விமான நிலையத்தில் 18 ஆண்டுகள் வசித்த ஆடவர்...விமான நிலையத்திலேயே மாண்டார்

**ayyasamy ram** · **ayyasamy ram** Mon Nov 14, 2022 4:43 pm

-

பிரான்ஸின் பாரிஸ் நகரிலுள்ள Charles de Gaulle விமான
நிலையத்தில் 18 ஆண்டுகள் வாழ்ந்த ஈரானிய ஆடவர் மாண்டதாக
அதிகாரிகள் கூறியுள்ளனர்.

மெர்ஹான் கரிமி நஸேரி (Merhan Karimi Nasseri) விமான
நிலையத்தின் முனையம் ஒன்றில் மாரடைப்பால் மாண்டதாகக்
கூறப்பட்டது.
அவர் விமான நிலையத்தில் 1988ஆம் ஆண்டிலிருந்து 2006ஆம் ஆண்டு
வரை வாழ்ந்தார்.

நஸேரி ஈரானில் ஆர்ப்பாட்டம் ஒன்றில் ஈடுபட்டதால் அவர் கடப்பிதழ்
ஏதும் இல்லாமல் நாடு கடத்தப்பட்டார்.
அவர் ஐரோப்பிய நாடுகள் சிலவற்றில் புகலிடம் நாடினாா்.

அகதித் தகுதியைப் பெற்ற நஸேரி அதிகாரபூர்வ ஆவணங்களைப்
பின்னர் பிரான்ஸில் தொலைத்ததாகக் கூறப்படுகிறது.
அவர் காவல்துறையினரால் கைதுசெய்யப்பட்டார்.

இருப்பினும் முறையான ஆவணங்களைக் கொண்டிருக்காத நஸேரியை
எங்கேயும் நாடு கடத்த முடியவில்லை.
அவர் எப்படியோ விமான நிலையத்தில் விடப்பட்டார்.

பிளாஸ்டிக் பலகை ஒன்றில் உறங்கிய அவர் விமான ஊழியர்களுடன்
நட்பு கொண்டார்...ஊழியர்களின் குளியல் அறையில் குளித்தார்...
சஞ்சிகைகளைப் படித்தார்...பயணிகளைப் பார்த்து நேரம் கழித்தார்....

நஸேரி பல ஆண்டுகளுக்குப் பிறகு தம்மை அகதி என்று அங்கீகரிக்கும்
ஆவணங்களைப் பெற்றார்.

இருப்பினும் வெளியுலகில் வாழ்வது குறித்து அச்சம் தெரிவித்த அவர்
விமான நிலையத்தில் தொடர்ந்து தங்க முடிவெடுத்தார்.
2006ஆம் ஆண்டுக்குப் பிறகே நஸேரி புகலிடம் ஒன்றில் சேர்க்கப்பட்டார்.
அவரது கதையை மையமாகக் கொண்டு ஒரு திரைப்படமே வெளியானது.

The Terminal எனும் அந்த திரைப்படத்தை ஸ்டீவன் ஸ்பீல்பர்க்
(Steven Spielberg) இயக்கினார்.

-AFP/
seithi.mediacorp.s