நசுங்கியது மே.இ.தீவுகள்... அரையிறுதிக்கு அபாரமாக முன்னேறியது பாகிஸ்தான்!

மஞ்சுபாஷிணி · மஞ்சுபாஷிணி Thu Mar 24, 2011 10:22 am

WC: நசுங்கியது மே.இ.தீவுகள்... அரையிறுதிக்கு அபாரமாக முன்னேறியது பாகிஸ்தான்!

மிர்பூர், மார்ச் 23,2011
நசுங்கியது மே.இ.தீவுகள்... அரையிறுதிக்கு அபாரமாக முன்னேறியது பாகிஸ்தான்! 130407_3

மேற்கிந்திய தீவுகள் அணியை 10 விக்கெட்டுகள் வித்தியாசத்தில் அபாரமாக வீழ்த்திய பாகிஸ்தான் அணி, உலக கோப்பை அரையிறுதிக்கு முன்னேறியது.
மிர்பூரில் நடந்து முடிந்த காலிறுதிப் போட்டியில், 113 ரன்கள் எடுத்தால் வெற்றி என்ற இலக்குடன் களமிறங்கிய பாகிஸ்தான் அணி விக்கெட் இழப்பின்றி இலக்கை எட்டி வெற்றி பெற்றது.
அந்த அணியின் துவக்க ஆட்டக்காரர் ஹஃபீஸ் 61 ரன்களையும், கம்ரான் அக்மல் 47 ரன்களையும் எடுத்து ஆட்டமிழக்காமல் இருந்தனர்.
முன்னதாக, மேற்கிந்திய தீவுகள் அணி தனது இன்னிங்ஸ்சில் 43.3 ஓவர்களில் அனைத்து விக்கெட்டுகளையும் இழந்து வெறும் 112 ரன்களே எடுத்தது.
அந்த அணியில் சந்திரபால் 44 ரன்களை எடுத்து ஆட்டமிழக்கவில்லை. சர்வான் 24 ரன்கள் எடுத்தார். ஏனையோர் ஒற்றை இலக்க எண்ணிக்கையிலான ரன்களையே எடுத்தனர்.
அற்புதமான பந்துவீச்சை வெளிப்படுத்திய பாகிஸ்தான் அணியில், அஃபிரிதி 4 விக்கெட்டுகளையும், ஹஃபீஸ் மற்றும் அஜ்மல் ஆகியோர் தலா 2 விக்கெட்டுகளையும், உமர் குல் மற்றும் ரஸாக் ஆகியோர் தலா ஒரு விக்கெட்டையும் வீழ்த்தினர்.
இந்த வெற்றியின் மூலம் அரையிறுதிக்கு முன்னேறியுள்ள பாகிஸ்தான் அணி, இந்தியா - ஆஸ்திரேலியா இடையிலான போட்டியில் வெல்லும் அணியுடன் மோதும்.

நன்றி விகடன்.