நூற்றாண்டு கண்ட “தகைசால் தமிழர்” என்.சங்கரய்யா காலமானார்!

**ayyasamy ram** · **ayyasamy ram** Wed Nov 15, 2023 1:15 pm

-
மார்க்சிஸ்ட் கம்யூனிஸ்ட் கட்சியின் முதுபெரும் தலைவர்
என்.சங்கரய்யா உடல்நலக்குறைவு காரணமாக இன்று காலமானார்.
அவருக்கு வயது 102.
-
இந்திய சுதந்திரப் போராட்டத்தில் ஆங்கிலேயருக்கு எதிராகவும்,
சுதந்திரத்துக்குப் பின்பு உழைக்கும் மக்களின் உரிமைகளுக்காகவும்
தொடர்ந்து போராடியவர் என்.சங்கரய்யா. இந்திய கம்யூனிஸ்ட் கட்சியில்
இருந்து பிரிந்து மார்க்சிஸ்ட் கம்யூனிஸ்ட் கட்சியைத் தொடங்கிய
32 பேரில் ஒருவராக இருந்தவர்.

90 ஆண்டுகளுக்கும் மேலாக பொதுவாழ்வில் மிகப் பெரிய போராளியாக
விளங்கிய சங்கரய்யா, 3 முறை சட்டமன்ற உறுப்பினராகவும் இருந்துள்ளார்.
தமிழ்நாடு அரசின் தகைசால் தமிழர் விருதை முதன்முறையாக பெற்று,
அந்த விருதுக்கு பெருமை சேர்த்தவர்.

சங்கரய்யாவின் மறைவு மார்க்சிஸ்ட் கம்யூனிஸ்ட் கட்சியினர் மட்டுமின்றி
அனைத்து அரசியல் கட்சியினரிடையே சோகத்தை ஏற்படுத்தியுள்ளது.
சங்கரய்யாவின் மறைவுக்கு பல்வேறு அரசியல் கட்சித்தலைவர்களும்
இரங்கல் தெரிவித்து வருகின்றனர்.

சங்கரய்யாவின் உடல், இன்று 12 மணிக்கு குரோம்பேட்டையில் உள்ள அவரது
இல்லத்தில் வைக்கப்பட்டு, பிற்பகல் 3 மணிக்கு சென்னை தியாகராயர் நகர்
வைத்தியராம் தெருவில் உள்ள மார்க்சிஸ்ட் கம்யூனிஸ்ட் கட்சியின்
மாநிலக்குழு அலுவலகத்திற்கு கொண்டு வரப்படுகிறது.

அங்கு அக் கட்சியின் தோழர்கள், அரசியல் கட்சிகளின் பிரமுகர்கள் மற்றும்
பொதுமக்கள் அஞ்சலி செலுத்திய பின் நாளை இறுதி நிகழ்வுகள் நடைபெறும்
என அறிவிக்கப்பட்டுள்ளது.
-
நன்றி- நியூஸ் 7

நூற்றாண்டு கண்ட “தகைசால் தமிழர்” என்.சங்கரய்யா காலமானார்!

நூற்றாண்டு கண்ட “தகைசால் தமிழர்” என்.சங்கரய்யா காலமானார்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக