பயர்பாக்ஸ் 3.6.9

கார்த்திக் · கார்த்திக் Sun Sep 26, 2010 10:55 pm

பயர்பாக்ஸ் 3.6.9
இணைய உலாவித் தொகுப்புகளில் தொடரந்து, தன் வாடிக்கையாளர்களின் எண்ணிக்கையைப் பெருக்கி வரும் பயர்பாக்ஸ் பிரவுசரின் 3.6.9 பதிப்பு வெளியிடப் பட்டுள்ளது. இதன் பாதுகாப்பு மற்றும் ஸ்திரத்தன்மை பலப்படுத்தப் பட்டுள்ளது. எனவே பயர்பாக்ஸ் 3.6 பயன்படுத்தி வருபவர்கள், இதற்கு அப்டேட் செய்து கொள்வது நல்லது. ஏறத்தாழ 67 பிரச்னைகள் சரி செய்யப் பட்டுவிட்டதாகவும், அவற்றில் 11 மிக மோசமான பிரச்னைகளாக இருந்தன என்றும் இத்தகைய பதிப்புகளை மதிப்பிடும் பக்ஸில்லா (Bugzilla தெரிவித்துள்ளது. பயர்பாக்ஸ் பயன்படுத்துபவர்களுக்கு, இந்த புதிய பதிப்பு குறித்து செய்திகள் அனுப்பப்பட்டிருக்கும். Help > Check for Updates எனச் சென்று அப்டேட் பதிப்பைப் பதிந்து கொண்டு பயன்படுத்தலாம். மொஸில்லாவின் தளத்தில் அனைத்து ஆப்பரேட்டிங் சிஸ்டங்களுக்குமான பயர்பாக்ஸ் பிரவுசர் தொகுப்புகள் கிடைக்கின்றன.
தண்டர்பேர்ட் 3.1.3
மொஸில்லாவின் இமெயில் கிளையண்ட் புரோகிராமான தண்டர்பேர்ட் தொகுப்பின் பதிப்பு 3.1.3 வெளிவந்துள்ளது. இதற்கான அதிகார பூர்வ அறிவிப்பினை மொஸில்லா இன்னும் வெளியிடவில்லை. இந்த தொகுப்பில் பாதுகாப்பு அம்சங்களில் இருந்த பல பிழைகள் சரி செய்யப்பட்டுள்ளன. ஏறத்தாழ 83 பிரச்னைகள் சரி செய்யப்பட்டுள்ளதாகத் தெரிகிறது. அவற்றில் 13 அதிக தொல்லை தந்த பிரச்னைகள் எனவும் கண்டறியப் பட்டுள்ளது. மற்றபடி புதிய வசதிகள் எதுவும் இணைக்கப்படவில்லை. அதிகார பூர்வ அறிவிப்பிற்குக் காத்திராமல், இதனைப் பெற நீங்கள் விரும்பினால்,http://www.softpedia.com /get/Internet/E-mail/E-mail-Clients/Mozilla-Thunderbird.shtml என்ற முகவரியில் உள்ள தளத்தில் இதனை தரவிறக்கம் செய்து கொள்ளலாம்.
ஆப்பரா பிரவுசர் 10.62
டெஸ்க்டாப் கம்ப்யூட்டர்களில் பயன்படுத்தும் ஆப்பரா பிரவுசரின் பதிப்பு 10.62 அண்மையில் வெளியிடப்பட்டது. இதில் பாதுகாப்பு மற்றும் ஸ்திரத்தன்மை மேம்படுத்தப்பட்டுள்ளது. குறிப்பாக விண்டோஸ் சிஸ்டத்தில் டி.எல்.எல். கோப்புகளைத் தூக்கிச் செல்லும் வைரஸ் அல்லது மால்வேர் தொகுப்புகளுக்கு எதிரான பாதுகாப்பு நடவடிக்கை இதில் மேற்கொள்ளப்பட்டுள்ளது. இணையதளங்களில் தேடலில் ஈடுபடுகையில், எதிர்பாராதவிதமாக, ஆப்பரா பிரவுசர் மூடப்பட்டுக் கொண்டிருந்தது இந்த பதிப்பில் சரி செய்யப்பட்டுள்ளது. மேலும் தகவல்களுக்கு http://my.opera.com/desktopteam/blog/2010/09/09/opera-10-62-released என்ற முகவரியில் உள்ள தளப் பக்கங்களைக் காணவும்.

பயர்பாக்ஸ் 3.6.9

பயர்பாக்ஸ் 3.6.9

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக