சினிமா செய்திகள் - மார்ச் ‘24 (தொடர் பதிவு)

**ayyasamy ram** · **ayyasamy ram** Fri Mar 01, 2024 1:58 pm

கங்கனா & மாதவன் நடிக்கும் படத்தின் ஷூட்டிங் நிறுத்தம்… ஏன்?
-
சினிமா செய்திகள் - மார்ச் ‘24 (தொடர் பதிவு) 1709260293-992

-

கங்கனா நடிப்பில் அடுத்து உருவாகும் படத்தை தமிழ் சினிமா
இயக்குனர் ஏ எல் விஜய் இயக்குகிறார். இந்த படத்தை தமிழ் சினிமா
தயாரிப்பாளர் டிரைடெண்ட் ஆர்ட்ஸ் ரவீந்திரன் தயாரிக்கிறார்.

இந்த படத்தில் மாதவனும் ஒரு முக்கியமான வேடத்தில் நடிக்கிறார்.
இந்த படத்தின் ஷூட்டிங் சில நாட்கள் நடந்த நிலையில் இப்போது
நிறுத்தி வைக்கப்பட்டுள்ளதாம்.

கங்கனாவின் படங்களுக்கு தொடர்ந்து மோசமான வசூல்
கிடைப்பதால் சிறிது இடைவெளிவிட்டு இந்த படத்தை தொடங்கலாம்
என்ற முடிவில் கிடப்பில் போடப்பட்டுள்ளதாக சொல்லப்படுகிறது.

மேலும் இந்த படத்தை தயாரிக்கும் டிரைடெண்ட் ஆர்ட்ஸ் நிறுவனம்
கடைசியாக தயாரித்த அன்பபூரணி திரைப்படம் படுதோல்வி
அடைந்ததால் பொருளாதார பிரச்சனைகளாலும் படம் தடைபட்டு
நிற்பதாக சொல்லப்படுகிறது.

-வெப்துனியா

**ayyasamy ram** · **ayyasamy ram** Fri Mar 01, 2024 2:02 pm

விஜய்யின் GOAT படத்தின் டிஜிட்டல் உரிமையை கைப்பற்றிய பிரபல ஓடிடி!
-
சினிமா செய்திகள் - மார்ச் ‘24 (தொடர் பதிவு) 1709257510-4434

இதுவரை விற்பனையாகாமல் இருந்த GOAT படத்தின் ஓடிடி வியாபாரம்
இப்போது முடிந்துள்ளது.

இந்த படத்தின் திரையரங்க ரிலீஸுக்குப் பின்னரான ஓடிடி உரிமையை
நெட்பிளிக்ஸ் நிறுவனம் கைப்பற்றியுள்ளது. முன்னதாக GOAT
படக்குழுவினர் சொன்ன விலை, மிக அதிகமாக இருந்ததால்
நெட்பிளிக்ஸ் நிறுவனம் தயங்கியதாக சொல்லப்பட்டது.

இப்போது இரு தரப்புக்கும் சுமுகமான தொகையில் இந்த பிஸ்னஸ்
முடிந்துள்ளதாக சொல்லப்படுகிறது.