இந்தியா - பாக்., பேச வேண்டும்:ஹிலாரி கிளின்டன்

இஸ்லாமாபாத்:"இந்தியா - பாகிஸ்தான் நாடுகளுக்கிடையே உள்ள பிரச்னைகளை பேச்சு வார்த்தை மூலம் தீர்த்துக் கொள்ள வேண்டும்' என, அமெரிக்க வெளியுறவு அமைச்சர் ஹிலாரி கிளின்டன் தெரிவித்துள்ளார்.

இஸ்லாமாபாத் வந்த அமெரிக்க வெளியுறவு அமைச்சர் ஹிலாரி கிளின்டன், அந்நாட்டு வெளியுறவு அமைச்சர் ஷா மெகமூத் குரேஷி தலைமையிலான உயர்மட்டக் குழுவை சந்தித்து பேசினார். அப்போது அவரிடம் பேசிய குரேஷி, இந்திய வெளியுறவு அமைச்சர் கிருஷ்ணாவின் பாகிஸ்தான் விஜயம் குறித்து விவரித்தார். காஷ்மீர் மற்றும் சியாச்சின் பிரச்னைகளுக்கு முக்கியத்துவம் தராமல், பயங்கரவாதம் பற்றி மட்டுமே இந்திய தரப்பில் பேசியதாகவும், மற்ற விவகாரங்களைப் பற்றி பேச இந்திய வெளியுறவு அமைச்சர் கிருஷ்ணாவுக்கு விருப்பம் இல்லை என்றும் குற்றம் சாட்டினார்.

பின், ஹிலாரி கிளின்டன் கூறியதாவது:இந்திய - பாகிஸ்தான் நாடுகளுக்கிடையே பலதரப்பு பேச்சு வார்த்தை தொடர வேண்டும் என, அமெரிக்கா விரும்புகிறது. இரு தரப்பினரும் பேச்சு வார்த்தை மூலம் அமைதி ஏற்பட வழி வகை காண வேண்டும்.இவ்வாறு ஹிலாரி கூறினார்.இரு நாடுகளுக்கிடையே நல்லுறவு ஏற்பட எல்லாவிதமான முயற்சிகளும் எடுக்கப்படும் என ஹிலாரி கிளின்டனிடம், பாக்., பிரதமர் கிலானி உறுதியளித்தார்.

காஷ்மீர் விவகாரத்தில் மத்தியஸ்தமா : இது குறித்து நிருபர்களிடம் ஹிலாரி கிளின்டன் கூறியதாவது:காஷ்மீர் விவகாரம், இரு நாடுகள் சம்பந்தப்பட்ட விஷயம். எனவே, இரு நாட்டு தலைவர்களும் பேச்சு வார்த்தை மூலம் தான் இந்த பிரச்னையை தீர்த்துக் கொள்ள வேண்டும். இந்த விஷயத்தில், இரு நாடுகளுக்கும் இடையே மத்தியஸ்தம் செய்யும் விருப்பம் எங்களுக்கு இல்லை.இந்தியாவும், பாகிஸ் தானும் ஜனநாயக நாடுகள். இங்கு பத்திரிகை சுதந்திரம் உள்ளது. ஈரான் நாட்டு விஷயம் வேறு. அங்கு பத்திரிகை சுதந்திரம் இல்லை.ஒசாமாவையும் தலிபான் தலைவர் முல்லா ஒமரையும் பாக்., தேடி கண்டுபிடிக்க வேண்டும் என, அமெரிக்கா விரும்புகிறது. இவ்வாறு ஹிலாரி கூறினார்.

எப்படி ,,,,போரின் மூலமா ?அதுதானே அமெரிக்காவின் ஆசை

ரபீக் wrote:எப்படி ,,,,போரின் மூலமா ?அதுதானே அமெரிக்காவின் ஆசை

ஆசியா ல அமைதி இருக்க கூடாது இந்திய பாகிஸ்தான் வளர கூடாது இது தான் அமெரிக்க வின் நல்ல எண்ணம்