ஐரோப்பா வரை நீளும் சீனப் பெருஞ்சுவர்-2

நிசாந்தன் · நிசாந்தன் Mon Jan 10, 2011 11:23 am

இரண்டாம் உலக யுத்தத்தின் எதிர்விளைவாக, இந்நாடுகளில் வறுமை, வேலையில்லாப் பிரச்சினை மற்றும் இடம்பெயர்வுகள் அதிகரித்து, இடதுசாரி இயக்கங்களின் எழுச்சி உருவாகி விடலாமென்கிற அச்சமே, மார்ஷல் திட்டம் உருவாகியதற்கான அடிப்படைக் காரணியாக அமைந்ததெனலாம். அதேவேளை, கைத்தொழில் மற்றும் விவசாய உற்பத்திகளை ஊக்குவிப்பதற்காக அடுத்த நாலாண்டு காலத்தில் 13 பில்லியன் டொலர் நிதியுதவியினை வழங்க அமெரிக்கா முன் வந்தது.

அதுமட்டுமல்லாது, வளர்ச்சியடைந்த ஏனைய சர்வ நாடுகளுக்கு விவசாயத் துறையில் தொழில்நுட்ப உதவிகளை வழங்க 1949 இல் நான்கு அம்ச வேலைத் திட்டமொன்றினை (Point 4 Program) அதிபர் ட்ரூபன் மேற்கொண்டார்.

பின்னாளில் ஐரோப்பாவில் சோவியத் யூனியனின் படைத்துறை சார்ந்த எழுச்சியும் நேட்டோவின் உருவாக்கமும் 1957 இல் 15 நாடுகளடங்கிய ஐரோப்பிய ஒன்றியத்தின் தோற்றமும், பனிப் போரின் பக்க விளைவுகளாக உருவெடுத்ததெனலாம்.

ஐரோப்பாவை மீளக் கட்டியெழுப்புவதற்கு உங்களிடையே ஒரு பொதுவான வேலைத் திட்டத்தை உருவாக்க வேண்டுமென, மார்சல் முன் வைத்த கோரிக்கையும், அமெரிக்க நிதி உதவிகளும் ஐரோப்பிய நாடுகளை மீண்டும் எழுச்சி பெற வைத்தது.

சோவியத்தின் ஆக்கிரமிப்பிற்கெதிராக ஆப்கானிஸ்தானில் நிகழ்ந்த போரும், பலஸ்தீன பிரச்சினையைச் சார்ந்து மத்திய கிழக்கு நாடுகளில் ஏற்பட்ட மோதல்களும் பின்னர் சோவியத் கூட்டமைப்பின் உதிர்வும், அமெரிக்காவின் தனித்துவமான ஏகபோக வல்லரசு ஆளுமையை நிலைநிறுத்தினாலும் அல்கொய்தாவின் இரட்டைக் கோபுரத் தாக்குதல்களும் 2008 இல் ஏற்பட்ட பொருளாதார வீழ்ச்சியும் உலக ஒழுங்குச் சமநிலையில் பெரும் மாறுதல்களை உருவாக்கி விட்டன.

தற்போது அபிவிருத்தியடைந்துள்ள ஐரோப்பிய நாடுகளில் ஏற்பட்டுள்ள பொருளாதார வளர்ச்சியின் தேக்க நிலை, அடுத்த கட்டத்திற்கு நகர முடியாத அளவிற்கு இறுக்கமடைந்துள்ள ஏற்றுமதி வர்த்தக பற்றாக்குறை என்பன அமெரிக்காவிற்குப் பதிலாக இன்று சீனாவைக் கொண்டு வந்து இங்கு நிறுத்தியுள்ளது.

அத்தோடு சீனாவின் யுவான் (Yuan) நாணயத்தில் முறிகளை (Bond) வழங்குவதை ஏற்றுக் கொள்ளுமளவிற்கு மேற்குலகின் ஆதிக்கத்திலுள்ள உலக வங்கி (World Bank) என்கிற பாரிய நிதி நிறுவனம் கீழிறங்கி வந்திருப்பதை கவனிக்க வேண்டும்.

இலங்கைக்கு நீண்ட காலமாக கடனுதவி, நிதியுதவி அளித்து வந்த ஜப்பானின் முறிகளை (Bond) வாங்கிக் குவித்து, அந்நாட்டினைத் தனது பொருண்மிய ஆளுமைக்குள் அடக்கி விடக் கூடியளவிற்கு சீனா வளர்ந்து விட்டதெனலாம்.

இந்த வரலாற்றுச் சக்கரச் சுழற்சியில், அமெரிக்காவின் இடத்தை சீனா கைப்பற்றுமாவென்பதை பொறுத்திருந்துதான் பார்க்க வேண்டும்.

**சிவா** · **சிவா** Mon Jan 10, 2011 11:31 am

நிச்சயம் உலகின் அடுத்த வல்லரசு சீனாதான்!

அனைத்துத் துறையிலுமே சீனாதான் இப்பொழுது #1.

மோகன் · மோகன் Mon Jan 10, 2011 2:10 pm

Sponsored content · Sponsored content

ஐரோப்பா வரை நீளும் சீனப் பெருஞ்சுவர்-2

ஐரோப்பா வரை நீளும் சீனப் பெருஞ்சுவர்-2

Re: ஐரோப்பா வரை நீளும் சீனப் பெருஞ்சுவர்-2

Re: ஐரோப்பா வரை நீளும் சீனப் பெருஞ்சுவர்-2

Re: ஐரோப்பா வரை நீளும் சீனப் பெருஞ்சுவர்-2

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக