ரசித்த கவிதை -1

அன்பு தளபதி · அன்பு தளபதி Sun May 08, 2011 9:54 pm

கனவும் நானும்

இதற்குமுன்
ஒருபோதும்
சென்றிருக்காத
அயல்நாட்டின்
ஒரு வெறுமையான
தெருவிலிருந்து
துவங்குகிறது
அந்தக் கனவு.
அவர்களின்
புதிரான மொழி
குறித்தோ-
பாஸ்போர்ட்
விசா குறித்த
ஆபத்துக்கள்
குறித்தோ
நீளும் என் கனவுக்குக்
கவலையில்லை.
திடுதிப்பென்று
இப்படி அயல்நாடு
வந்தால்
எங்கே தங்குவதென்பது
குறித்தோ
குறைந்த பட்சம்
காலை உணவு குறித்தோ
கொஞ்சமும்
அக்கறையில்லை.
குளிருக்குச் சற்றும்
பொருத்தமில்லாத
போர்வையுடனும்
கால்களுக்குச்
சப்பாத்துக்களுமின்றி
எத்தனை தூரம்தான்
இன்னும்
கூட்டிச்செல்லுமோ
என நடுக்கமுற்று நிற்க-
நல்லவேளை
அந்தக் கனவின்
அடுத்த தெருவிலேயே
தென்பட்ட
என் வீட்டின்
படுக்கையறைக்குள்
புகுந்து போர்த்திக்கொள்ள
எனைத் தேடி
அடுத்த தெருவின்
அயல்தேசத்திலேயே
காத்திருக்கக்கூடும்
அந்தக் கனவு.

நன்றி சுந்தர் ஜி

மஞ்சுபாஷிணி · மஞ்சுபாஷிணி Sun May 08, 2011 9:56 pm

கனவு எப்பவுமே தடை இல்லாமல் பறக்கும் குதிரை போல... கடிவாளம் இடாத குதிரை...... யாராவது நம்மை எழுப்பும் வரை நம் கனவில் நாமே ராஜா நாமே மந்திரி....

அருமையான சிந்தனை மணி. அன்பு வாழ்த்துக்கள்....

அன்பு தளபதி · அன்பு தளபதி Sun May 08, 2011 10:00 pm

மஞ்சுபாஷிணி wrote:கனவு எப்பவுமே தடை இல்லாமல் பறக்கும் குதிரை போல... கடிவாளம் இடாத குதிரை...... யாராவது நம்மை எழுப்பும் வரை நம் கனவில் நாமே ராஜா நாமே மந்திரி....

அருமையான சிந்தனை மணி. அன்பு வாழ்த்துக்கள்....

அக்கா இந்த கவிதை எழுதியவருக்கே பாராட்டுக்களுக்கு உரியவர் நான் ஒரு கருவி மட்டுமே