24 வார்த்தைகளில் காயத்ரீ மந்திரம்

**சிவா** · **சிவா** Sun Jul 05, 2009 1:23 am

வால்மீகி ராமாயணத்தில் 24,000 சுலோகங்கள் உள்ளன. இவற்றில் ஆயிரம் சுலோகங்களுக்கு ஒரு வார்த்தை தேர்ந்தெடுத்து 24 வார்த்தைகளால் காயத்ரீ மந்திரம் உருவாக்கப்பட்டது என்றும் கருதப்படுகிறது. காயத்ரீ மந்திரத்தின் ஒவ்வொரு வார்த்தைக்கும் இறையருள் வழங்கும் ஒவ்வொரு சக்தி உண்டு.

ஓம் பூர்ப்புவ ஸ்ஸீவ தத் ஸவிதுர் வரேண்யம்

பர்கோ தேவஸ் தீமஹி தியோ யோன: ப்ரசோதயாத்

இதுவே காயத்ரீ மந்திரம். இந்த காயத்ரீ மந்திரத்தில் முதல் வரியான ஓம் பூர்ப்புவஸ்ஸீவ-இதில் ஓம் என்பது பிரணவம் ஆகும். பூர்ப்புவஸ்ஸீவ என்பது பூலோகம், புவர்லோகம், சொர்க்கலோகம் ஆகும். தத் எனும் இரண்டாவது வரியிலிருந்து ஒவ்வொரு எழுத்துக்கும் ஒவ்வொரு பொருளும், சக்தியும் உண்டு.

தத்- என்ற சொல் தபினி என்ற அம்பிகையைக் குறிக்கிறது. வெற்றியைத் தருபவள்.

ச- என்ற எழுத்து சாமுண்டியை குறிக்கும். இவள் வீரத்தையும், வலிமையையும் அளிப்பாள்.

வி- என்ற எழுத்து விஸ்வா என்ற சக்தியைக் குறிக்கிறது. இவள் நல்ல பலன்களைத் தருவாள்.

துர்-என்ற சொல் துஷ்டி என்ற சக்தியைக் குறிக்கிறது. இவள் சுக வாழ்வு தருவாள்.

வ-என்ற எழுத்து வரதாம்பிகையைக் குறிக்கும். இவள் யோகத்தினைக் கொடுப்பாள்.

ரே - என்ற எழுத்து ரேவதியைக் குறிக்கிறது. இவள் திருமணம் நடத்தி வைக்கவும், தம்பதியருக்குள் அன்பை உருவாக்கும் தேவியாவாள்.

ணி- எழுத்து சூக்ஷ்மா என்ற அம்பிகை ஆவாள். செல்வம் வழங்குவாள்

யம்- ஞானாம்பிகையைக் குறிக்கும். அழகை அளிப்பாள்.

பர்- கார்கவியைக் குறிக்கும். இவள் மக்களுக்கு பாதுகாப்பு அளிக்கிறாள்.

கோ- கோமதி ஆவாள். இவள் நல்ல அறிவையும், ஞானத்தையும் தருவாள்.

தே- தேவிகாவைக் குறிக்கும். இவள் தீய சக்திகளை அழிப்பாள்

வ- வராகியைக் குறிக்கும். தவயோகம் தருவாள்.

ஸ்ய- சின்ஹனியைக் குறிக்கும். இருப்பதை காக்கும் சக்தி படைத்தவள்.

தீ- தியானாம்பிகையைக் குறிக்கும். இவள் நீண்ட ஆயுளைக் கொடுப்பவள்.

ம - மர்யாதா என்ற அம்பிகை ஆவாள். இவள் புலனடக்கம் அளிப்பாள்.

ஹி- ஸ்புட நாயகியைக் குறிக்கிறது. எடுத்த காரியத்தை நிறைவேற்றும் சக்தி கொண்டவள்.

தி- மேதா அம்பிகையைக் குறிக்கிறது. இவள் வருங்காலத்தை உணர்த்துவாள்

யோ- யோகமாயா ஆவாள். விழிப்புணர்ச்சியை ஏற்படுத்துவாள்.

யோன- யோனியைக் குறிக்கும். உணவு உற்பத்தியையும், விவசாய விருத்தியையும் கவனிப்பாள்.

நஹ்- தாரணியைக் குறிக்கிறது. இவள் சுக வாழ்வு அளிப்பாள்.

ப்ர்- ப்ரபவா என்ற அம்பிகை ஆவாள். குறிக்கோளை அடைய உதவுவாள்.

சோ- ஊஷ்மா தேவியைக் குறிக்கும். இவள் அச்சத்தைப் போக்கி தைரியத்தை அளிப்பாள்.

த்- த்ரஷ்யா என்ற அம்பிகை ஆவாள். இவள் நல்லறிவு, விவேகம் தருவாள்.

யாத்- நிரஞ்சனா தேவியைக் குறிக்கும். இவள் தொண்டு செய்யும் மனதை தருவாள்.

ஆவணித் திங்கள் 14ம் நாள் காயத்ரீ ஜெபத்திற்கு தகுந்த நாள். அன்று இந்த மகத்தான மந்திரத்தை ஜபித்து அனைவரும் பலன் பெறலாம்

Guest · Guest Sun Jul 05, 2009 7:33 am

காயத்திரி மந்திரத்தை இது வரையில் அர்த்தம் தெரியாமல்தான் மனனம் செய்து வந்தேன்.

ஒவ்வொரு எழுத்திலும் ஒவ்வொரு அதிர்ஷ்ட தேவதைகள் இருப்பதை அறிந்து கொண்டேன்.

அருமையான விளக்கங்கள். ஆழ்ந்த கருத்துக்கள் அன்பு மலர்

Guest · Guest Sun Jul 05, 2009 9:13 am

ஓம் பூர்ப்புவ ஸ்ஸீவ தத் ஸவிதுர் வரேண்யம்

பர்கோ தேவஸ் தீமஹி தியோ யோன: ப்ரசோதயாத்

-- ஆஹா இதை வுச்சரிக்கவே என்ன இனிமையாக வுள்ளது ஓகே!!!!

சதீஷ்குமார் · சதீஷ்குமார் Sun Jul 05, 2009 11:13 am

சிவா சார் ,
மிக்க நன்றி,மிக
தெளிவான மற்றும்
அருமையான விளக்கங்கள்

மந்திரத்தை தினமும்(எத்தனை முறை சொல்லது நல்ல பலன்
கொடுக்கும்
.
ஓகே!!!!

Guest · Guest Sun Jul 05, 2009 11:16 am

creativesk wrote:சிவா சார் ,
மிக்க நன்றி
மந்திரத்தை தினமும்(எத்தனை முறை சொல்லது நல்ல பலன்
கொடுக்கும்
.

மொதல்ல 36

Guest · Guest Sun Jul 05, 2009 11:17 am

அப்புறம் 54, 108, 1008, 10008, 100000 பொறுமை மற்றும் பலன்களை

அடைய விரும்பினால்

Sponsored content · Sponsored content

24 வார்த்தைகளில் காயத்ரீ மந்திரம்

24 வார்த்தைகளில் காயத்ரீ மந்திரம்

Re: 24 வார்த்தைகளில் காயத்ரீ மந்திரம்

Re: 24 வார்த்தைகளில் காயத்ரீ மந்திரம்

Re: 24 வார்த்தைகளில் காயத்ரீ மந்திரம்

Re: 24 வார்த்தைகளில் காயத்ரீ மந்திரம்

Re: 24 வார்த்தைகளில் காயத்ரீ மந்திரம்

Re: 24 வார்த்தைகளில் காயத்ரீ மந்திரம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக