பத்மஸ்ரீ விருதுகள் அறிவிப்பு : கோவையைச் சேர்ந்த வள்ளி கும்மி ஆசிரியருக்கு விருது - இதோ லிஸ்ட்

**ayyasamy ram** · **ayyasamy ram** Fri Jan 26, 2024 7:05 am

-
வள்ளி ஒயில் கும்மி ஆசிரியர் பத்திரப்பன்
----------------------
நாடு முழுவதும் 34 பேருக்கு பத்மஸ்ரீ விருதுகள்
அறிவிக்கப்பட்டுள்ளன.
தமிழகத்தில் கோவையைச் சேர்ந்த பத்ரப்பனுக்கு விருது
அறிவிக்கப்பட்டுள்ளன.

பாரத ரத்னா, பத்மவிபூஷன், பத்மபூஷன் மற்றும் பத்மஸ்ரீ ஆகியவை
இந்தியாவின் மிக உயரிய விருதுகளாக கருதப்படுகின்றன. கலை,
இலக்கியம், கல்வி, விளையாட்டு, மருத்துவம், சமூகப்பணி என பல
பிரிவுகளில் குறிப்பிடத்தக்க சாதனைகள் மற்றும் சேவைகள்
புரிந்தோருக்கு பத்ம விருந்துகள் வழங்கி கவுரவிக்கப்படுகின்றன.

ஒவ்வொரு ஆண்டும் குடியரசு தினத்தை முன்னிட்டு பத்ம விருதுகள்
அறிவிக்கப்பட்டு வருகின்றன.

பீகார் மாநில முன்னாள் முதலமைச்சரும், சமூக நீதிக்காக
போராடியவருமான கர்புரி தாக்கூருக்கு கடந்த சில நாட்களுக்கு
முன்பு பாரத ரத்னா விருது அறிவிக்கப்பட்டது.

இந்த நிலையில் பத்மஸ்ரீ விருதுகள் தொடர்பான அறிவிப்புகள்
வெளியாகியுள்ளன.
அதன்படி, பெரிதும் அறியப்படாத 34 பேருக்கு பத்மஸ்ரீ விருதுகள்
அறிவிக்கப்பட்டுள்ளன.
-
தமிழகத்தின் கோவையைச் சேர்ந்த வள்ளி ஒயில் கும்மி ஆசிரியர்
பத்திரப்பனுக்கு பத்மஸ்ரீ விருது அறிவிக்கப்பட்டுள்ளது. ஆண்களே
ஆதிக்கம் செலுத்தி வந்த கலையில் வழக்கத்தை உடைத்து
பெண்களுக்கு வள்ளி கும்மி பயிற்சி அளித்ததற்காக அவருக்கு
பத்மஸ்ரீ விருது வழங்கப்பட உள்ளது.

இந்தியாவின் முதல் பெண் யானை பாகன் பார்பதி பரூவா ,
பழங்குடியினர் நலனுக்காக தனது வாழ்நாளை அர்ப்பணித்துக்
கொண்ட ஜெகேஷ்வர் யாதவ், 30 லட்சம் மரக்கன்றுகளை நட்டதோடு,
சுய உதவி குழுக்கள் ஆரம்பித்து பெண்களுக்கு ஊக்கமளித்த
சாமி முர்மு, ஆதரவற்றோருக்காக சேவை செய்த குர்மீந்தர் சிங்,
பாரம்பரிய நெல் விவசாயத்தில் ஈடுபட்ட சத்யநாராயணா பெலேரி,
சூழலியலாளர் துஹ்கு மஞ்சி, இயற்கை விவசாயி கே.செல்லம்மாள்
ஆகியோருக்கு பத்மஸ்ரீ விருதுகள் அறிவிக்கப்பட்டுள்ளன.

**ayyasamy ram** · **ayyasamy ram** Fri Jan 26, 2024 7:08 am

சமூக சேவைகளுக்காக சங்கதன் ஹிமா, பாரம்பரிய மருத்துவம்
செய்து வரும் ஹேம்சந்த் மஞ்சி, பழங்குடி மூலிகை மருத்துவ நிபுணர்
யானுங் ஜமோ லெகோ, பழங்குடியினருக்கான சேவைகளில் ஈடுபட்ட
சோமன்னா, கலப்பு ஒருங்கிணைந்த விவசாயத்தில் சாதித்த
சர்பேஷ்வரர் பசுமத்ரி, தீக்காயங்களால் பாதிக்கப்பட்டவர்களுக்காக
தனது வாழ்வை அர்ப்பணித்த பிரேமா தன்ராஜ், மல்லர் கம்ப
பயிற்சியாளர் உதய் விஸ்வநாத் தேஷ்பாண்டே, குஜராத் பழங்குடி
மக்களுக்கு மருத்துவ சேவை புரியும் யாஸ்தி மேனக்சா இட்டாலியா
ஆகியோருக்கும் அறிவிக்கப்பட்டுள்ளது.
--
ஓவியர்கள் சாந்தி தேவி பஸ்வான் & சிவன் பஸ்வான், பெண்களுக்கு
பயிற்சியளித்த நாட்டுப்புற ஓவியர் அசோக் குமார் பிஸ்வாஸ்,
கல்லுவாளி கதகளி கலைஞர் பாலகிருஷ்ணன் சதானம், முதல் பெண்
ஹரிகதா பேச்சாளர் உமா மகேஷ்வரி ஆகியோருக்கும் விருதுகள்
அறிவிக்கப்பட்டுள்ளன.
-
-எழிலரசன்.டி (சமயம்-செய்திகள்)

**Dr.S.Soundarapandian** · **Dr.S.Soundarapandian** Fri Jan 26, 2024 2:31 pm

Sponsored content · Sponsored content

பத்மஸ்ரீ விருதுகள் அறிவிப்பு : கோவையைச் சேர்ந்த வள்ளி கும்மி ஆசிரியருக்கு விருது - இதோ லிஸ்ட்

பத்மஸ்ரீ விருதுகள் அறிவிப்பு : கோவையைச் சேர்ந்த வள்ளி கும்மி ஆசிரியருக்கு விருது - இதோ லிஸ்ட்

Re: பத்மஸ்ரீ விருதுகள் அறிவிப்பு : கோவையைச் சேர்ந்த வள்ளி கும்மி ஆசிரியருக்கு விருது - இதோ லிஸ்ட்

Re: பத்மஸ்ரீ விருதுகள் அறிவிப்பு : கோவையைச் சேர்ந்த வள்ளி கும்மி ஆசிரியருக்கு விருது - இதோ லிஸ்ட்

Re: பத்மஸ்ரீ விருதுகள் அறிவிப்பு : கோவையைச் சேர்ந்த வள்ளி கும்மி ஆசிரியருக்கு விருது - இதோ லிஸ்ட்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக