ரஜினியை சந்திக்கிறார் கே.எஸ்.ரவிக்குமார்

தாமு · தாமு Tue Jun 28, 2011 3:22 pm

சிங்கப்பூரில் ஓய்வெடுத்து வரும் ரஜினியை இன்னும் சில தினங்களில் நேரில் சந்திக்கிறார் டைரக்டர் கே.எஸ்.ரவிக்குமார். அப்போது ராணா படப்பிடிப்பு குறித்து ரஜினியிடம் பேசி முடிவெடுக்கப்படும் என்றார் அவர்.ராணா படப்பிடிப்பு தினத்தில் இருந்தே உடல்நலக்குறைவால் சிகிச்சை பெற்று வருகிறார் ரஜினி. சென்னையைத் தொடர்ந்து சிங்கப்பூர் சென்று தீவிர சிகிச்சைக்குப்பின் இப்போது உடல்நலம் தேறியிருக்கிறார். இந்நிலையில் சென்னைக்கு வந்தால் ஓய்வெடுக்க முடியாது என்பதால் சிங்கப்பூரிலேயே தங்கியிருந்து ஓய்வெடுத்து வருகிறார் ரஜினி.

இந்நிலையில் இன்னும் யாரையும் ரஜினியை சந்திக்க அனுமதிக்கவில்லை. என்றபோதும் தற்போது கே.எஸ்.ரவிக்குமார் அவரை சந்திக்கிறார். அப்போது ராணா படப்பிடிப்பு எப்போது தொடங்கலாம் என்பது குறித்து அவர் ரஜினியிடம் பேசுவார் என்று தெரிகிறது.