காதல் காதல் காதல் ..!

by கவிஞர் கவியரசன் Sun Feb 12, 2023 9:00 pm

காதல் காதல் காதல் ..!

தொடங்கியவர்க்கு நன்றி சொல் தொடரட்டும் காதல்

புலர்ந்த பூகோளம் எங்கிலும் மலர்ந்து கிடக்கிறது காதல் ...

வானை வளைத்துப் போட்டுச் சேனைநடத்தும்
நிலவுமேல் யாருக்கு இல்லாமல் போகிறது காதல் ...

வெள்ளைஉடை உடுத்திக்கூட விரசத்தை விதைக்கும் மல்லிகை
மேலும் சொல்லிக் கொள்ளாமல் வந்து விடுகிறது காதல் ...

கண்டம்விட்டு கண்டம் தாவும் ஏவுகணைக்கு முன்னமே
வேகம் காட்டி வேள்வி எழுப்புகிறது காதல் ...

கட்டம்போட்டு கணித்ததைகூட திட்டம் போடாமலேயே
திசை திருப்பி விடுகிறது காதல் ...

ஏற்றத்தாழ்வுகளை எரிதனலில் தள்ளி கீற்றுகளில் கூட
கிளை அமைத்துக் கொள்கிறது காதல் ...

ஊர்பேர் தெரியாத போதும் உறவாக்கிக் கொள்ள
உயிர் தியாகம் செய்கிறது காதல் ...

காரி துப்பியவளுக்காகவும் காத்திருந்து
கரம் பிடிக்க உரம் ஏற்றி விடுகிறது காதல் ...

சாதிகளை தவிடு பொடி யாக்கி
நீதிபேசி நிமிர்ந்து நிற்கிறது காதல் ...

மதம்கொண்ட மதங்களைக்கூட மண்ணாக்கி
மாலை தொடுத்து விடுகிறது காதல் ...

கற்காலம் என்றாலும் கலிகாலம் என்றாலும்
மாறாமல் மணம் வீசிக் கொண்டே இருக்கிறது காதல் ...

வாய்பேசா மவுனங்களைகூட விழி பேசி
விழாஎடுத்துக் கொள்கிறது காதல் ...

தேடித்தேடி அலையாத போதும் நாடிவந்து
நர்த்தனமிடுகிறது காதல் ...

வாழ்க்கை பரிணாமங்களை வக்கனையாய்
வளைத்து காட்டி விடுகிறது காதல் ...

பாகுபாடு பார்க்காமல் பௌர்ணமியாய்
பவனி வருகிறது காதல் ...

இளமைப்பருவத்தை குத்தகை எடுத்துக் கொண்ட காதல்
முதுமையிலும் முகம் காட்டும் மறுப்பதில்லை அந்த காதல் ...

காதல் பெருமை கொள்ளும் காதல்
இது தான் என்று அந்த காதல் உணரும்படி காதல் கொள் ...

காதல் அதுஒரு மாமருந்து உண்டு கொண்டே
இரு உயிர்களற்றுப் போகாமல் உழன்று கொண்டிருக்கட்டும் பூமி...

மீண்டும் சொல்கிறேன் தொடங்கி வைத்தவர்க்கு நன்றி சொல்
தொடரும் காதலுக்காய் ..!!

கவிஞர் கவியரசன்

by **சிவா** Sun Feb 12, 2023 10:01 pm

பதிவு சொந்தக் கவிதைகள் பகுதிக்கு மாற்றப்படுள்ளது.

by **சிவா** Sun Feb 12, 2023 10:03 pm

காதல் கவிதை மிகவும் அருமை திரு கவியரசன்.

by **Dr.S.Soundarapandian** Mon Feb 13, 2023 10:56 am

by **T.N.Balasubramanian** Mon Feb 13, 2023 5:23 pm

காதல் மிகக்கொண்டு
காதல் கவிதையுடன்
ஈகரையில் நுழைந்த
கவியரசனே !
வருக வருக.! அன்பு மலர்

தொடர்ந்தே இருப்பீர்,
மனம் மகிழ் கவிதைதனை
தினம் தினம் அளித்தே.!
கவிஞரே!
கவியரசே!!

@கவிஞர் கவியரசன்

by Anthony raj Sat Nov 11, 2023 12:48 am

கவிதை நன்று மகிழ்ச்சி

காதல் என்ற வார்த்தை மாற்றி அன்பு.. புன்னகை.. குழந்தை யின் சிரிப்பு.. இப்படி.. ரசித்தேன் உங்கள் கவிதை காதல் காதல் காதல் ..! 3838410834

by **T.N.Balasubramanian** Sat Nov 11, 2023 6:47 pm

Anthony raj wrote:கவிதை நன்று

காதல் என்ற வார்த்தை மாற்றி அன்பு.. புன்னகை.. குழந்தை யின் சிரிப்பு.. இப்படி.. ரசித்தேன் உங்கள் கவிதை

மேற்கோள் செய்த பதிவு: undefined

காதலில் ஏன் இந்த வெறுப்பு.?
காதல் என்பதற்கு அன்பு என்ற அர்த்தம் உண்டே!

@Anthony raj

by Anthony raj Sun Nov 12, 2023 11:13 pm

வெறுப்பு இல்லை அய்யா,

கவிதையில் வார்த்தை மாற்றும் போது பொருள் மாறாமல் உள்ளது என்று சொல்ல வந்தேன்

by **T.N.Balasubramanian** Mon Nov 13, 2023 5:08 pm

Anthony raj wrote:வெறுப்பு இல்லை அய்யா,

கவிதையில் வார்த்தை மாற்றும் போது பொருள் மாறாமல் உள்ளது என்று சொல்ல வந்தேன்

மேற்கோள் செய்த பதிவு: undefined

அப்பிடியா ??????????
அய்யோ, நான் இல்லை

by ஆனந்திபழனியப்பன் Tue Nov 14, 2023 12:01 am

வணக்கம் தோழர் கவிதையின் நடை அழகு நீங்கள் காதல் என்ற அடைமொழி அல்லாமல் அன்பு என்று சேர்த்திருந்தால் கவிதையின் அழகு பன்மடங்கு உயர்திருக்கம் தோழர் இது எண்ணுடைய கருத்து தோழர் தவறிருந்தால் மண்ணிக்கவும் தோழரே காதல் குறிப்பிட்ட வட்டம் அன்பு பரந்து விரிந்த வாணம் காதல் பிடித்தவர்களை மட்டும் ஆதரிக்கும் அன்பு அனைவரையும் ஆதரிக்கும்