மும்பை தாக்குதல் வழக்கு: கசாப்பிற்கு தூக்கு கிடைக்குமா? நாளை தீர்ப்பு

First topic message reminder :

மும்பை: மும்பை தாக்குதல் வழக்கில் தூக்கு தண்டனை விதிக்கப்பட்டதை எதிர்த்து பயங்கரவாதி அஜ்மல் கசாப் சார்பில் தாக்கல் செய்யப்பட்ட மேல்முறையீட்டு மனு மீது நாளை மும்பை ஐகோர்ட் தீர்ப்பு வழங்குகிறது. கடந்த 2008 நவம்பர் 26ம் தேதி மும்பையில், பாகிஸ்தானிய பயங்கரவாதிகள் தாக்குதல் நடத்தினர். இதில், 166 பேர் கொல்லப்பட்டனர். தாக்குதல் நடத்திய பயங்கரவாதிகளில் உயிரோடு பிடிபட்டவன் அஜ்மல் கசாப் மட்டுமே. லஷ்கர் -இ- தொய்பா இயக்கத்தைச் சேர்ந்த கசாப்புக்கு வரும் 12ம் தேதி தூக்கு தண்டனை அளிக்க, மும்பை கோர்ட் உத்தரவிட்டிருந்தது. "தன்னுடைய சார்பில் வாதாட வக்கீல்கள் யாரையும் நியமிக்காததால், இது ஒரு தலைபட்சமான தீர்ப்பு' என, கசாப் கூறியிருந்தான்.


இதையடுத்து கசாப் சார்பில் தூக்கு தண்டனையை எதிர்த்து மும்பை கோர்ட்டில் மேல்முறையீடு மனு தாக்கல் செய்யப்பட்டது. இவ்வழக்கு விசாரணை கடந்த சில மாதங்களாக நடைபெற்று வந்த நிலையில் நாளை தீர்ப்பு வழங்கப்பட உள்ளது. இந்த தீர்ப்பின் போது வழக்கு தொடர்பான விசாரணை மற்றும் மகாராஷ்டிர அரசு சார்பில் தாக்கல் செய்யப்பட்ட மனு மீதான விசாரணை குறித்த தகவல்களையும் மும்பை ஐகோர்ட் தெரிவிக்க உள்ளது. தீர்ப்பு வழங்கும் போது நடைபெறும் கோர்ட் நடவடிக்கைகளை சிறையில் இருந்து கசாப் பார்ப்பதற்கு வீடியோ கான்பிரன்சிங் முறை ஏற்பாடு செய்யப்பட்டுள்ளது.

மும்பை தாக்குதல் சம்பவத்தில் உயிருடன் பிடிபட்ட பயங்கரவாதி கசாப்பை தூக்கில் போட வேண்டுமென்று பல்வேறு தரப்பினர் வலியுறுத்தி வந்தனர். அதற்கேற்றார் போலவே தீர்ப்பும் வழங்கப்பட்டது. ஆனால் கசாப்பிற்கு மேல்முறையீடு செய்ய அவகாசமும் வழங்கப்பட்டது. இதையடுத்து பயங்கவாதி கசாப் தனக்கு விதிக்கப்பட்ட தண்டனையை ரத்து செய்யக்கோரி மனு செய்தான். நாளை வழங்கப்படும் தீர்ப்பு கசாப்பிற்கு சாதகமாக இருக்குமா அல்லது கசாப்பிற்கு தூக்கு தண்டனை உறுதி செய்யப்படுமா என்பதை நாடே எதிர்பார்த்து காத்திருக்கிறது.

தினமலர்

கண்டிப்பாக அருண்.
நம்முடைய நாட்ல சனநாயகம் செத்து போசு...

எனவே ,நாம இது போன்ற கொடுமைகளை பார்த்தே ஆகவேண்டும்...