திரையரங்குகள் இல்லை: 25 திரைப்படங்கள் முடங்கும் அபாயம்

**krishnaamma** · **krishnaamma** Thu Dec 16, 2010 8:58 am

சென்னை, டிச.15: தியேட்டர்கள் கிடைக்காததால் 25-க்கும் மேற்பட்ட திரைப்படங்களை திரையிட முடியாத நிலை ஏற்பட்டுள்ளது.

அரசியல் பின்னணி உள்ளவர்கள் விநியோகஸ்தர்களாக மாறியது, அதைத் தொடர்ந்து அவர்கள் சினிமா தயாரிப்புகளிலும் இறங்கியதால் சிறு, குறு தயாரிப்பாளர்கள் தங்களின் திரைப்படங்களை வெளியிட முடியாத நிலை ஏற்பட்டுள்ளது தெரிந்த விஷயம்தான்.

இதுதவிர மீடியாக்களின் ஆதரவு உள்ள படங்களை வாங்குவதற்கு திரையரங்க அதிபர்கள் அதிக ஆர்வம் காட்டுகின்றனர். இதுவும் சிறு தயாரிப்பாளர்களை பாதித்துள்ளது.

கடந்த ஐந்தாண்டுகளில் இல்லாத அளவுக்கு 150-க்கும் மேற்பட்ட படங்கள் இந்த ஆண்டு வெளியாகியுள்ளன. இதில் மீடியாக்களின் ஆதரவு இல்லாததால், தரமாக இருந்தும், சில குறைந்த பட்ஜெட் படங்கள் ஓரிரு நாளில் திரையரங்கத்தில் இருந்து தூக்கப்பட்டுள்ளன. தமிழ் சினிமாவின் நம்பகமான படைப்பாளிகளின் படங்களும் இதில் அடங்குவதுதான் சோகம்.

மானியம் கிடைக்குமா? குறைந்தபட்சம் 8, அதிகபட்சமாக 25 என பிரிண்டுகள் போடப்பட்டு வெளியிடப்பட்டிருந்தால் அவை சிறிய தயாரிப்புப் படங்களாகக் கருதப்படும். இந்தப் படங்களுக்கு | 7 லட்சம் அரசு மானியம் வழங்கப்படுகிறது. ஆனால் கடந்த சில ஆண்டுகளாக சிறிய தயாரிப்பு படங்களுக்கு இந்த தொகை வழங்கப்படவில்லை. ஆனாலும், கிடைத்துவிடும் என்கிற நம்பிக்கையில் தயாரிப்பாளர்கள் உள்ளனர்.

இதனால் டிசம்பர் முடிவதற்குள் இந்த ஆண்டு மானியப் பட்டியலில் தங்களது படங்களைச் சேர்க்க தயாரிப்பாளர்கள் முனைப்புக் காட்டி வருகின்றனர். அப்போதுதான், நடப்பு ஆண்டுக்கான மானியத் தொகை கிடைக்கும்.

ஜனவரி 1-ம் தேதி படத்தை வெளியிட்டாலும் அது அடுத்த ஆண்டுக்கான மானியப் பட்டியலில் சேர்ந்து விடும்.

சன் பிக்சர்ஸின் "எந்திரன்' படம் சுமார் 400-க்கும் மேற்பட்ட திரையரங்குகளில் திரையிடப்பட்டது. அப்போது, சிறிய தயாரிப்புப் படங்களை வெளியிட முடியாத நிலை உருவானது. அதற்கு பின் வந்த காலங்களில் உதயநிதி ஸ்டாலின் வெளியிட்ட "மைனா', தயாநிதி அழகிரி வெளியிட்ட "வ குவாட்டர் கட்டிங்', "ரத்த சரித்திரம்' ஆகிய படங்கள் திரையரங்குகளை ஆக்கிரமித்துக் கொண்டன.

இதனால் 25-க்கும் மேற்பட்ட படங்களை ரிலீஸ் செய்ய முடியாத நிலை ஏற்பட்டுள்ளதாகத் தெரிகிறது.

பொங்கல் பண்டிகைக்கு சன் பிக்சர்ஸின் "ஆடுகளம்' உள்ளிட்ட பெரிய படங்கள் திரைக்கு வர காத்திருப்பதாலும், அதைத் தொடர்ந்து உலக கோப்பை கிரிக்கெட் போட்டிகள் நடைபெறவுள்ளதாலும் இந்த ஆண்டிலேயே படங்களை வெளியிட தயாரிப்பாளர்கள் திட்டமிட்டனர்.

இதன் விளைவாக "சித்து ப்ளஸ் 2', "விருதகிரி', "மந்திரப்புன்னகை' உள்ளிட்ட 10-க்கும் மேற்பட்ட படங்கள் வெளியாகி உள்ளன. கடந்த 20 நாள்களில் இந்த 10 படங்கள் திரைக்கு வந்துள்ளது குறிப்பிடத்தக்கது.

இந்த நிலையில், சசிகுமாரின் இயக்கத்தில் உருவாகியுள்ள "ஈசன்', கமல்ஹாசன் நடித்துள்ள "மன்மதன் அம்பு', "பவானி', "நெல்லு', 'அரிது அரிது' உள்ளிட்ட 25-க்கும் மேற்பட்ட படங்கள் அடுத்த சில நாள்களில் வெளியாகும் எனத் தெரிகிறது.

"ஈசன்', "மன்மதன் அம்பு' ஆகிய பெரிய படங்கள் திரைக்கு வரவிருப்பதால், இப்போதும் சிறிய படங்களுக்கு தியேட்டர்கள் கிடைக்காத நிலை உருவாகி உள்ளது. இருந்தும் குறைந்த எண்ணிகையில் தியேட்டர்கள் கிடைத்தாலே போதும் என படத்தை வெளியிட தயாரிப்பாளர்கள் முன் வந்து இருப்பதாக தகவல்கள் வெளியாகியுள்ளன.

தவிக்குது "தா'... "தா' என்ற படத்துக்கு தியேட்டர்கள் இல்லாத நிலை ஏற்பட்டுள்ளதால், அதை மறுவெளியீடு செய்ய அதன் தயாரிப்பாளர்கள் முடிவெடுத்துள்ளனர். பத்திரிகைகளில் விமர்சனம் வந்த நிலையில் கடந்த இரு நாள்களுக்கு முன்பே பல தியேட்டர்களில் படம் நிறுத்தப்பட்டுள்ளது.

நவீன கேமரா தொழில்நுட்பத்தில் தயாரான "சனிக்கிழமை சாயங்காலம் 5 மணி', விஜயகாந்தின் "விருதகிரி' ஆகிய படங்கள் குறைந்த எண்ணிக்கையிலான தியேட்டர்களிலேயே ரிலீஸ் செய்யப்பட்டுள்ளன.

""20 வருடங்களுக்கு மேலாக சினிமாவில் இருக்கிறேன். எத்தனையோ படங்களுக்கு பண உதவி செய்து வெளியீட்டுக்கு உதவியிருக்கிறேன். ஆனால் இப்போது ஒரு படம் எடுத்து விட்டு அதை வெளியிட முடியாமல் காத்திருக்கிறேன். தியேட்டர்கள் குறைந்த எண்ணிக்கையிலே கிடைத்தன. கொஞ்சம் அதிக எண்ணிக்கையில் தியேட்டர் கிடைத்த பின் வெளியிடலாம் என காத்திருந்ததால் கையில் இருந்த தியேட்டர்களும் போய் விட்டன. இந்த ஆண்டுக்குள் வெளியிட வேண்டுமென நினைக்கிறேன். ஆனால் இன்னும் சில நாள்களில் பெரிய படங்கள் வெளியாக உள்ளதால், என்ன செய்வதென்று தெரியவில்லை'' என்று பிரபல சினிமா பைனான்சியர் ஒருவர் தெரிவித்துள்ளார்.

**krishnaamma** · **krishnaamma** Thu Dec 16, 2010 9:08 am

டிவி ல போட வேண்டியது தான். அது தான் இப்ப வெல்லாம்

Order your பிலிம் நு வருதே!

அன்பு தளபதி · அன்பு தளபதி Thu Dec 16, 2010 9:40 am

அடுத்த படியா கேடி சகோதரர்கள் (கே-கலாநிதி, டி-தயாநிதி)மற்றும் தளபதி மகன் அஞ்சாநெஞ்சன் அருமை புதல்வன் இவங்களே திரையரங்குகளை கட்டி தங்கள் படத்தை வெளியிடுவார்கள் போஸ்டர் ஓட்ற வேலைகூட சொந்தங்களை வச்சி செஞ்சி சொத்து சேர்ப்பாங்க பாருங்க

**krishnaamma** · **krishnaamma** Sat Dec 18, 2010 8:20 am

maniajith007 wrote:அடுத்த படியா கேடி சகோதரர்கள் (கே-கலாநிதி, டி-தயாநிதி)மற்றும் தளபதி மகன் அஞ்சாநெஞ்சன் அருமை புதல்வன் இவங்களே திரையரங்குகளை கட்டி தங்கள் படத்தை வெளியிடுவார்கள்
போஸ்டர் ஓட்ற வேலைகூட சொந்தங்களை வச்சி செஞ்சி சொத்து சேர்ப்பாங்க பாருங்க

அதுக்கெல்லாம் தான் free யாக கழக கண்மணிகள் இருக்கங்களே? ஜாலி

balakarthik · balakarthik Sat Dec 18, 2010 8:29 am

அப்போ என்னமாதிரி நெட்டுல பாக்குற ஆளுங்களுக்கு கொண்டாட்டமுனு சொல்லுங்க மகிழ்ச்சி

Sponsored content · Sponsored content

திரையரங்குகள் இல்லை: 25 திரைப்படங்கள் முடங்கும் அபாயம்