சென்னை, பிப். 9-

நடிகர்
வடிவேலு தன்னுடன் நடித்த துணை நடிகர் சிங்கமுத்து நிலம் வாங்கி தருவதில்
ரூ.7 கோடி மோசடி செய்ததாகவும், கொலை மிரட்டல் விடுத்ததாகவும் சென்னை
போலீஸ் கமிஷனரிடம் புகார் கொடுத்திருந்தார்.

விருகம்பாக்கம்
போலீசார் வழக்கு பதிவு செய்து தலைமறைவான சிங்கமுத்துவை தேடிவருகின்றனர்.
நடிகர் சிங்கமுத்து முன்ஜாமீன் கேட்டு ஐகோர்ட்டில் வழக்கு
தொடர்ந்துள்ளார். அவருக்கு ஜாமீன் கொடுக்கக் கூடாது என்று நடிகர் வடிவேலு
தரப்பில் எதிர்ப்பு தெரிவிக்கப்பட்டுள்ளது. இந்த வழக்கு நாளை விசாரணைக்கு
வருகிறது.

இந்நிலையில் நடிகர் வடிவேலு தனது வக்கீல் ஆர்.சி.பால்கனகராஜ் மூலம் சிங்கமுத்துவுக்கு நோட்டீசு அனுப்பி உள்ளார்.

அதில் கூறி இருப்பதாவது:-

திரையுலகில்
நான் புகழ் பெற்ற காமெடி நடிகர். இதுவரை 450-க்கும் மேற்பட்ட படங்களில்
ஏராளமான வேடங்களில் நடித்துள்ளேன். 2 படங்களில் நாயகனாகவும் நடித்து அந்த
படம் மிகப்பெரிய வெற்றியைப் பெற்றுள்ளது.

எனது படங்கள் தெலுங்கு, மலையாளம், கன்னடம், இந்தி மொழிகளிலும் “டப் பிங்” செய்யப்பட்டு வெற்றி பெற்றுள்ளது.

உலகம்
முழுவதிலும் எனக்கு கோடிக்கணக்கான ரசிகர்கள் உள்ளனர். இந்நிலையில் துணை
நடிகர் சிங்கமுத்து என்னை மோசடி செய்தது மட்டுமின்றி என்னைப் பற்றி தகாத
வார்த்தைகளால் பேசி வருவது கண்டிக்கத்தக்கது. அவர் அளித்த பேட்டி ஒன்றில்
என்னை “நரகாசுரன்” என்று கூறியது மனவேதனையை ஏற்படுத்தியது.

நடிகர்
திலகம் சிவாஜி கணேசன் மறைவின்போதும், ஈழத்தமிழருக்காக உயிர் துறந்த
முத்துக்குமார் உடலுக்கு அஞ்சலி செலுத்தியபோதும் கடும் சோகத்தில் கண்ணீர்
விட்டு அழுதேன்.

அப்போது
நான் வெளியே வந்து “எப்படி எனது நடிப்பு” நான் கேட்டதாக சிங்கமுத்து சொன்ன
தகவல் முற்றிலும் வடிகட்டிய பொய்யாகும். இது எனக்கு மிகுந்த மன உளைச்சலை
ஏற்படுத்தி உள்ளது.

எனது
வீட்டில் வேலை செய்த கஸ்தூரி என்ற பெண் தூக்கு போட்டு இறந்ததற்கும் எனது
ஆருயிர் நண்பரும் மானேஜருமான முருகேசன் இறந்ததற்கும் நான்தான் காரணம்
என்று அபாண்டமான குற்றச்சாட்டை சிங்கமுத்து கூறி உள்ளார்.

இதே போல் காயத்ரி என்ற பெண்ணின் மரணத்திற்கும் என்னையே காரணம் கூறியது அவரது ஆத்திரத்தின் உச்சக்கட்ட வெளிப்பாடாகும்.

இது
போன்ற சிங்கமுத்துவின் அவதூறு பேச்சுக்களால் எனது கவுரவத்திற்கும்,
புகழுக்கும் களங்கம் ஏற்பட்டுள்ளது. வெளிநாட்டில் உள்ள எனது ரசிகர்கள்
எல்லாம் என்னை தொடர்பு கொண்டு சிங்கமுத்துவின் குற்றச்சாட்டு பற்றி
கேட்டதால் அதிர்ச்சி அடைந்துள்ளேன்.

எனவே,
தான் பேசிய அவதூறு பேச்சுக்கு நடிகர் சிங்கமுத்து 7 நாட்களில் மன்னிப்பு
கேட்பதோடு நோட்டீசு அனுப்பியதற்கான செலவுத்தொகை ரூ.25 ஆயிரத்தை தர
வேண்டும்.

இல்லை என்றால் நடிகர் சிங்கமுத்து மீது ரூ.25 கோடி கேட்டு மானநஷ்ட வழக்கு தொடருவேன் என்று எச்சரிக்கிறேன்.

இவ்வாறு அந்த நோட்டீசில் குறிப்பிடப்பட்டுள்ளது.







1
1

தகவலுக்கு நன்றி நண்பரே..!