பிரான்ஸ் வன்முறையை கட்டுப்படுத்த யோகி ஆதித்யநாத்தை அனுப்பி வைக்க சொன்னவர் யார்?

**சிவா** · **சிவா** Wed Jul 05, 2023 8:46 pm

பிரான்ஸில் 17 வயது சிறுவன் காவல்துறையினரால் சுட்டுக்கொல்லப்பட்டதை தொடர்ந்து ஏற்பட்ட வன்முறை இன்னும் முழுமையாக முடிவுக்கு வரவில்லை.

இந்நிலையில், இந்த சம்பவம் தொடர்பாக பயனர் ஒருவரின் ட்விட்டர் பதிவு இந்தியாவில், சமூக வலைத்தளத்தில் விவாதத்தை ஏற்படுத்தியுள்ளது.

பேராசிரியர் என் ஜான் கேம் என்ற சரிபார்க்கப்பட்ட ட்விட்டர் கணக்கில் இருந்து, ஃபிரான்ஸ் வன்முறையை கட்டுக்குள் கொண்டுவர உத்தரப் பிரதேச முதலமைச்சர் யோகி ஆதித்யநாத்தை அங்கு அனுப்பிவைக்க வேண்டும் என்று கூறி ஒரு ட்வீட் ஒன்று பதிவிடப்பட்டது.

அதில், "பிரான்ஸ் கலவரம் போன்ற சூழ்நிலையை கட்டுப்படுத்த யோகி ஆதித்யநாத்தை இந்தியா அங்கு அனுப்ப வேண்டும், அவர் 24 மணி நேரத்தில் நிலைமையை கட்டுக்குள் கொண்டு வந்துவிடுவார்." என்று குறிப்பிடப்பட்டுள்ளது.

உத்தரப் பிரதேச முதலமைச்சர் அலுவலகத்தின் ட்விட்டர் பக்கத்தில் இருந்து இதற்கு பதில் அளிக்கப்பட்டதைத் தொடர்ந்து இந்த ட்விட் கவனம் பெற்றுவருகிறது.

Yogi Adityanath Office
@myogioffice
Whenever extremism fuels riots, chaos engulfs and law & order situation arises in any part of the globe, the World seeks solace and yearns for the transformative "Yogi Model" of Law & Order established by Maharaj Ji in Uttar Pradesh.
Quote Tweet
Prof.N John Camm
@njohncamm
·
Jun 30
India must send @myogiadityanath to France to control riot situation there and My God,he will do it within 24 hours.
1:54 PM · Jul 1, 2023
·
3.6M
Views

முதலமைச்சர் யோகி ஆதித்யநாத் அலுவலகத்தின் ட்விட்டர் பதிவில், "உலகின் எந்தப் பகுதியிலும் கலவரங்கள் வெடிக்கும் போதெல்லாம், அராஜகம் பரவி, சட்டம் ஒழுங்கு நிலைமை மோசமடையும் போதெல்லாம், யோகி மாடல் மூலம் உத்தரப்பிரதேசத்தில் மகாராஜ் ஜி ஏற்படுத்தியுள்ள சட்டம் மற்றும் ஒழுங்கை உலகம் தேடுகிறது." என்று குறிப்பிடப்பட்டிருக்கிறது.

பேராசிரியர் என் ஜான் கேம், தனது ட்விட்டர் கணக்கில் தன்னை ஒரு மூத்த இதயநோய் நிபுணர் என்றும் ஜெர்மனியில் வசிப்பதாகவும் குறிப்பிட்டுள்ளார்.

பிரான்ஸ் வன்முறையை கட்டுப்படுத்த யோகி ஆதித்யநாத்தை அனுப்பி வைக்க சொன்னவர் யார்?

பிரான்ஸ் வன்முறையை கட்டுப்படுத்த யோகி ஆதித்யநாத்தை அனுப்பி வைக்க சொன்னவர் யார்?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக