4 ஆயிரம் பைலட்டுகளின் சான்றிதழ்களை ஆராய டி.ஜி.சி.ஏ.க்கு உத்தரவு

புதுடில்லி: போலி சான்றிதழ்‌கள் கொடுத்து பைலட்டுகளாக பணிக்கு சேர்ந்தவர்கள் என் தெரியவந்துள்ளதையடுத்து இன்டிகோ விமான போக்குவரத்து நிறுவனத்தில் பணியாற்றிய பரமீந்தர் கவுர் குலாதி என்ற பெண் பைலட் உள்பட இருவர் கைதுசெய்யப்பட்டனர். இது தொடர்பாக 4 ஆயிரம் ‌பைலட்டுள் மற்றும் துணைபைலட்டுகளின் சான்றிதழ்களை உடனடியாக ஆய்வு செய்ய விமான போக்குவரத்துத்துறை அமைச்சகம், மற்றும் விமான போக்குவரத்துதுறை ‌இயக்குனரகம் உத்தரவிட்டுள்ளது. போலி சான்றிதழ் கொடுத்தும் உரிய முறையில் பயிற்சி மேற்கொள்ளமால் விமான பைலட்டுகளாக லைசென்ஸ் பெற்றதாக நேற்று முன்தினம் இருவர் கைது செய்யப்பட்டனர். இந்நிலையில் நாடுமுழுவதும் உள்ள ‌4 ஆயிரத்திற்கும் மேற்பட்ட பைலட்டுகள், துணை பைலட்டுகளின் சான்றிதழ்‌கள் மற்றும் லைசென்ஸ் பெற்ற விவரங்கள், பயிற்சி மேற்கொண்ட விவரங்களை தீவிரமாக ஆய்வு செய்யும் படி மத்திய விமான போக்குவரத்துதுறை அமைச்சகம், விமான போக்குவரத்துதுறை இயக்குனரம் (டி.ஜி.சி.ஏ)க்கு உத்தரவிடப்பட்டுள்ளது.

இது ‌தொடர்பாக விமானப்ப‌ோக்குவரத்துத்துறையின் செயலாளர் நஸீம்ஜைதி நிருபர்களிடம் கூறும்போது, தற்போது விமானப்போக்குவரத்து துறையில்‌ பைலட்டுகளின் பற்றாகுறை உள்ளது. இந்த சூழ்நிலையில் போலி பைலட்டுகள் கைது செய்யப்பட்டிருப்பது அதிர்ச்சியளிக்கிறது என்றார். உள்நாட்டு விமானப்போக்குவரத்துத்துறை இயக்குனரகத்தின் தலைவர் பூசான் தெரிவிக்கையில், இவர்கள் எந்த வழியில் விமானிகளாக லைசென்ஸ் பெற்றனர் என்பது குறித்து விசாரணை நடத்தவுள்ளோம். முதல்கட்ட டெய்சி விமான போக்குவரத்தில் பணியாற்றி வரும் ஆயிரத்து 700 பைலட்டுகள்,துணை பைலட்டுகளின் சான்றிதழ்களை சரி பார்க்க நடவடிக்கை எடுக்கப்பட்டுள்ளது. இந்த விவகாரத்தில் அதிகாரிகள் மட்டத்தில் தவறு நடந்துளளதாக தெரியவ்துளளது. உடனடியாக போலீசில் புகார்‌ கொடுத்து உரிய நடவடிக்கை எடுக்கப்படும். இதே போன்று நாடு முழுவதும் 4 ஆயிரத்திற்கும் மேற்பட்ட பைலட்டுகள், துணை பைலட்டுகளின் சான்றிதழ்கள் ஆய்வு செய்யப்படும். இவ்வாறு அவர் கூறினார். விமான பயணிகளை அதிர்ச்சிக்குள்ளாக்கிய இந்த விவகாரம் நாட்டை பெரும் அதிர்ச்சிக்குள்ளாக்கியுள்ளது..