியம்தான்.

சென்னை பாரிமுனையின் போக்குவரத்து நெரிசலை தவிர்ப்பதற்காக கோயம்பேடு மார்க்கெட் பிரம்மாண்டமாக உருவாக்கப்பட்டது. பூ, காய், கனி என்று ஒவ்வொன்றுக்கும் தனித்தனி வளாகங்கள் அமைக்கப்பட்டுள்ளன.

அதில் பூ மார்க்கெட்டும் ஒன்று. இந்த பூ மார்க்கெட் 3 தளங்களுடன் இயங்குகிறது. 400-க்கும் மேற்பட்ட கடைகள் உள்ளன. இதில் பெரிய கடைகள் 425 சதுர அடியும் சிறிய கடைகள் 225 சதுர அடியும் கொண்டதாக இருக்கிறது.

நன்றி
மாலை மலர்

**பழ.முத்துராமலிங்கம்** · 27/09/2015

மார்க்கெட் கடைகளை பெருநகர வளர்ச்சிக்குழுமம் குலுக்கல் முறையில் ஒதுக்கீடு செய்தது. பெரிய கடைகள் ரூ.1½ லட்சத்துக்குத்தான் விற்பனை செய்யப்பட்டது.

பூக்கடை பத்ரியன் தெருவில் செயல்பட்டு வரும் பூக்கடைகளும் கோயம்பேட்டுக்கு மாறி இருக்க வேண்டும். ஆனால் அங்கு வியாபாரம் குறைவாக இருந்ததால் பாரிமுனை பூ வியாபாரிகள் கோயம்பேட்டுக்கு நகர மறுத்து விட்டார்கள்.

கோயம்பேட்டை போலவே பூக்கடையிலும் பூ மார்க்கெட் செயல்பட்டு வருகிறது. ஏற்கனவே நகரின் நெரிசலை தவிர்க்கவே கோயம்பேட்டில் வணிக வளாகம் அமைக்கப்பட்டது. ஆனால் பூக்கடையில் பூ மார்க்கெட் செயல்பட்டதால் நெரிசல் குறையவில்லை என்ற குற்றச்சாட்டு எழுந்தது.

இதுதொடர்பாக சென்னை ஐகோர்ட்டில் தொடர்ந்த வழக்கில் 48 மணிநேரத்தில் கடைகளுக்கு சீல் வைக்கும்படி கோர்ட்டு அதிரடியாக உத்தரவிட்டது.

**பழ.முத்துராமலிங்கம்** · 27/09/2015

ஆனால் சீல் வைக்கப்பட்ட மறுநாளே மேல்முறையீட்டு வழக்கில் ‘ஒரு மணி நேரத்துக்குள் சீல்களை அகற்ற வேண்டும் என்று உத்தரவிட்டது. மேலும் மொத்த வியாபாரம் நடக்க கூடாது. ஒவ்வொரு கடையிலும் தட்டில் 2 கிலோவுக்கு மேல் பூக்களை எடைபோடக் கூடாது என்று நிபந்தனையும் விதிக்கப்பட்டது.

ஆனால் பூக்கடைக்குள் மொத்த வியாபாரக் கடைகள் முன்பு சில்லறை வியாபாரிகள் கடை அமைத்துள்ளனர். பொது மக்கள் எளிதில் சென்றுவர வசதியாக இருபுறமும் கயிறுகளும் அமைக்கப்பட்டுள்ளது. ஆனால் அதை யாரும் கண்டு கொள்ளவில்லை. இதனால் நெரிசலும் குறைந்தபாடில்லை.

கோயம்பேட்டுக்கு செல்ல தயங்குவது பற்றி வியாபாரிகளை விசாரித்த போது கிடைத்த தகவல்கள் வருமாறு:-

**பழ.முத்துராமலிங்கம்** · 27/09/2015

கோயம்பேட்டில் பூ மார்க்கெட்டில் கடையை ஒதுக்கீடு பெற்றிருப்பவர்கள் பலர் அந்த கடைகளை ரூ.3 கோடி முதல் 5 கோடி வரை உள்விலைக்கு விற்பதும், வாடகையாக ரூ.40 லட்சம் வரை வசூல் செய்வதும் நடக்கிறது. எனவே அங்கு கடைகளை மாற்ற முடியாது என்கிறார்கள்.

இதுபற்றி கோயம்பேடு பூ வியாபாரிகளிடம் கேட்கும் போது, ‘அவர்களில் சிலரும் கோயம்பேடு பூ மார்க்கெட்டில் கடைகள் வைத்துள்ளனர். ஆனால் பூக்கடையில் பூக்கள் கூடுதல் விலைக்கு விற்கப்படுகிறது. எனவே அவர்கள் கோயம்பேட்டுக்கு வர யோசிக்கிறார்கள் என்றனர்.

கடந்த இரு தினங்களுக்கு முன்பு கடைகள் சீல் வைக்கப்பட்டதால் அனைத்து வியாபாரிகளும் கோயம்பேட்டில் பூ விற்பனையில் ஈடுபட்டார்கள். அன்றைய தினம் வியாபாரம் அமோகமாக இருந்ததாக தெரிவித்தார்கள்.

கோர்ட்டு வழக்கு ஒருபுறம் இருந்தாலும் பெருநகர வலர்ச்சிக் குழுமம், ‘கடைகள் கோடிகளில் விற்பனை ஆவதை கண்காணித்து ஒழுங்குபடுத்த வேண்டும்’’ என்பது பலரது எதிர்பார்ப்பாக உள்ளது

**சிவா** · **சிவா** Sun 14 Oct 2018 - 23:39

பூக்கடைகள் கோடிகளில் விலையா?

சற்று அதிர்ச்சியாக... இல்லையில்லை, அதிகப்படியான அதிர்ச்சியாகவே உள்ளது...

**பழ.முத்துராமலிங்கம்** · 27/09/2015

சிவா wrote:பூக்கடைகள் கோடிகளில் விலையா?

சற்று அதிர்ச்சியாக... இல்லையில்லை, அதிகப்படியான அதிர்ச்சியாகவே உள்ளது...

மேற்கோள் செய்த பதிவு: 1281759
இந்த பணம் முழுவதையுமே மக்கள் தலையில் தான் கட்டுகிறார்கள்.
நன்றி தலைவா

Sponsored content · Sponsored content

கோடிகளை கொட்டி கொடுத்தால்தான் கோயம்பேட்டில் இடம் கிடைக்கும்- பாரிமுனை பூ வியாபாரிகள் பகீர் தகவல்

கோடிகளை கொட்டி கொடுத்தால்தான் கோயம்பேட்டில் இடம் கிடைக்கும்- பாரிமுனை பூ வியாபாரிகள் பகீர் தகவல்

Re: கோடிகளை கொட்டி கொடுத்தால்தான் கோயம்பேட்டில் இடம் கிடைக்கும்- பாரிமுனை பூ வியாபாரிகள் பகீர் தகவல்

Re: கோடிகளை கொட்டி கொடுத்தால்தான் கோயம்பேட்டில் இடம் கிடைக்கும்- பாரிமுனை பூ வியாபாரிகள் பகீர் தகவல்

Re: கோடிகளை கொட்டி கொடுத்தால்தான் கோயம்பேட்டில் இடம் கிடைக்கும்- பாரிமுனை பூ வியாபாரிகள் பகீர் தகவல்

Re: கோடிகளை கொட்டி கொடுத்தால்தான் கோயம்பேட்டில் இடம் கிடைக்கும்- பாரிமுனை பூ வியாபாரிகள் பகீர் தகவல்

Re: கோடிகளை கொட்டி கொடுத்தால்தான் கோயம்பேட்டில் இடம் கிடைக்கும்- பாரிமுனை பூ வியாபாரிகள் பகீர் தகவல்

Re: கோடிகளை கொட்டி கொடுத்தால்தான் கோயம்பேட்டில் இடம் கிடைக்கும்- பாரிமுனை பூ வியாபாரிகள் பகீர் தகவல்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக