பிழை

யாதுமானவள் · யாதுமானவள் Fri Apr 15, 2011 4:38 pm

First topic message reminder :

தென்னங்கீற்று என்னை
சுகமாகத் தீண்டவில்லை
சின்னக் குயிலோசை என்
செவிநாளம் வருடவில்லை

பச்சைப் பசுமரங்கள் என்
பார்வையில் படவில்லை
பழங்கதைகள் நான் பேச
ஆட்களும் யாருமில்லை

காகம் கழுதை என்
கண்ணில் பட்டதில்லை
கற்பூரம் கொளுத்தி வைக்க ஒரு
கோவிலும் இங்கு இல்லை

துள்ளும் மீனினங்கள்
தடாகத்தில் கண்டதுவும்
தாவும் வானரங்கள்
ஆரணத்தில் அலைந்ததுவும்
பார்த்த நியாபகங்கள்
பத்திரமாய் வைத்துள்ளேன்

தெருவோர சண்டைகளும்
திருவிழா கூச்சல்களும்
தெருக்கூத்து வசனமும்
தெம்மாங்கு பாடல்களும்
தொலைந்து போனதுபோல
தொடர்ந்து வரும் ஏக்கங்கள்

வருமானம் தேடி நான்
வளைகுடா வந்த பின்

சுகமான புல்வெளியில்
பதியாத தடங்களாய்
வெளிநாட்டு நாட்களெல்லாம்
என் வாழ்க்கை வங்கியில்
செலவாகிப் போகிறது
சொச்சமின்றி அழிகிறது

பொடியான பாலும்
பதம் செய்த பழங்களும்
என்றோ உயிர் விட்டு
இன்று வறுத்த கோழியும்
புரியாத வாழ்க்கை தான்
தெரியாத தேடல் தான்

வியர்வை அத்தனையும்
வங்கியில் கனக்கிறது
வேதனை மட்டுமென்
நெஞ்சினில் நிலைக்கிறது

ஈட்டுகின்ற பொருள்களெல்லாம்
என்ன செய்வேன் தெரியவில்லை
சேர்த்து வைக்கும் சொத்தெல்லாம்
செலவு செய்ய வழியுமில்லை

அதிகபட்சம் ஐந்தாயிரம்
அம்மாவுக்கு அனுப்புகிறேன்
அவள் வாழுகின்ற முதியோர் இல்லம்
அதற்கு மேல் கேட்பதில்லை

அர்த்தமில்லா வாழ்க்கையின்
அடித்தளத்தில் நின்று கொண்டு
என் நிலையில் இங்குள்ள
எல்லோரையும் கேட்கின்றேன்
பிழைப்புத் தேடி நாம்
பிழை செய்து விட்டோமா?

Jiffriya · Jiffriya Sat Apr 16, 2011 10:30 am

அருமையான கவிதை... சூப்பருங்க

செய்தாலி · செய்தாலி Sat Apr 16, 2011 11:17 am

வெளிநாட்டு நாட்களெல்லாம்
என் வாழ்க்கை வங்கியில்
செலவாகிப் போகிறது
சொச்சமின்றி அழிகிறது

வியர்வை அத்தனையும்
வங்கியில் கனக்கிறது
வேதனை மட்டுமென்
நெஞ்சினில் நிலைக்கிறது

பிழைப்புத் தேடி நாம்
பிழை செய்து விட்டோமா?

இந்த வரிகள் கரை கடந்து வாழ்ந்தவர்கள் வாழ்பவர்கள்
வாழ்கையை சொல்லும் உண்மை

ஒவ்வரு வரிகளும் பாராட்ட கூடியவை பாராட்டுக்கள் தோழி

யாதுமானவள் · யாதுமானவள் Sat Apr 16, 2011 1:11 pm

நன்றி செய்தாலி!

ஸ்ரீமதி வேலன் · 08/02/2011

அருமையான வரிகள்...உங்கள் ஏக்கம் உங்கள் வரிகளில் தெரிகிறது...

ஷீ-நிசி · ஷீ-நிசி Thu Jun 23, 2011 11:40 pm

வருத்தம் கலந்த வரிகள்.... விடைதான் இல்லை

**Dr.S.Soundarapandian** · **Dr.S.Soundarapandian** Wed Feb 21, 2024 2:21 pm

"பிழைப்புத் தேடி நாம்
பிழை செய்து விட்டோமா?" - இல்லை ! இல்லை ! ஒருவரும் பிறந்த ஊரிலேயே இருந்து வாழ்வதில்லை ! அயலூர் போல, அயல்நாடு !

Sponsored content · Sponsored content

பிழை

பிழை

Re: பிழை

Re: பிழை

Re: பிழை

Re: பிழை

Re: பிழை

Re: பிழை

Re: பிழை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக