மதுரையில் வாகனச் சோதனையில் பிடிபட்ட 210 கிலோ வெள்ளி, 6 கிலோ தங்கம்

மதுரை,

மதுரையில் புதன்கிழமை இரவு போலீஸôர் நடத்திய வாகனச் சோதனையில் 210 கிலோ
வெள்ளிப் பொருள்களும், 6 கிலோ தங்க நகைகளும் பிடிபட்டன. இவற்றை உரிய
ஆவணமின்றி கொண்டுவந்தவர்களுக்கு போலீஸôர் அபராதம் விதித்தனர்.
மாநிலம் முழுவதும் போலீஸôர் புதன்கிழமை மாலை முதல் வியாழக்கிழமை காலை
வரையில் அதிரடியாக வாகனச் சோதனையில் ஈடுபட்டனர். மதுரை நகருக்குள்
நுழையும் அனைத்து வழிகளிலும் உள்ள சோதனைச் சாவடிகள் மற்றும் நகரின் 14
இடங்களிலும் போலீஸôர் சோதனையில் விடிய விடிய ஈடுபட்டனர்.
மதுரை-தேனி சாலையில் திலகர்திடல் போலீஸ் உதவிக் கமிஷனர் கணேசன் தலைமையில்,
எஸ்.எஸ்.காலனி போலீஸ் இன்ஸ்பெக்டர் விஜயகுமார் தலைமையில், போலீஸôர் வாகனச்
சோதனையில் ஈடுபட்டிருந்தனர். அப்போது, சோதனைச் சாவடி பகுதியில் வந்த காரை
நிறுத்தி போலீஸôர் சோதனையிட்டனர். அதில், 80 கிலோ வெள்ளி இருந்தது
கண்டறியப்பட்டது. இவை, மதுரை தெற்காவணி மூல வீதியைச் சேர்ந்த ஒரு நகைக்
கடையின் உரிமையாளருக்குச் சொந்தமானது எனத் தெரியவந்தது. இதையடுத்து, உரிய ஆவணமின்றி வெள்ளியைக் கொண்டுவந்ததாக ரூ. 28 ஆயிரம் அபராதம் விதித்து போலீஸôர் காரை விடுவித்தனர்.
அதேபோல, கோச்சடைப் பகுதி சோதனைச் சாவடியில் காரை சோதனையிட்டதில், 6 கிலோ
தங்கம் இருந்தது கண்டறியப்பட்டது. தங்கத்துக்கான உரிய ஆவணங்கள் இருந்ததால்
போலீஸôர் காரை விடுவித்தனர். தொடர்ந்து, வியாழக்கிழமை அதிகாலை
போலீஸôர், தேனி பகுதியில் இருந்து வந்த சேலத்தைச் சேர்ந்த காரை நிறுத்தி
சோதனையிட்டனர். அதில் கௌரிசங்கர் என்ற நகைக் கடை அதிபருக்குச் சொந்தமான 70
கிலோ வெள்ளி நகைகள் இருந்தது கண்டறியப்பட்டது. இதுவும் உரிய ஆவணம் இன்றி
இருந்ததால் அவற்றுக்கு ரூ. 33,700 அபராதம் விதிக்கப்பட்டது. மேலும், சேலத்திலிருந்து வந்த மற்றொரு காரை சோதனையிட்டபோதும், அதிலும் 60 கிலோ வெள்ளி இருந்தது தெரியவந்தது. சேலத்தைச்
சேர்ந்த கெüரிசங்கர் என்பவருக்குச் சொந்தமான அந்த நகைகளுக்கும் உரிய
ஆவணமில்லாததால் ரூ. 29 ஆயிரம் அபராதம் விதிக்கப்பட்டது. மோட்டார் சைக்கிள் பறிமுதல்
மதுரை நகரில் புதன்கிழமை விடிய விடிய நடந்த சோதனையின் போது, திடீர் நகர்,
எஸ்.எஸ்.காலனி உள்ளிட்ட பல பகுதிகளில் மோட்டார் சைக்கிளில் வந்தவர்களை
நிறுத்த போலீஸôர் முயன்றபோது, பலர் வாகனத்தை விட்டுவிட்டு ஓடிவிட்டனர். அவ்வாறு விட்டுச்சென்ற 12 மோட்டார் சைக்கிள்களில் பல திருட்டு வாகனங்களாக இருக்கலாம் எனவும் போலீஸôர் சந்தேகப்படுகின்றனர். கோயிலில் பாதுகாப்பு
மீனாட்சியம்மன் திருக்கோயிலில் தெற்கு கோபுர வாயில் உள்ளிட்டவற்றில்
பக்தர்கள் நுழைவதற்கு மட்டுமே அனுமதிக்கப்பட்டனர். கோயிலின் உள்ளே உள்ள
கடைகளின் உரிமையாளர்கள் புகைப்படத்துடன் கூடிய பட்டியலுடன் ஒப்பிட்டும்
பார்க்கப்பட்டனர்.