விழும் படியாம் (கவிதை)

**kirikasan** · **kirikasan** Sat May 14, 2011 9:07 am

(இது ராஜபக்‌ஷ லண்டனில் ஆற்றவிருந்த உரை தமிழ் மக்களின்
போராட்டத்தையடுத்து இரத்து ச்செய்யப்பட்டவுடன் அன்று எழுதியது.
வானொலியில் ஒலிபரப்பானது. இது நிஜமாகிறது என்பதால் இங்கு தருகிறேன்)

தமிழனென்ன தரணியிலே மகிந்தா பலர்
தாகத்துக்கு இளனி வெட்டும் தலையா
விழவிழநீ வெட்டியது தமிழாம் -நாம்
வீழ்ந்துவிட்டோம் என்றுனக்கு திமிரா

குடிப்பதற்கு தமிழ்குருதி எடுத்தே -நாம்
கொட்ட இரத்தம் குளித்தவனே விடவா
அடியில்லாத மாடெதுவும் படியா இந்த
அடியுனது வாழ்வில் விழும்படியாம்

மளமளன்று விழ இதுவே முதலாம்
மற்றதெல்லாம வரும்சரிந்து விழவாம்
எழ உனக்குஇனி எதுவும் இலையாம்
இருப்பதெல்லாம் சறுக்குமிது சரியாம்

களமிழந்தால் உனக்கு என்ன செருக்கா -பொய்
கதைபடித்து உலகை ஏய்த்த திமிரா
அழுதஎங்கள் சாபமெல்லாம் வருமாம் உனை
அழித்துவிட இதுதொடக்க வரமாம்

உயிரிழந்து மனமழிந்து பெண்மை அது
உற்றதொரு கற்பழித்து உடையை
உருவியவர் உடல்கிழித்த கொடுமை இனி
உனைவிடுமோ சத்தியமா யில்லை

செருப்பெடுத்து அடித்ததென்ற இழிமை -இது
செய்ததொரு தொடக்கம் இனி அனலாய்
நெருப்பெழுத்து உனை கொழுத்தும் பெண்கள்
நெஞ்ச மிட்ட சாப தீயில் எரிவாய்

மஞ்சுபாஷிணி · மஞ்சுபாஷிணி Sat May 14, 2011 10:53 am

சத்திய வார்த்தைகள்.....

ஒருவரல்ல இருவரல்ல மானத்தை இழந்தவர் உயிரை இழந்தவர் வீடு வாசலற்று நடைபிணமாய் அகதியாய் அடைப்பட்டவர் எத்தனைப்பேர் வயிறு எரிந்து சாபமிட்டனரோ அத்தனையும் பலிக்கும்...... உயிர் துடிதுடித்து போகும்....

இது வரிகளல்ல வெறுமனே கற்பனையில் உதித்த வரிகளல்ல...
தாலாட்டு பாடி குழந்தையை உறங்கவைக்கும் தாலாட்டு வரிகளல்ல....
மகிழ்ந்து கொண்டாடி உயிர்க்கும் சந்தோஷ வரிகளல்ல...

எத்தனையோ ஆன்மாக்களின் கண்ணீர் வரிகள் இவை.....
உயிரோடு எழுந்து வந்து அவனை கண்டம் துண்டமாக்கும் வரிகள் இவை....
எழுச்சி மிக்க வரிகள் இவை....

கவிதை வரிகள் மிக அருமை கிரிகாசன் ஐயா...

விழும் படியாம் (கவிதை)

விழும் படியாம் (கவிதை)

Re: விழும் படியாம் (கவிதை)

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக