கனமழை நிற்காது, தொடரும்: வானிலை ஆய்வு மையம் எச்சரிக்கை!

**ayyasamy ram** · **ayyasamy ram** Thu Oct 29, 2020 10:36 am

சென்னையில் நள்ளிரவு முழுவதும் பெய்து வரும் மழை
அடுத்த 3 மணி நேரத்திற்கு நிற்க வாய்ப்பே இல்லை என
வானிலை ஆய்வு மையம் அறிவித்துள்ளது.

சென்னையில் நள்ளிரவு 11 மணியளவில் தொடங்கிய
கனமழை நிற்காமல் பெய்து வருகிறது. இதன் காரணமாகக்
காலை வேலைக்குப் புறப்பட வேண்டிய மக்கள், வெளியே
செல்ல மிகவும் சிரமப்பட்டனர்.

இந்த சூழலில் சென்னையில் பல்வேறு இடங்களில் பதிவான
மழையின் மொத்த அளவு 872 மிமீ என மாநில பேரிடர்
மேலாண்மை ஆணையம் அறிக்கை வெளியிட்டுள்ளது.
மேலும் அந்த அறிக்கையில், சராசரியாக 97. 27 மிமீ மழைப்
பொழிவு தலைநகரில் பதிவாகியுள்ளது என்றும்
குறிப்பிடப்பட்டுள்ளது.

அறிக்கையின்படி அயனாவரத்தில் 53 மிமீ,
எழும்பூரில் 54. 80 மிமீ, கிண்டியில் 75. 20 மிமீ, மாம்பலத்தில்
47. 80, மயிலாப்பூரில் 178 மிமீ, பெரம்பூரில் 56 மிமீ,
புரசைவாக்கத்தில் 94. 4 மிமீ, தண்டையார்பேட்டையில் 67 மிமீ,
ஆலந்தூரில் 78. 5 மிமீ, அம்பத்தூரில் 90 மிமீ, சோழிங்கநல்லூரில்
77. 2 மிமீ மழைப் பொழிவு பதிவாகியுள்ளதாக அரசு தரப்பில்
தெரிவிக்கப்பட்டுள்ளது.

இந்நிலையில் சென்னை வானிலை ஆய்வு மையம் அதிரடி
எச்சரிக்கை ஒன்றை மாவட்ட மக்களுக்கு விடுத்துள்ளது.
அதன்படி, “அடுத்த 3 மணி நேரத்திற்குத் திருவள்ளூர்,
காஞ்சிபுரம், செங்கல்பட்டு மாவட்டங்களில் மழை நிற்காது.
குறிப்பிட்ட பகுதிகளில் கன மழைப் பொழிவு பதிவாகும்.
மக்கள் அனைவரும் பாதுகாப்பாக இருந்து கொள்ளுங்கள்”
எனக் கூறப்பட்டுள்ளது.

நன்றி-சமயம்-செய்திகள்

**krishnaamma** · **krishnaamma** Fri Oct 30, 2020 11:06 pm

இங்கு மழை இல்லை.... சோகம்

கனமழை நிற்காது, தொடரும்: வானிலை ஆய்வு மையம் எச்சரிக்கை!

கனமழை நிற்காது, தொடரும்: வானிலை ஆய்வு மையம் எச்சரிக்கை!

Re: கனமழை நிற்காது, தொடரும்: வானிலை ஆய்வு மையம் எச்சரிக்கை!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக