வழுக்கி விழுந்தாலும் வாலன்டைனைப் போல வழுக்கி விழவேண்டும்

**சிவா** · **சிவா** Mon Mar 21, 2011 11:10 am

இடா வேலன்டைன் என்ற 58 வயது அமெரிக்க மூதாட்டி சம்பவத்தன்று சாலையோரமாக நடந்து சென்று கொண்டிருந்தார். ஒரு பெரிய பல்பொருள் அங்காடி அருகே வந்தபோது திடீரென்று கால் இடறி கீழே விழுந்தார். கடை முன்பு கிடந்த வாழைப்பழ தோல் வழுக்கிவிட்டது பிறகுதான் தெரிந்தது.

கீழே விழுந்த அவருக்கு காயம் ஏற்பட்டது. இதற்காக சிகிச்சை பெற்றதில் 9 ஆயிரம் டாலர் மருத்துவச் செலவு ஏற்பட்டதாம். இதனால் அவர், எந்தக் கடை முன்பு வாழைப்பழ தோல் கிடந்ததோ அந்த கடை மீது கோர்ட்டில் வழக்குத் தொடர்ந்தார்.

மருத்துவச் செலவு போக மருத்துவகாலத்தில் ஏற்பட்ட உணவு உள்ளிட்ட செலவுகளுக்கும் சேர்த்து நிவாரணம் கேட்டிருந்தார். இந்த சம்பவம் நடந்தது கடந்த ஆண்டு ஏப்ரல் மாதம். ஆரம்பத்தில் எங்களுக்கு இதில் பொறுப்பு இல்லை என்று சமாளித்து வந்த அந்த நிறுவனம் தற்போது இழப்பீடு தர சம்மதித்துள்ளது.

ஆனால் ஓராண்டுக்குள்ளாக நிவாரண தொகை பலமடங்கு உயர்ந்து 20 லட்சம் ரூபாயாகி விட்டது.

வழுக்கி விழுந்தாலும் வாலன்டைனைப்போல வழுக்கி விழவேண்டும் என்று யோசிக்கிறீங்களா?