நீதிக்கு முன் நிறுத்து!

**kirikasan** · **kirikasan** Fri Dec 10, 2010 3:24 am

ஓடித்திரிந்தவளும் உறங்கிடினும் உலகமதின்
மூடிக்கிடந்தவிழி மெல்லத் திறந்துவிட்டாள்
வாடிகிடந்துமிவள் வாழ்வழித்துவிட்டோரை
தேடிச்சிறைபோட திடங் கொண்டெழுவாயோ.

பாடிப் பறந்தகுயில் பாடித்தன் சோலைதனில்
கூடிக் கழித்திருக்க குரல்வளையில் நெரித்தவரை
தேடிப்பிடித்துலகில் தீயவரை விலங்கிட்டு
ஆடிக் கடன்முடிக்க ஆணையிட்டே நீஎழுவாய்!

பூஞ்சரமாய் பூந்தோட்ட பொன்மலராய் பூத்தவளை
ஏன்சிரித்து வாழ்ந்தவளை இத்தனை கொடுமைசெய்தார்
தேன்சுவைத்த வாழ்வுதனை தேவமகள் தான்இவளை
ஊனழித்துக் கொன்றவரை உள்ளேஅனுப்ப எழு!

வெட்டியவன் கைளினை விளங்காமல் செய்துஅவன்
கட்டில்தான் கதிஎன்று கண்ணிரண்டு பொய்த்துவலி
பட்டுப் பெருந்துன்பம் பாவியவன் கதறியழும்
மட்டும் மனம்ஆறா மகனே நீதுடித்திடடா!

காதகப் பேய்கள்தனும் கடிகடித்தே குதறுவதாய்
மாதரைப் பிள்ளைகளை மனம்புரள வெறிபிடித்து
சேதமழித் தவரைச் செத்துவிடசெய்வோனை
நீதிக்கு முன்நிறுத்த நெஞ்சம் கொதித்து எழு!

**சிவா** · **சிவா** Fri Dec 10, 2010 11:16 am

ஒவ்வொரு மனங்களின் ஏக்கங்களையும் எழுத்தாக வடித்துள்ளீர்கள் அண்ணா!

தமிழ்ப்ரியன் விஜி · 26/06/2009

ஏக்கமான எழற்சிகரமான வரிகள் அண்ணா ...

**kirikasan** · **kirikasan** Fri Dec 10, 2010 1:14 pm

உணர்வுகளை பகிர்ந்துகொண்டீர்கள்! நன்றியுடன் தொடர்கிறேன்!

Sponsored content · Sponsored content

நீதிக்கு முன் நிறுத்து!

நீதிக்கு முன் நிறுத்து!

Re: நீதிக்கு முன் நிறுத்து!

Re: நீதிக்கு முன் நிறுத்து!

Re: நீதிக்கு முன் நிறுத்து!

Re: நீதிக்கு முன் நிறுத்து!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக