மகிந்தா தகாத வார்த்தைகளால் திட்டியதால்-தலைமை நீதிபதி பதவி விலகல்

நிசாந்தன் · நிசாந்தன் Mon Jan 03, 2011 3:41 pm

நாட்டின் நீதிமன்ற சுதந்திரம் பற்றிய கருத்துப் பரிமாறலின்போது ஜனாதிபதி மஹிந்த ராஜபக்ஷ கோபமாகப் பேசியதை அடுத்து தலைமை நீதிபதி அஷோகா டி சில்வா தனது இராஜினாமா கடிதத்தை அனுப்பியுள்ளதாகக் கூறப்படுகிறது. இன்று அனுப்பப்பட்ட அக்கடிதத்தை மஹிந்த ஏற்றுக்கொள்ளவில்லை என்றும் இவ்விவகாரத்தைப் பெரிது படுத்தாமல் தீர்த்து வைக்கும்படி ஜனாதிபதியின் செயலாளருக்கு அறிவுறுத்தல் விடுக்கப்பட்டுள்ளதாகவும் அறியப்படுகிறது.

நாட்டின் நீதிமன்றங்கள் சம்பந்தப்பட்ட கலந்துரையாடல் ஒன்று ஆண்டின் இறுதியில் நடத்தப்பட்டுள்ளது. அப்போது முன்னாள் இராணுவத் தளபதி சரத் பொன்சேகாவுக்கு எதிரான வழக்குகளின் நிலைப்பாடு குறித்து டி சில்வாவிடம் கேட்டுள்ளார் மஹிந்த. இதற்குப் பதிலளித்த தலைமை நீதிபதி, சரத் பொன்சேகாவுக்கு எதிரான வழக்குகள் ஒரு சார்பானவை என்றும் அவை நீதிக்குப் புறம்பானவை என்றும் சொல்லியுள்ளார். அதோடு இராணுவ நீதிமன்றின் தீர்ப்புக்களை மேன்நீதிமன்று அல்லது உச்ச நீதிமன்று அங்கீகரித்தால் அவை நாட்டின் நீதிமன்றங்களுக்கு சர்வதேச அளவில் அபகீர்த்தி ஏற்படுத்தும் என்றும் தெரிவித்துள்ளார்.

இதனால் கோபமடைந்த மஹிந்த, வேறு எந்த நாட்டிலாவது இலங்கை நீதிமன்றங்கள் மற்றும் நீதிபதிகளுக்குக் கொடுக்கப்பட்டுள்ள சலுகைகள் போலக் கிடைக்கின்றனவா? தனது ஆட்சியின்கீழ் என்னென்ன நடவடிக்கைகள் எடுக்கப்படவேண்டும் என்று தனக்குத் தெரியும் என்று கடும் வார்த்தைகளைப் பிரயோகித்தார். இதற்கு நீதிமன்றங்களின் சுதந்திரத்தை அரசியலுடன் கலக்க வேண்டாம் என்று தலைமை நீதிபதியும் பதிலுக்குப் பேசினார்.

தலைமை நீதிபதியின் இக்கோப வார்த்தைகளைக் கேட்க முடியாத மஹிந்த அலுவலகத்தை விட்டே வெளியேறியுள்ளார்.
இதேவேளை அவ்வலுவலகத்தை விட்டு வெளியேற முன்னர், "இவ்வாறான ஒரு திரைமறைவில் என்னால் இனி எனது கடமைகளைச் செய்ய முடியாது" என்று தலைமை நீதிபதி ஜனாதிபதிச் செயலாளருக்கு அறிவித்துவிட்டுச் சென்றுள்ளார்.

இவ்விவகாரத்தை அடுத்தே நீதிபதி அஷோக டி சில்வா தனது இராஜினாமா கடிதத்தை இன்று அனுப்பினார். ஆனால் அதை ஏற்க மஹிந்த மறுத்துவிட்டாராம்.

Guest · Guest Mon Jan 03, 2011 3:47 pm

மகிந்தா தகாத வார்த்தைகளால் திட்டியதால்-தலைமை நீதிபதி பதவி விலகல்

மகிந்தா தகாத வார்த்தைகளால் திட்டியதால்-தலைமை நீதிபதி பதவி விலகல்

Re: மகிந்தா தகாத வார்த்தைகளால் திட்டியதால்-தலைமை நீதிபதி பதவி விலகல்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக