கம்ப்யூட்டர் ஆப்பரேட்டர் கொலையில் 2 பேர் சிக்கினர் மதுரையில் தொடரும் வழிப்பறி கொலைகள்

நவீன் · நவீன் Thu Aug 19, 2010 12:20 pm

மதுரை: மதுரையில் 500 ரூபாய்க்காக கம்ப்யூட்டர் ஆப்பரேட்டரை குத்தி கொலை
செய்த வழக்கில், இருவர் பிடிபட்டனர். தலைமறைவாக உள்ள இருவரை தேடி
வருகின்றனர். முனிச்சாலை இஸ்மாயில்புரம் 17வது தெருவைச் சேர்ந்தவர்
கி÷ஷார்குமார்(20). லட்சுமிபுரம் 5வது தெருவில் சகோதரர் சுதர்சன் நடத்தும்
டி.டி.பி., சென்டரில் கம்ப்யூட்டர் ஆப்பரேட்டராக இருந்தார். நேற்று முன்
தினம் இரவு 7.30 மணிக்கு, பாலரெங்காபுரம் ஏ.ஏ. ரோட்டில் உள்ள பாஸ்கரன்
என்பவரது பிரின்டிங் அலுவலகத்திற்கு சைக்கிளில் சென்றார். சி.எம்.ஆர்.,
ரோடு வழியாக வந்தபோது, அவரை வழிமறித்த மூன்று பேர், கத்தியைக் காட்டி பணம்
கேட்டனர். தரமறுத்த கி÷ஷார்குமாரின் பின்பகுதியில் கத்தியால் குத்தி, 500
ரூபாய் மற்றும் மொபைல் போனை பறித்துச் சென்றனர். சில நிமிடங்களில் அதிக
ரத்தப்போக்கு காரணமாக, சம்பவ இடத்திலேயே கி÷ஷார்குமார் இறந்தார்.
விசாரணையில், கொலை நடப்பதற்கு அரைமணி நேரத்திற்கு முன், காமராஜர்புரத்தைச்
சேர்ந்த ரவுடிகள் அருண், முத்துமணி, மலைச்சாமி அப்பகுதியில்
சுற்றித்திரிந்தது தெரியவந்தது. இவர்கள் கொலை செய்திருக்கலாம் என்ற
கோணத்தில் விசாரணை நடக்கிறது. இதுதொடர்பாக அருண் தந்தை ஆட்டோ பாண்டி
மற்றும் மலைச்சாமியிடம் போலீஸ் உதவி கமிஷனர் கணேசன் தலைமையிலான குழு
விசாரணை நடத்தி வருகிறது. தொடரும் வழிப்பறி கொலை : மதுரையில் இதேபோல்
வழிப்பறி கொலை கடந்த மார்ச் 29ல் நடந்தது. அவனியாபுரத்தைச் சேர்ந்தவர்
கிருஷ்ணன்(25). மதுரை விமான நிலைய விரிவாக்க நிலஆர்ஜித அலுவலகத்தில்,
ஒப்பந்தக்காரர் பாலகிருஷ்ணனிடம் கம்ப்யூட்டர் ஆப்பரேட்டராக பணிபுரிந்தார்.
மார்ச் 29 இரவு வீட்டில் இருந்து மாட்டுத்தாவணி செல்லும் டவுன் பஸ்சில்
வந்தார். தெற்குமாரட்வீதி ஸ்டாப்பில், ஓடும் பஸ்சில், இவரை குத்திக் கொலை
செய்துவிட்டு, மொபைல் போனை பறித்துச் சென்றது. இவ்வழக்கில் கல்லூரி மாணவர்
உட்பட மூன்று பேர் கைது செய்யப்பட்டனர். மேலும் அடிக்கடி நகரின் பல்வேறு
பகுதிகளில் கத்தியைக் காட்டி வழிப்பறி செய்வது தொடர்கிறது.
நேற்றுமுன்தினம், மேலஅனுப்பானடி ஹவுசிங் போர்டு காலனியைச் சேர்ந்த
பிரபாகரன்(25) என்பவர், வழிப்பறி உட்பட பல்வேறு குற்றச்சம்பவங்களில்
ஈடுபட்டதாக குண்டர் சட்டத்தில் கைது செய்யப்பட்டார். ரோந்து, தீவிர
கண்காணிப்பு, வாகன சோதனை என 24 மணி நேரமும் நகரை கண்காணித்தால் மட்டுமே,
வழிப்பறி கொலைகள் இனியும் நடக்காமல் தடுக்க முடியும்.

கம்ப்யூட்டர் ஆப்பரேட்டர் கொலையில் 2 பேர் சிக்கினர் மதுரையில் தொடரும் வழிப்பறி கொலைகள்

கம்ப்யூட்டர் ஆப்பரேட்டர் கொலையில் 2 பேர் சிக்கினர் மதுரையில் தொடரும் வழிப்பறி கொலைகள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக