கே.பி. சொல்வது உண்மைதான்! -ஜெயலலிதா

தாமு · தாமு Wed May 25, 2011 6:17 pm

சென்னை, இந்தியா: “விடுதலைப்புலிகள் இயக்கம், தமிழக முதல்வர் ஜெயலலிதாவை சந்தர்ப்பம் கிடைத்திருந்தால் குறிவைத்திருக்கும்” என்று சமீபத்தில் இந்திய ஊடகம் THL-Mediagroveக்கு வழங்கிய பேட்டியில் குறிப்பிட்டிருந்தார். இதுபற்றித் தமிழக முதல்வரிடம் கருத்துக் கேட்கப்பட்டபோது, அதை ஒப்புக் கொண்டுள்ளார்.

“1991ம் ஆண்டிலிருந்து விடுதலைப்புலிகளின் கொலை அச்சுறுத்தலுக்கு நான் உள்ளாகியிருக்கின்றேன்” என்று பதிலளித்திருக்கிறார் அவர்.

அதேபோல, கே.பி. தனது பேட்டியில், “ராஜிவ் காந்தியின் கொலைக்கும், தி.மு.க.வுக்கும் நேரடித் தொடர்பு இருக்கின்றதா என்று எனக்குத் தெரியாது. ஆனால், பிரபாகரன் ஆரம்பத்தில் திராவிடக் கழகத்தினதும், பின்னர் தி.மு.க.வினதும் பிராமண எதிர்ப்புக் கொள்கையால் கவரப்பட்டிருந்தார். அந்த வெறுப்பு அவரிடம் பதிந்திருந்தது. ராஜிவ் காந்தி கொல்லப்பட்டதற்கு அதுவும் காரணமாக இருக்கலாம்” என்று குறிப்பிட்டிருந்தார்.

தமிழக முதல்வரும், “ராஜிவ் காந்தியின் கொலைக்கு தி.மு.க.வே மறைமுகமான காரணம் என்பதுதான் எமது நிலைப்பாடு” என்று கிட்டத்தட்ட அதே கருத்தையே கூறியிருக்கின்றார்.

“ராஜிவ் காந்தி கொலையைத் திட்டமிட்டு நடாத்தியது விடுதலைப்புலிகள் அமைப்புத்தான்” என்று கே.பி. கூறியிருக்கின்றார். இந்திய மத்திய அரசும் அப்படியே கூறியிருந்தது. தமிழக முதல்வர் ஜெயலலிதாவும் அதையேதான் கூறியிருக்கின்றார். இதிலுள்ள முக்கிய விஷயம் என்னவென்றால், தி.மு.க.வும் அதை மறுத்ததில்லை.

இப்போது, தமிழக முதல்வர், “ராஜிவ் காந்தியின் கொலைக்கு தி.மு.க.வே மறைமுகமான காரணம்” என்று கூறியிருப்பதற்கு, தி.மு.க. பதிலளிப்பதென்றால், எப்படிப் பதிலளிக்கும் என்பதே மில்லியன் டொலர் கேள்வியாகியிருக்கின்றது.

“கொலைவழக்கில், ஏற்கனவே தீர்ப்பளிக்கப்பட்டு குற்றவாளிகளும் அடையாளம் காட்டப்பட்டு விட்டனரே” என்று தி.மு.க. பதிலளித்தால், கொலைக்குக் காரணம் விடுதலைப்புலிகளே என்று ஒப்புக் கொள்வதாகிவிடும். ஒப்புக் கொண்டால், கே.பி.யின் பேட்டியின்படி தி.மு.க.வே மறைமுகமான காரணம் என்ற வாதம் கிளம்பும்.

“புலிகள் கொலை செய்யவில்லையே.. அவர்கள் கொலை செய்திருந்தால்தானே எம்மைத் தொடர்பு படுத்தலாம்?” என்றோ, “யார் கொலை செய்தார்கள் என்பது எமக்குத் தெரியாது” என்றோ கூறினால், இந்திய அரசின் தனி நீதிமன்றம் கொடுத்த தீர்ப்பை தி.மு.க. ஏற்றுக்கொள்ளவில்லை என்றாகிவிடும்!

அப்படிக் கூறினால் மற்றொரு சிக்கல். நீதிமன்றத்தை அவமானப்படுத்துவது என்று யாராவது (சுப்ரமணிய சுவாமி இருக்கவே இருக்கிறாரே!) வழக்குத் தொடுத்தாலும் தொடுக்கலாம். வழக்கைவிட, தி.மு.க.வின் நீதிமன்றத்துக்கு எதிரான நிலைப்பாடு, ஊடகங்களில் அரசியலாக்கப்பட்டுவிடும்.

இன்றைய சூழ்நிலையில், தமிழகத்தில் பதவியும் இல்லாமல், மகள் கனிமொழி நீதிமன்றப் படிகளில் ஏறியிறங்கிக் கொண்டிருக்கும் நிலையில், நீதிமன்றங்களுக்கு எதிராக மூச்சுவிடவும் முயலமாட்டார் கலைஞர் என்பது இலகுவாக ஊகிக்கப்படக் கூடிய விஷயமே!

சும்மா சொல்லக்கூடாது. தனது ஒரு வரிப் பதிலால், கலைஞரைச் சிக்கலில் வசமாக மாட்டிவிட்டிருக்கிறார் தமிழக முதல்வர் ஜெயலலிதா!

விறுவிறுப்பு

ரபீக் · ரபீக் Wed May 25, 2011 6:19 pm

அடப்போங்க சார் !! இதுக்கெல்லாம் பயப்படுரா ஆளு இல்லை அவரு

தாமு · தாமு Wed May 25, 2011 6:22 pm

தமிழ்ப்ரியன் விஜி · 26/06/2009

பேசாம அம்மையாரை சிபிஐ இயக்குனர் ஆக்கிவிடலாம்.....!

ரபீக் · ரபீக் Wed May 25, 2011 6:24 pm

தமிழ்ப்ரியன் விஜி wrote:பேசாம அம்மையாரை சிபிஐ இயக்குனர் ஆக்கிவிடலாம்.....!

தமிழகத்தில் சி பி ஐ மற்றும் சி பி எம் இரண்டும் அவருடைய கட்டுப்பாட்டில்தான் உள்ளது

தமிழ்ப்ரியன் விஜி · 26/06/2009

ரபீக் wrote:
தமிழ்ப்ரியன் விஜி wrote:பேசாம அம்மையாரை சிபிஐ இயக்குனர் ஆக்கிவிடலாம்.....!

தமிழகத்தில் சி பி ஐ மற்றும் சி பி எம் இரண்டும் அவருடைய கட்டுப்பாட்டில்தான் உள்ளது

சி பி ஐ- கம்யூனிஸ்ட் பார்ட்டி ஆப் இந்தியா [ரவுடியிஸ்ட்] !??
சி பி எம் -கம்யூனிஸ்ட் பார்ட்டி ஆப் மலையாளி !??