தேர்ந்திடா வழியொன்று..!

கலைவேந்தன் · கலைவேந்தன் Fri 15 Oct 2010 - 17:12

First topic message reminder :

தேர்ந்திடா வழியொன்று..! - Page 2 Tworoads

The Road Not Taken

Two roads diverged in a yellow wood,
And sorry I could not travel both
And be one traveler, long I stood
And looked down one as far as I could
To where it bent in the undergrowth;

Then took the other, as just as fair,
And having perhaps the better claim
Because it was grassy and wanted wear,
Though as for that the passing there
Had worn them really about the same,

And both that morning equally lay
In leaves no step had trodden black.
Oh, I marked the first for another day!
Yet knowing how way leads on to way
I doubted if I should ever come back.

I shall be telling this with a sigh
Somewhere ages and ages hence:
Two roads diverged in a wood, and I,
I took the one less traveled by,
And that has made all the difference.

Robert Frost

இந்த ஆங்கிலக்கவிதையை என் வழியில் மொழிபெயர்த்தேன். எப்படி என்று சொல்லுங்களேன்..!

தேர்ந்திடா வழியொன்று...

அடர்ந்த வனமொன்றின் முனையொன்றில் நான்...
என்னெதிரே இருவழிகள்...
அந்தோ...
இருவழியில் பயணமது இயலாத ஒன்றன்றோ?
ஒற்றையனாய் உறுதியின்றி நான்..!

வழிகளின் மீது இயன்ற மட்டில் என்
விழிகள் மேய்ந்தன...
ஒன்று சென்று மறைந்தது அடிவனத்தில்..
மற்றொன்றில் என் விழிப்பயணம்..
சற்றே சிறப்பாய் தோன்றியது அவ்வழிதான்...!

சிறுபுற்களின் மென்படலம்
மென்மையைப் பறை சாற்றியது...
இரண்டுமே பயணிக்க எத்தனம்தான் என்றாலும்
முதல்வழியை அடுத்த நாளுக்காய் சேமித்தேன்..

பயன்படுத்தப் படாத கரடுமுரடொன்றில்
பயணிப்பது உசிதமன்றோ?
மீளாப்பாதையோ அல்லது
மென்மையான ஒன்றோ...
மனம் குறித்தவழியினிலே
பயணிப்பதே மாண்பென்பேன்..

எளிமையான வழிகள் அனைவருக்கும் இனிமைதான்..
கடுமையானதொன்றையே கடைப்பிடித்தேன் நான்..
என்விதியை மாற்றியமைத்த வழியொன்றை
உரக்கவே வழிமொழிவேன்..!

அடர்ந்த வனமொன்றின் முனையொன்றில் நான்...

கலைவேந்தன் · கலைவேந்தன் Fri 15 Oct 2010 - 23:09

தேனி சூர்யாபாஸ்கரன் wrote:

"எளிமையான வழிகள் அனைவருக்கும் இனிமைதான்..
கடுமையானதொன்றையே கடைப்பிடித்தேன் நான்..
என்விதியை மாற்றியமைத்த வழியொன்றை
உரக்கவே வழிமொழிவேன்..! "

கலைஅண்ணா..

நீங்கள் மிகவும் ரசித்து எழுதிய வரிகள் என்று நினைக்கிறேன்..

மிக அருமையான வழி..இனிமையான வழியும் கூட..

தற்போது நீங்கள் அடர்ந்த வனமொன்றின் அல்ல...

அன்பு வனமொன்றின்..உள்ளே...சின்னக் குழந்தையாய்...

நன்றி..அண்ணா...

மிக்க நன்றி பாஸ்கரன்..! என் வழக்கம் என்ன என்றால், எதை நான் எழுதினாலும் என்னில் இருந்து வேறுபட்டு பிரிந்து போய் நடுநிலையுடன் நின்று விமர்சித்து சரி என்று பட்டபின் தான் பதிவேன். இதனாலேயே நிறைய கவிதைகள் எழுத இயலாமல் போவதும் பலகவிதைகளைப் பிரசுரிக்காமலே விட்டுவிடுவதும் உண்டு..!

நீங்கள் கூறிய படி நான் ரசித்து எழுதியவை தான் அவை..!

மீண்டும் நன்றி பாஸ்கரன்..!

கலைவேந்தன் · கலைவேந்தன் Fri 15 Oct 2010 - 23:12

maniajith007 wrote:சூப்பர் சார் விளையாடி இருக்கீங்க சில ஆங்கில மொழிபெயர்ப்புகள் அப்படியே translate பண்ணி இருப்பாங்க நீங்க மூலம் சிதையாமல் அதே சமயம் மிக அழகா கவி நயத்துடன் எழுதி இருக்கீங்க அப்படியே miles to go before i sleep இதையும் மொழி பெயர்த்தால் நன்றாக இருக்கும்

மிக்க நன்றி அஜித்.. நீங்க அந்த கவிதையை எனக்கு மடலிலோ அல்லது இங்கோ தாருங்கள்... விரைவில் மொழிபெயர்த்து விடுவோம்....!

கலைவேந்தன் · கலைவேந்தன் Sun 17 Oct 2010 - 15:12

T.N.Balasubramanian wrote:அர்த்தங்கள் சிதையா
அழகிய மொழிபெயர்ப்பு..
அழகாகவும் அமைந்தது,
ஆஹா என்றிப்பார் ROBERT FROST உம்,
தமிழ் அறிந்து இருந்தால்.

வாழ்த்துக்கள்.
ரமணீயன்.

மிக்க நன்றி ஐயா... உங்கள் ஆசி இருந்தால் போதும் இன்னும் சாதிக்கலாம்..!

உதயசுதா · உதயசுதா Sun 17 Oct 2010 - 15:19

அருமையா மொழி பெயர்த்து இருக்கீங்க கலை.சரியா மொழி பெயர்க்குரதுக்கும் ஒரு தனி ரசிப்பு தன்மை இருக்கணும் கலை.
அது உங்ககிட்ட நிறையவே இருக்கு.உங்களை வாழ்த்தலை
வணங்குகிறேன்

கலைவேந்தன் · கலைவேந்தன் Sun 17 Oct 2010 - 16:58

உதயசுதா wrote:அருமையா மொழி பெயர்த்து இருக்கீங்க கலை.சரியா மொழி பெயர்க்குரதுக்கும் ஒரு தனி ரசிப்பு தன்மை இருக்கணும் கலை.
அது உங்ககிட்ட நிறையவே இருக்கு.உங்களை வாழ்த்தலை
வணங்குகிறேன்

மனதார பாராட்டுவதும் மிகப்பெரிய விஷயம் சுதா.. அது உங்க கிட்ட நிறையவே இருக்கு. நட்பில் வணங்குதல் இல்லை சுதா..பாராட்டுதலும் வாழ்த்துதலும் போதுமே..! நன்றி சுதா..!

கலைவேந்தன் · கலைவேந்தன் Fri 29 Apr 2011 - 9:53

நண்பர் பாலாவின் பார்வைக்காக..!

முரளிராஜா · முரளிராஜா Fri 29 Apr 2011 - 10:49

கவிதை எழுதுவதை விட கடினமானது
கவிதையை மொழி பெயர்ப்பது காரணம்
ஒரு மொழியில் எழுதபட்ட கவிதையின் அர்த்தத்தை அந்த அர்த்தம் மாறாது
மற்றொறு மொழியில் கவிதையாய் மொழி பெயர்ப்பது அனைவராலும்
முடியாத ஒன்று. அதை அழகாய் மொழி பெயர்த்துள்ள கலைக்கு
என் வாழ்த்துகள்

**கே. பாலா** · **கே. பாலா** Fri 29 Apr 2011 - 20:46

மிகச் சிறப்பான படைப்பு ! மொழிபெயர்பென தோன்றாதவகையில் மூலமும் சிதையாத படி அருமையாக செய்திருக்கிறீர்கள் பாராட்டுக்கள் . உங்கள் மொழியின் ஓட்டத்தை மிகவும் ரசித்தேன். அதிகமான வாசிப்பு அனுபவம் இருந்தால் மட்டுமே இது சாத்தியம் .

அசுரன் · அசுரன் Sat 30 Apr 2011 - 3:09

கலைவேந்தன் wrote:

எளிமையான வழிகள் அனைவருக்கும் இனிமைதான்..
கடுமையானதொன்றையே கடைப்பிடித்தேன் நான்..
என்விதியை மாற்றியமைத்த வழியொன்றை
உரக்கவே வழிமொழிவேன்..!

அடர்ந்த வனமொன்றின் முனையொன்றில் நான்...[/color]

இது தான் எனக்கும் பிடித்த வழி! நான் கடந்த வழியும் கூட! அண்ணா உங்கள் மொழிப்பெயர்ப்பு பதிவு மிகவும் அருமை! பாராட்டுக்கள்

கலைவேந்தன் · கலைவேந்தன் Sat 30 Apr 2011 - 3:37

முரளிராஜா wrote:கவிதை எழுதுவதை விட கடினமானது
கவிதையை மொழி பெயர்ப்பது காரணம்
ஒரு மொழியில் எழுதபட்ட கவிதையின் அர்த்தத்தை அந்த அர்த்தம் மாறாது
மற்றொறு மொழியில் கவிதையாய் மொழி பெயர்ப்பது அனைவராலும்
முடியாத ஒன்று. அதை அழகாய் மொழி பெயர்த்துள்ள கலைக்கு
என் வாழ்த்துகள்

மிக்க நன்றி முரளி..!

Sponsored content · Sponsored content

தேர்ந்திடா வழியொன்று..!

தேர்ந்திடா வழியொன்று..!

Re: தேர்ந்திடா வழியொன்று..!

Re: தேர்ந்திடா வழியொன்று..!

Re: தேர்ந்திடா வழியொன்று..!

Re: தேர்ந்திடா வழியொன்று..!

Re: தேர்ந்திடா வழியொன்று..!

Re: தேர்ந்திடா வழியொன்று..!

Re: தேர்ந்திடா வழியொன்று..!

Re: தேர்ந்திடா வழியொன்று..!

Re: தேர்ந்திடா வழியொன்று..!

Re: தேர்ந்திடா வழியொன்று..!

Re: தேர்ந்திடா வழியொன்று..!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக