தெலுங்கு பட உலகில் வதந்தி; பிரியாமணி-தருண் “திடீர்” திருமணமா?

மீனு · மீனு Tue Sep 08, 2009 8:13 pm

First topic message reminder :

பிரியாமணி, தருண் “திடீர்” திருமணம் செய்து கொண்டதாக தெலுங்கு பட உலகில் வதந்தி பரவி உள்ளது. இருவரும் “நவவசந்தம்” என்ற படத்தில் சேர்ந்து நடித்தனர். அப்போது நெருக்கம் ஏற்பட்டு தனிமையில் சந்தித்து காதல் வளர்த்தனர். இதுபற்றி கிசுகிசு பரவியதும் மறுப்பு வெளியிட்டார்கள்.

பிரியாமணி தொடர்ந்து தமிழ் படங்களில் நடித்தார். தெலுங்கு படங்களிலும் வந்தார். அவர்கள் இருவரும் பிரிந்து விட்டதாக பட உலகினர் கருதினர். ஆனால் நட்சத்திர ஓட்டல்களில் யாருக்கும் தெரியாமல் ரகசியமாக அவர்கள் சந்தித்து வந்துள்ளனர். தருணை வேறு நடிகைகளுடன் இணைத்து கிசுகிசுக்கள் வந்தன. பிரியாமணியோ பிருதிவிராஜை காதலிக்கிறார் என்றனர். பிருதிவிராஜ் நண்பர்தான் காதலர் அல்ல என்று பிரியாமணி விளக்கம் அளித்து வந்தார்.

இந்த நிலையில்தான் பிரியாமணியும், தருணும் திருமணம் செய்து கொண்டதாக செய்தி பரவியுள்ளது. ஏற்கனவே பிரியாமணிக்கு காதல் பரிசாக தருண் டயோட்டா இன்சூனோவா கார் வாங்கி கொடுத்ததாக கூறப்பட்டது. அக்காரில்தான் அவர் படப்பிடிப்புகளுக்கு செல்கிறார் என்றனர். இப்போது இருவருக்கும் திருமணம் நடந்து விட்டதாகவும் அதிர்ச்சி தகவல் வந்துள்ளது.

பிரியாமணி “பருத்தி வீரன்” தமிழ் படம் மூலம் சிறந்த நடிகைக்கான தேசிய விருது பெற்றவர். “கண்களால் கைது செய்” படத்தில் மூலம் அறிமுகமானார். “அது ஒரு கனாக்காலம்”, “மலைக்கோட்டை”, “தோட்டா” படங்களில் நடித்துள்ளார். பிருதிவிராஜு டன் நடித்த “நினைத்தாலே இனிக்கும்” தற்போது ரிலீசாகி ஓடிக்கொண்டிருக்கிறது. பரத் ஜோடியாக “ஆறுமுகம்” படத்திலும் மணிரத்னம் இயக்கும் “ராவணன்” படத்திலும் தற்போது நடித்துக் கொண்டு இருக்கிறார்.

பிரியாமணி-தருண் திருமணம் செய்து கொண்டதாக தெலுங்கு இணைய தளங்களிலும் செய்தி பரவியுள்ளன. தமிழ்-தெலுங்கில் முன்னணி நடிகையாக உள்ள நயன்தாராவும், பிரபு தேவாவும் காதலிப்பதாகவும் விரைவில் திருமணம் செய்து கொள்ளப்போவதாகவும் சமீபத்தில் கிசுகிசுக்கள் வந்தன. அந்த ஜோடியை தொடர்ந்து பிரியாமணி- தருண் திருமண தகவல் வெளியாகியுள்ளன.

தெலுங்கு நடிகை ஆர்த்தி அகர்வால் தருணால் ஏற்கனவே தற்கொலைக்கு முயன்றார் என்பது குறிப்பிடத்தக்கது. காதலித்து அவர் ஏமாற்றி விட்டதாக இச்செயலில் ஈடுபட்டார். பிறகு தருணை பிரிந்து ஒதுங்கினார். அதன் பிறகு தான் இவர்கள் காதல் வலுத்து கல்யாணம் வரை கொண்டு வந்து விட்டதாக கூறப்படுகிறது.
இருவரும் இந்த திருமண வதந்திக்கு இன்னும் பதில் சொல்லவில்லை.