பலான படமா பாலா, எதிர்ப்பு வலுக்கிறது !?

தாமு · தாமு Tue Jun 21, 2011 8:16 am

First topic message reminder :

கடந்த 17ம் தேதி திரைக்கு வந்தபடம் அவன் இவன். பாலா படமா அல்லது பலான படமான என்று சந்தேகத்தை ஏற்படுத்தும் படமாக அவன் இவன் படம் அமைந்திருப்பதாக பலரும் குற்றம் சாட்டி வருகின்றனர்.

இந்நிலையில் இந்தபடத்திற்கு சிங்கப்பட்டி ஜமீன் தரப்பில் இருந்து பயங்கர எதிர்ப்பு கிளம்பி இருக்கிறது. அதாவது படத்தில் ஜமீன் தீர்த்தபதி என்று ஒரு கிராமத்தை காட்டுகிறார்கள். அதில் தீர்த்தபதி எனும் கேரக்டரில் நடித்திருப்பவர், குடிப்பது போன்றும், படத்தின் முடிவில் அவரை நிர்வாணமாய் ஓடவிடுவது போன்றும் காட்சி அமைப்புகள் உள்ளன. அதேபோல் மற்றொரு காட்சியில் சொரிமுத்து என்ற கேரக்டரை உருவாக்கி இந்த கோவிலை நம்பிதான் நீங்க வாழ்ந்திட்டிருக்கிறீங்க என்ற வசனம் இடம் பெற்றுள்ளது. இதற்கு அம்பை,ஆலங்குளம் பகுதி மக்கள் கடும் எதிர்ப்பு தெரிவித்து உள்ளனர். அம்பை,சிங்கை மற்றும் நெல்லையில் பல இடங்களில் இதுபற்றிய கண்டன போஸ்டர்கள் ஒட்டப்பட்டுள்ளன. அவன்-இவன் படத்துக்கு எதிராக சட்டப்படி நடவடிக்கை எடுக்கப்போவதாக சிங்கம்பட்டி சமஸ்தானம் அறிவித்து உள்ளது.

இதுபற்றி சிங்கம்பட்டி சமஸ்தானம் இளைய ஜமீன்தார் டி.எம்.டி. தாயப்பராஜா வெளியிட்டுள்ள அறிக்கையில் கூறியிருப்பதாவது, சிங்கம்பட்டி ஜமீன் மூலம் நெல்லை மாவட்டம் அம்பாசமுத்திரத்தில் கடந்த 1910ல் தீர்த்தபதி ராஜா பெயரில் இலவச ஆஸ்பத்திரிகள், பள்ளி கூடங்கள் அமைக்கப்பட்டு, இன்றும் அரசால் பராமரிக்கப்பட்டு வருகிறது. நெல்லை டவுன் தேரோட்ட வீதிகளில் தண்ணீர் டேங்குகள் அமைக்கப்பட்டுள்ளன.

சிங்கம்பட்டி ஜமீன் டி.என்.எஸ். முருகதாஸ் தீர்த்தபதி ராஜா, ராஜ தரிசனம் வழங்கி வருகிறார். இன்றும் இப்பகுதி மக்கள் ஜமீன் மீது பாசத்துடனும், மரியாதையுடனும் இருந்து வருகின்றனர். ஜமீன் மூலம் மக்களுக்கு இயன்ற உதவிகளும் செய்யப்பட்டு வருகிறது.

புகழ் பெற்ற இந்த ஜமீனையும், பழமை வாய்ந்த சொரிமுத்தையனார் கோயிலையும் “அவன் இவன்’ படத்தில் அவதூறாக சித்தரிக்கப்பட்டுள்ளது. இப்படத்தின் இயக்குனர் பாலாவை கண்டிப்பதுடன், அவதூறு காட்சிகளை உடனடியாக நீக்க வேண்டும். இல்லாதபட்சத்தில் சட்டப்பூர்வ நடவடிக்கை எடுக்கப்படும். இவ்வாறு அவர் கூறியுள்ளார்.

mondia

ரபீக் · ரபீக் Tue Jun 21, 2011 11:56 am

பொதுவில் இவருடைய படங்களில் வன்முறையும் ,அநாகரீகமான செயல்முறைகளும் அதிகம் இருக்கும் !!

**ஸ்ரீஜா** · **ஸ்ரீஜா** Tue Jun 21, 2011 11:56 am

எதா இருந்தாலும் பேசி தீர்துக்கலாம்

**Manik** · **Manik** Tue Jun 21, 2011 11:59 am

பேச்சு வார்த்தையை ஆரம்பிக்கலாம் பலான படமா பாலா, எதிர்ப்பு வலுக்கிறது !? - Page 2 755837

SK · SK Tue Jun 21, 2011 12:08 pm

பலான படமா பாலா, எதிர்ப்பு வலுக்கிறது !? - Page 2 56667

kitcha · kitcha Tue Jun 21, 2011 1:56 pm

நான் நேற்று தான் படம் பார்த்தேன்.விஷாலின் நடிப்பு சூப்பர் என்று சொல்லி ஒரு சிறு வார்தைக்குள் அடைக்கமுடியாது. பிரமாதம் என்பதைவிட பெரியது.கடைசி 25 நிமிடத்திற்கு முன்பு, ஜமீந்தாரராக நடித்த g.m குமார் என்பவர் வில்லனால் நிர்வாணமாக நிக்கவைக்கப் பட்டு துன்புறுத்தப் பட்டு கொல்லப்படுகிறார்.அந்த காட்சியை பார்க்கும் போது பாலா ஏன் இப்படி எடுத்தார் என்று தோணுகிறது.மற்ற படி அது அறுவெறுப்பாகவோ அல்லது முகம் சுழிக்கும்படி இல்லை.இது பாலா படம்.பலான படம் இல்லை.

தாமு · தாமு Tue Jun 21, 2011 1:57 pm

மஞ்சுபாஷிணி · மஞ்சுபாஷிணி Tue Jun 21, 2011 2:29 pm

சண்டியர் அப்படின்னு ஒரு படம் எடுத்தார் கமல்.. உடனே எல்லாரும் சண்டை போட்டு கேசு போட்டு படத்தை வெளிவர முடியாம செய்தாங்க. அதுக்காக கமல் சளைக்கவே இல்லை. சண்டியர் விருமாண்டியானது. அப்புறம் என்ன ? தேடாமலேயே பப்ளிசிட்டி கிடைச்சது இப்படி தான் விருமாண்டி நல்லா சக்ஸஸ்ஃபுல் ஆனதும் இப்படி தான்...

அது போல ஜமிந்தார் ரோல் நல்லவராக மென்மையானவராக குழந்தை மனம் படைத்தவராக அதே சமயம் சந்தோஷமாக காட்டினார்களே தவிர அவரை ஒரு பெண் பித்தராகவோ அல்லது கொடுமையானவராகவோ காட்டவில்லை...

அவரை கடைசி காட்சியில் அடித்து துன்புறுத்தி கொன்று தொங்கவிட்டபோது பார்ப்பவருக்கு கண்கலங்க வைக்கும்படி இருந்ததே தவிர அசிங்கமாகவோ அருவெறுக்கும்படியாகவோ விரசமாகவோ இல்லை....

குற்றம் குறை சொல்வதற்கென்றே ஒரு கூட்டம் அலைகிறது ஆனால் அதுவே பப்ளிசிட்டியாகி படம் வெற்றி பெறவும் காரணமாகிவிடுகிறது... சூப்பருங்க