சுலபமான முறையில் இனிப்புகள் ! - கடலை மாவு லட்டு !

**krishnaamma** · **krishnaamma** Sat 16 Jul 2011 - 19:02

First topic message reminder :

இந்த திரி இல் பலவகை இனிப்புகள் செய்யும் (ஈசியான) முறைகளை பார்க்கலாம்.
முதலில் திரட்டுப்பால் .

பொதுவாக எங்கள் வீடுகளில் இது இல்லாமல் எந்த பண்டிகையும் இருக்காது. கல்யாணம் கார்த்திகை எல்லாத்துக்கும் திரட்டுப்பால் வேண்டும்.

தேவையானவை:

வெண்ணை நிறைந்த பால் 1 லிட்டர்
சர்க்கரை 200 கிராம்

செய்முறை:

அடிகனமான உருளி இல் பாலை விட்டு அடுப்பை சின்னதாக வைக்கணும் .
பால் பொங்கி வராமல் இருக்க அதில் ஒரு சின்ன கிண்ணி யை போட்டுவைக்கலாம்.
நன்கு பால் குறைந்து வரும்பொழுது, கிண்ணியை எடுத்துவிட்டு கிளறவும்.
சர்க்கரை சேர்க்கவும்.
நன்கு சுருண்டு வந்ததும் அடுப்பை அணைக்கவும்.
வேண்டுமானால் ஏலப்பொடி போடலாம்.
அப்படியேவும் நன்றாக இருக்கும்.
இளம் 'பிங்க்' நிறத்தில் நன்றாக இருக்கும்.

**T.N.Balasubramanian** · **T.N.Balasubramanian** Sat 25 Oct 2014 - 19:26

ராஜா (IAS -under probation )--கங்க்ரஜுலெஷன்

ரமணியன்

**ஜாஹீதாபானு** · **ஜாஹீதாபானு** Sat 25 Oct 2014 - 19:34

krishnaamma wrote:
ஜாஹீதாபானு wrote:அட அட படமே அழகா இருக்கு... பாதுஷா வட்டம் போட்டது ஆரு? அழகா தட்டி இருக்காங்க.

சென்னை வரும்போது செய்து கொண்டு வாங்க
மேற்கோள் செய்த பதிவு: 1099088

ஆமாம் பானு, சூப்பர் ஆக இருந்தது போட்டோ வில், உடனே "சூப்பர் " என்று voice chat அனுப்பிட்டேன் ராஜாவுக்கு ..அப்புறம் பானு, whatsup வைத்துக்கொள்ள android போன் வேண்டாம் பானு, சாதாரண போன் இல் கூட டவுன்லோட் செய்யலாம்.....உங்க பிள்ளையை கேளுங்க ............செய்து தருவான்

மேற்கோள் செய்த பதிவு: 1099132

நான் வச்சிருக்கிற போன் நெட் உபயோகிக்க முடியாதுமா. கூடிய சீக்கிரம் வாங்கிடுறேன் புன்னகை

**ராஜா** · **ராஜா** Sat 25 Oct 2014 - 19:48

T.N.Balasubramanian wrote:ராஜா (IAS -under probation )--கங்க்ரஜுலெஷன்
ரமணியன்

**krishnaamma** · **krishnaamma** Sat 25 Oct 2014 - 19:51

ஜாஹீதாபானு wrote:
krishnaamma wrote:
ஜாஹீதாபானு wrote:அட அட படமே அழகா இருக்கு... பாதுஷா வட்டம் போட்டது ஆரு? அழகா தட்டி இருக்காங்க.

சென்னை வரும்போது செய்து கொண்டு வாங்க
மேற்கோள் செய்த பதிவு: 1099088

ஆமாம் பானு, சூப்பர் ஆக இருந்தது போட்டோ வில், உடனே "சூப்பர் " என்று voice chat அனுப்பிட்டேன் ராஜாவுக்கு ..அப்புறம் பானு, whatsup வைத்துக்கொள்ள android போன் வேண்டாம் பானு, சாதாரண போன் இல் கூட டவுன்லோட் செய்யலாம்.....உங்க பிள்ளையை கேளுங்க ............செய்து தருவான்
மேற்கோள் செய்த பதிவு: 1099132

நான் வச்சிருக்கிற போன் நெட் உபயோகிக்க முடியாதுமா. கூடிய சீக்கிரம் வாங்கிடுறேன்

நோ ப்ரோப்ளேம்...........பானு...அவசரம் ஒன்றும் இல்லை............என்னுடையதும் android இல்லை புன்னகை

**krishnaamma** · **krishnaamma** Tue 5 May 2015 - 17:38

தேவையானவை:

1cup முந்தரி விழுது (150gm முந்திரியை ஊறவைத்து, கொஞ்சம் பாலில் அரைத்து வைக்கவும் )
2cup சர்க்கரை
2 1 /2cup சக்கரை இல்லாத கோவா
2sp நெய்
2sp முந்திரி உடைத்து
சிறிதளவு ஏலப்பொடி (தேவையானால் )
பால் சிறிதளவு

செய்முறை:

ஒரு அடிகனமான பாத்திரத்தில், முந்தரி விழுது, நெய் போட்டு அடுப்பில் வைக்கவும்.
அடுப்பை நிதானமாக எரியவிடவும், கிளறிக்கொண்டே இருக்கவும்.
இப்பொழுது கோவாவை துருவி அல்லது உதிருதுப்போடவும்.
நன்கு கிளறவும், கொஞ்சம் கெட்டியாகும்போது, சிறிது சிறிதாக நெய் விட்டு கிளறவும்.
சர்க்கரை சேர்க்கவும்.
கைவிடாமல் கிளறவும்.
நன்கு பந்து போல் சுருண்டுவரும்போது ஏலப்பொடி, உடைத்துவைதுள்ள முந்தரி தூவி, கிளறி இறக்கவும்.
சுவையான முந்தரி ஹல்வா தயார்.

குறிப்பு: வெறும் முந்தரி விழுது போடும் இந்த ஹல்வா செய்யலாம. (பாதாம்
ஹல்வா) போலவே.
சர்க்கரை இல்லாத கோவா கடையில் வாங்கினாலும் ஓகே அல்லது, ஒரு லிட்டர் பாலை சுண்டக் காய்ச்சியும் நாமே தயாரிக்கலாம்.

**krishnaamma** · **krishnaamma** Tue 5 May 2015 - 17:53

காரட் - காஜர் ஹல்வா - ரொம்ப சுலபமான ஹல்வா.

தேவையானவை:

1kg 'பிரெஷ்' காரட்
1 1 /2lt பால்
500gm சர்க்கரை
ஏலப்பொடி கொஞ்சம்
2sp நெய்
2sp உடைத்த பாதாம், பிஸ்தா, முந்தரி துண்டங்கள்.

செய்முறை :

காரட்டை நன்கு கழுவி துருவவும்.
ஒரு அடிகனமான பாத்திரத்தில், பால், காரட் துருவல் போட்டு அடுப்பில் வைக்கவும்.
அடுப்பை நிதானமாக எரியவிடவும், கிளறிக்கொண்டே இருக்கவும்.
பொங்கி வழியாமல் பார்த்துக்கொள்ளவும்.
நன்கு குறுகினதும், சர்க்கரை போடவும். கிளறவும்.
நெய் ஊற்றவும்.
நன்கு பந்து போல் சுருண்டுவரும்போது ஏலப்பொடி தூவி இறக்கவும்.
ஒரு அழகான பேசினில் போட்டு உடைத்த பருப்புகள் கொண்டு அலங்கரிக்கவும்.

குறிப்பு: ஹல்வா கிளரும் நேரத்தை குறைக்க துருவின காரட்டை பால் விட்டு குக்கரில் இல் வேகவைத்துவிட்டு, சர்க்கரை இல்லாத கோவா போட்டும் செய்யலாம்.

**krishnaamma** · **krishnaamma** Tue 5 May 2015 - 17:54

பலவகை ஹல்வா செய்யும் முறை :

காரட் - காஜர் ஹல்வா போலவே, அதேமுறையில் பூசணி (வெள்ளை பூசணி ),
பரங்கிக்காய் ( கல்யாண பூசணிக்காய் - அரசாணிக்காய் ), பீட் ரூட் மற்றும் சுரைக்காய் போன்ற காய்கறிகளிலும் செய்யலாம்.

பூசணி, சுரைக்காய் போன்ற காய்கறி களில் செய்வதானால், அவற்றை துருவி
வடிதட்டில் போட்டு வடியடவேண்டும். பிறகு நன்கு பிழிந்து விட்டு துருவலை மாத்திரம் உபயோகிக்கவேண்டும். பிழிந்த நீரை 'சூப்' செய்ய உபயோகிக்கலாம்.

மேலும் இந்த ஹல்வாகள் செய்ய 'சர்க்கரை இல்லாத கோவா' உபயோகித்தால் அது ஹல்வாவின் சுவையை கூட்டும் .

, கல்யாண பூசணி , மற்றும் காரட் - காஜர் ஹல்வாவிற்கு கலர் ஏதும் போட வேண்டாம் , மற்ற ஹல்வாகளுக்கு போடணும்.

பூசணி ஹல்வாவின் மறு பெயர் 'காசி ஹல்வா' இந்த ஹல்வா செய்யும் போது சர்க்கரை அளவை சிறிது அதிகரித்தால் கடையில் செய்வது போல் துண்டம் போடவரும். கேசரி கலர் போடலாம்.

**krishnaamma** · **krishnaamma** Tue 5 May 2015 - 17:56

தேவையானவை:

600gms பேரிச்சம்பழம (விதைகளை எடுக்கவும், துண்டுகள் போடவும் )
1tin Condensed milk ( milkmaid tin )
2 தேக்கரண்டி நெய்
2 தேக்கரண்டி மைதா / corn flour
1 /2cup தண்ணீர்

செய்முறை:

ஒரு வாணலியில் நெய் விட்டு மைதாவை போட்டு ஒரு நிமிடம் வதக்கவும்.
உடனே தண்ணீர் விட்டு கிளறவும்.
அது கொதித்து அடங்குமுன், பேரிச்சம்பழ துண்டுகள் போடவும்.
பின் Condensed milk ஊற்றவும் .
நன்கு கிளறவும்.
நன்கு பந்து போல் சுருண்டுவரும்போது இறக்கவும்.
அவ்வளவுதான் பேரிச்சம்பழ ஹல்வா ரெடி.

**krishnaamma** · **krishnaamma** Tue 5 May 2015 - 17:57

பேரிச்சம்பழ ஹல்வா போல், மிக்சட் ப்ரூட் ஹல்வாவும் செய்யலாம். இந்த ஹல்வாவை குழந்தைகள் மிகவும் விரும்புவார்கள்.

தேவையானவை:

200gms பேரிச்சம்பழம (விதைகளை எடுக்கவும், துண்டுகள் போடவும் )
2cup டுட்டி பிரூட்டி
1cup உலர்ந்த திராக்ஷை
2cup உடைத்த பாதாம், பிஸ்தா, முந்தரி துண்டங்கள்.
2cup உலர்ந்த அத்திப்பழம் (துண்டுகளாக்கவும்)
1 தேக்கரண்டி செர்ரி (தேனில் ஊறவைத்து கடையில் கிடைக்கும் , வாங்கி துண்டுகளாக்கவும் )
1tin Condensed milk ( milkmaid tin )
2 தேக்கரண்டி நெய்
2 தேக்கரண்டி மைதா / corn பலூர்
1cup சர்க்கரை
1 cup தண்ணீர்

செய்முறை:

ஒரு வாணலியில் நெய் விட்டு மைதாவை போட்டு ஒரு நிமிடம் வதக்கவும்.
உடனே தண்ணீர் விட்டு கிளறவும்.
அது கொதித்து அடங்குமுன், பேரிச்சம்பழ துண்டுகள், டுட்டி பிரூட்டி,உலர்ந்த திராக்ஷை, உடைத்த பாதாம், பிஸ்தா, முந்தரி துண்டங்கள்,உலர்ந்த அத்திப்பழம், செர்ரி போடவும்.
பின் Condensed milk ஊற்றவும் , சர்க்கரை சேர்க்கவும்.
நன்கு கிளறவும்.
நன்கு பந்து போல் சுருண்டுவரும்போது, நெய் தடவிய தட்டில் கொட்டவும்.
ஆறினதும் துண்டம் போடவும்.
அவ்வளவுதான் மிக்சட் ப்ரூட் ஹல்வா ரெடி.

**krishnaamma** · **krishnaamma** Tue 5 May 2015 - 17:58

தேவையானவை :

1cup கடலை மாவு
1sp அரிசி மாவு
1tabsp முந்தரி பருப்பு
1tabsp உலர்ந்த திராக்ஷை
10 - 15 கிராம்பு
2sp நெய்
ஆரஞ்சு கலர் 2 சிட்டிகை
அரை ஸ்பூன் ஏலப்பொடி
உப்பு ஒரு சிட்டிகை
'baking powder ' - சோடா உப்பு ஒரு சிட்டிகை
பொரிக்க நெய்/எண்ணெய்

சர்க்கரை பாகுகாக :
1 3 /4cup சர்க்கரை
3 /4cup தண்ணீர்

செய்முறை:

கடலை மாவு, அரிசி மாவு, உப்பு ஒரு சிட்டிகை,ஆரஞ்சு கலர், சோடா உப்பு ஒரு சிட்டிகை எல்லாம் போட்டு நன்கு கலக்கவும்.
தண்ணீர் விட்டு 'தோசை மாவு' பதத்துக்கு கரைக்கவும்.
வாணலியில் எண்ணெய் வைத்து சுட்டதும்,
பூந்தி கரண்டி இல் மாவை விட்டு, ஒரு கரண்டியால் தட்டவும்
பூந்திகள் எண்ணெய் இல் தொடர்ந்து விழனும்.
பிறகு பொறித்த பூந்திகளை வடிதட்டில் போடவும்.
இது போல் மொத்த மாவையும் பூந்தி யாக பொரிக்கவும்.
ஒரு பெரியபேசினில் மொத்த பூந்திகளையும் போடவும்.
நெய் விட்டு உலர்ந்த திராக்ஷை, கிராம்பு , முந்திரியை பொரித்து போட்டு கலக்கவும்.
மற்றும் ஒரு அடுப்பில் சர்க்கரை பாகுகாக ஆழமான பத்திரத்தில் சர்க்கரை + தண்ணீர் விடவும். ஏலப்பொடி போடவும்.
கம்பி பதம் வரும் வரை கொதிக்கவிடவும்.
சர்க்கரை பாகை பூந்தி மேல் கொட்டவும்.
கரண்டியால் கிளறி விடவும்.
கொஞ்சம் சூடு ஆறினதும் லட்டு பிடிக்கவும்.

Sponsored content · Sponsored content

சுலபமான முறையில் இனிப்புகள் ! - கடலை மாவு லட்டு !

சுலபமான முறையில் இனிப்புகள் ! - கடலை மாவு லட்டு !

Re: சுலபமான முறையில் இனிப்புகள் ! - கடலை மாவு லட்டு !

Re: சுலபமான முறையில் இனிப்புகள் ! - கடலை மாவு லட்டு !

Re: சுலபமான முறையில் இனிப்புகள் ! - கடலை மாவு லட்டு !

Re: சுலபமான முறையில் இனிப்புகள் ! - கடலை மாவு லட்டு !

முந்தரி ஹல்வா !

காரட் - காஜர் ஹல்வா !

பலவகை ஹல்வா செய்யும் முறை :

பேரிச்சம்பழ ஹல்வா

மிக்சட் ப்ரூட் ஹல்வா

பூந்தி லட்டு

Re: சுலபமான முறையில் இனிப்புகள் ! - கடலை மாவு லட்டு !

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக