நீதி மன்ற செய்திகள்.

சிவனாசான் · சிவனாசான் Mon Apr 08, 2019 9:05 pm

ஆர்.டி.ஐ.,யில் கட்சிகள் உச்ச நீதிமன்றத்தில் மனு
புதுடில்லி:ஆர்.டி.ஐ., எனப்படும் தகவல் அறியும் உரிமை சட்டத்தின் கீழ், அரசியல் கட்சிகளை சேர்க்க வலியுறுத்தி, உச்ச நீதிமன்றத்தில், பொது நல மனு தாக்கல் செய்யப்பட்டுள்ளது.பா.ஜ., மூத்த தலைவரும், வழக்கறிஞருமான, அஸ்வினி உபாத்யாய், உச்ச நீதிமன்றத்தில் தாக்கல் செய்துள்ள மனுவில் கூறியிருப்பதாவது:வாய்ப்புமக்கள் பிரதிநிதித்துவ சட்டத்தின் படி, அரசியல் கட்சிகள், தங்களுக்கு கிடைத்த நன்கொடைகளை, தேர்தல் ஆணையத்திடம் தெரிவிக்க வேண்டும்.கட்சிகளுக்கு, நாடு முழுவதும் முக்கியமான இடங்களில், அலுவலகம் அமைக்க, சலுகை விலையிலோ, இலவசமாகவோ, மத்திய, மாநில அரசுகள் நிலம் வழங்கி உள்ளன.தேர்தல் நேரத்தில், துார்தர்ஷனும், அகில இந்திய வானொலியும், பிரசாரம் செய்வதற்கு, அரசியல் கட்சிகளுக்கு, இலவசமாக வாய்ப்பு வழங்குகின்றன.
அரசியல் கட்சிகளுக்காக தேர்தல் ஆணையம் செய்யும் செலவுகளால், மத்திய, மாநில அரசு களுக்கு, கோடிக் கணக்கில் வருவாய் இழப்பு ஏற்படு கிறது; இது, மக்களின் வரிப்பணம். இப்படி, மத்திய மற்றும் மாநில அரசுகளால், நேரடியாகவும், மறைமுகமாகவும், அரசியல் கட்சிகளுக்கு, பல வழிகளில் நிதியுதவி கிடைக்கிறது.
உத்தரவு >அதனால், அரசியல் கட்சிகளை, ஆர்.டி.ஐ., வரம்பிற்குள் சேர்க்க, உத்தரவிட வேண்டும். மேலும், தகவல் உரிமை சட்டத்தின் கீழ், தங்கள் கட்சியின் வருமானம், சொத்து விபரங்களை தெரிவிக்கவும் உத்தரவிட வேண்டும்.மக்கள் பிரதிநிதித்துவ சட்டம், ஆர்.டி.ஐ., வருமான வரி சட்டம், தேர்தல் சட்டம், தேர்தல் நடத்தை விதிகள் ஆகியவற்றை மீறும் கட்சிகளின் அங்கீகாரத்தை, தேர்தல் ஆணையம், ரத்து செய்ய உத்தரவிட வேண்டும்.இவ்வாறு, அந்த மனுவில் கூறப்பட்டுள்ளது.

சிவனாசான் · சிவனாசான் Mon Apr 08, 2019 9:07 pm

சேலம் 8 வழிச்சாலை: ஐகோர்ட் தடை
சென்னை: சேலம் - சென்னை இடையிலான 8 வழிச்சாலை திட்டத்திற்கு நிலம் கையகப்படுத்தியதை ரத்து செய்து சென்னை உயர்நீதிமன்றம் அதிரடியாக தீர்ப்பளித்துள்ளது.கடந்த மே, 2018 ல், தமிழக அரசு சேலம்- சென்னை வரை, 8 வழிச்சாலை அமைக்க அறிவிப்பாணை வெளியிட்டது. அதன் பின்னர் நிலம் கையகப்படுத்தும் பணிகள் தொடங்கியது. 8 வழிச்சாலை திட்டத்திற்கு தடை விதிக்க வேண்டும் என்று சென்னை உயர்நீதிமன்றத்தில் வழக்குத் தொடுக்கப்பட்டது. அதற்கு முதலில் நிலம் கையகப்படுத்த தடை விதித்திருந்த நீதிமன்றம், நிலம் எடுக்க எதிர்ப்பு தெரிவித்த மக்கள் மீது நடந்த தாக்குதல்கள் குறித்தும் அறிக்கை தாக்கல் செய்யவும் அரசுக்கு உத்தரவிட்டிருந்தது. இந்நிலையில், இந்த வழக்கில் சென்னை உயர்நீதிமன்ற நீதிபதிகள் டி.எஸ். சிவஞானம், பவானி சுப்பராயன் ஆகியோரை கொண்ட பெஞ்ச் தீர்ப்பளித்தது. நீதிபதிகள் தங்களின் உத்தரவில்: ''ஏற்கனவே, 8 வழிச்சாலைக்கு நிலம் கையகப்படுத்தியதையும், அரசின் அறிவிப்பாணைகளும் ரத்து செய்யப்படுகிறது. சுற்றுச்சூழலுக்கு பாதிப்பு என்பதால் இந்த திட்டத்தை செயல்படுத்த தடை விதிக்கிறோம். மக்களிடம் முறையாக கருத்து கேட்கப்படவில்லை என தீர்ப்பு வழங்கியுள்ளது.

நீதி மன்ற செய்திகள்.

நீதி மன்ற செய்திகள்.

Re: நீதி மன்ற செய்திகள்.

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக