சக்திவாய்ந்த 100 பெண்கள் பட்டியலில் நிர்மலா

**ayyasamy ram** · **ayyasamy ram** Sat Dec 14, 2019 7:35 am

நியூயார்க் :
போர்ப்ஸ் வெளியிட்டுள்ள உலகின் சக்திவாய்ந்த 100 பெண்களின்
பட்டியலில் இந்திய நிதியமைச்சர் நிர்மலா சீதாராமன் முதல்
முறையாக இடம்பிடித்துள்ளார்.

உலகின் சக்திவாய்ந்த 100 பெண்களின் பட்டியலை போர்ப்ஸ்
நிறுவனம் ஆண்டுதோறும் வெளியிட்டு வருகிறது. அந்த வகையில்
2019 ம் ஆண்டில் அரசு தலைமை பொறுப்பு, தொழில்துறை, மீடியா
உள்ளிட்ட துறைகளில் தலைசிறந்து விளங்கும் 100 சக்தி வாய்ந்த
பெண்களின் பட்டியல் வெளியிடப்பட்டுள்ளது.

இந்த பட்டியலில் ஜெர்மன் அதிபர் ஏஞ்சலா மெர்கல் முதலிடத்தில்
உள்ளார். இவரைத் தொடர்ந்து ஐரோப்பிய மத்திய வங்கியின்
தலைவர் கிறிஸ்டைன் லகர்டி 2வது இடத்திலும், அமெரிக்க
பிரதிநிதிகள் சபையின் தலைவர் நான்சி பெலோசி 3வது இடத்திலும்
உள்ளனர். இந்த பட்டியலில் வங்கதேச பிரதமர் ஷேக் ஹசீனா
29 வது இடத்தில் உள்ளார்.

இந்திய நிதியமைச்சர் நிர்மலா சீதாராமன் முதல் முறையாக
பட்டியலில் இடம்பிடித்துள்ளார். இந்த பட்டியலில் 34 வது இடத்தில்
உள்ள நிர்மலா, இந்தியாவின் முதல் முழுநேர பெண் நிதியமைச்சர்
மற்றும் பாதுகாப்புத்துறை அமைச்சர் என்ற பெருமையை பெற்றவர்.

இதே போன்று எச்சிஎல் கார்ப்பரேஷன் சிஇஓ நடார் மல்கோத்ரா (54),
இந்தியாவின் பணக்கார பெண்மணியாக கருதப்படும் மசூம்தர் ஷா (65)
ஆகியோரும் இந்த பட்டியலில் உள்ளனர்.

பில்கேட்சின் மனைவி மெலிண்டா கேட்ஸ் (6),
ஐபிஎம் சிஇஓ ஜின்னி ரோமட்டி (9), பேஸ்புக் சிஓஓ ஷெரில் சண்ட்பர்க் (18),
நியூசி., பிரதமர் ஜசிந்தா ஆர்டன்(38), அமெரிக்க அதிபர் டிரம்பின் மகள்
இவங்கா டிரம்ப்(42), செரினா வில்லியம்ஸ் (81), பருவநிலை மாற்ற ஆர்வலர்
கிரிட்டா துன்பர்க் (100) ஆகியோரும் இப்படியலில் இடம்பெற்றுள்ளனர்.

இந்த பட்டியலில் தொடர்ந்து 9 ஆண்டுகளாக ஜெர்மன் அதிபர்
ஏஞ்சலா மெர்கல் இடம்பெற்றுள்ளது குறிப்பிடத்தக்கது.

தினமலர்

Guest · Guest Sat Dec 14, 2019 4:02 pm

விருது பெற்ற லாஸ்லியாவையும் சேர்த்திருக்கலாமே!

**T.N.Balasubramanian** · **T.N.Balasubramanian** Sat Dec 14, 2019 6:24 pm

பயந்தே போய் விட்டேன் நிர்மலாதேவியோ என்று.

அய்யோ, நான் இல்லை

ரமணியன்

**krishnaamma** · **krishnaamma** Sat Dec 14, 2019 6:29 pm

இந்திய நிதியமைச்சர் நிர்மலா சீதாராமன் முதல் முறையாக
பட்டியலில் இடம்பிடித்துள்ளார். இந்த பட்டியலில் 34 வது இடத்தில்
உள்ள நிர்மலா, இந்தியாவின் முதல் முழுநேர பெண் நிதியமைச்சர்
மற்றும் பாதுகாப்புத்துறை அமைச்சர் என்ற பெருமையை பெற்றவர்.

மிகவும் சந்தோஷம்...மனமார்ந்த வாழ்த்துகள் !................. மகிழ்ச்சி